Banetrening 2014.
Her ser ein kva som skjer på den fronten.
—————–
2.april 2014:
Vi er i gang med banetreningar på Førde Stadion. Rekordtidleg – og det er bra. I dag var Torbjørn Os og Geir Nygård på plass i lag med Johnny. Dei to førstnemnde driv med triathlon og maraton, så det vi held på med her er vel berre for blåbær å rekne for dei.
Vi starta treningane med 4 x 500m – start kvart 3.minutt. Torbjørn og Geir starta med 1.45 og enda på 1.38. Johnny opererte på tider like unde r1.50. godt å vere i gang sjølv om det var uvant kost.
Ver og føre: Ca. 5 grader og opphaldsver. Ok å vere her.
—————————
9.april 2014:
Igjen var Geir, Johnny og Torbjørn på plass. I dag kom også Sveinung Lien, så dermed var vi 4 stk.
3 x 1000m med start kvart 5.minutt var økta. Maraton-gutane held god fart der dei starta med 3.45 og enda opp med 3.28. Johnny og Sveinung måtte finne seg i å opererere 60-80m bak. Estimerte tider 3.55 på dei.
Ver og føre: Ca. 7 grader og opphald.
—————————–
23.04.2014:
I eit fantastisk vår(sommar)ver møtte ein fin gjeng på Førde Stadion. I dag kom Geir, Johnny, Kjell N og Torbjørn. I tillegg vart Kjell Gillestad (ex-maratonløpar frå Bygstad) med på økta.
6 x 500m intervall – start kvart 3. minutt var dagens tekst. I dag gjekk det fortare enn sist. Torbjørn starta med 1.42 med kom til slutt ned på 1.36. Geir, som skal springe marataon laurdag, hang på dei 5 første, men slapp seg så ned. Johnny hadde ein fin serie mellom 1.42-1.46 (snitt 1.45). Kjell N er lenger unna formen og låg nokre sekund bak Johnny. Han stod over første og siste draget.
Ver og føre. Sol og vind frå aust. ca. 18 grader!!! Suverent!
——————————
30.04.2014:
Siste april og litt kaldare enn sist. Likevel flott på stadion. Det kom nye folk i dag . Jan hadde si første økt i denne gjengen i år og sanneleg dukka også Ivar-Andrè opp. Det er kjekt! I tillegg var Johnny, Kjell N og Torbjørn her.
Treninga: 4 x 1000m med start kvart 5. min. var dagens meny: Torbjørn starta med 3.39 og hadde så 3.33. og 3.30 før han roa ned med 3.41 med tanke på kveldens O-løp (!!!) Johnny, Jan og Kjell låg eit stykke bak men fart til 3.45 – 3.48. Ivar A har litt jobb før godformen er her og stod av etter 600m. Litt såre leggar undervegs gjorde at Johnny stoppa etter 600m på siste draget, medan Jan fullførte fint med 3.44 – sjølv med stive leggar.
Ver og føre: Nordavind og sol. Det tåler vi, så vi kan ikkje skulde på forholda…
—————————
07.05.2014:
Då er vi inne i mai månad og for alle oss er sesongen i gang. Geir har alt gjort unna sin første maraton (3.07 i Rett Vest) og Torbjørn skal prøve seg i Ålesund kommande laurdag. I dag var den «harde kjerne» på plass på stadion- dvs. Geir, Johnny, KjellN og Torbjørn.
Treninga: 8 x 500m – start kvart 3. min – vart kommandert, og gjengen gjekk i gang! Johnny tok som vanleg teten på dei første 200 meterane, men etterkvart kom Torbjørn og Geir kom sigande. Kjell N danna baktroppen. Sånn vart det stort sett heile økta. I teten gjekk det unna på 1.43-1.45 med Johnny 2-3 sekund bak og Kjell N like mykje bak der. På siste draget skrudde Torbjørn litt meir til og segla inn på 1.36. Då var plutseleg Kjell N med etter å ha stått over 6 intervallen.
Ver og føre: Nesten vindstille – 12 grader og overskya. Flott altso!!!
————————–
14.05.3014:
Økta starta med ein høgtideleg overrekking av premie til Torbjørn for hans maratonløp i Ålesund sist helg på 2.59.20. Det var Geir som hadde tatt ansvar og kjøpt inn 1 flaske champagne! Vel fortent og stor applaus!!!
Det aukar på med antal repetisjonar og i dag var det 5 x 1000m som var planen. Geir, Johnny, Kjell og Torbjørn møtte i fineveret. Kjell hadde trøbbel med strekk/betennelse i låret, så det vart kun 1 drag på han i dag. Får håpe dette går fort over.
Treninga: «Knoll og Tott» (Geir og Torbjørn) var som vanleg i tet med Johnny eit godt stykke bak. Tidene i tet var 3.38-3.32-3.29-3.29 og 3.36. Det er ein solid serie. Johnny låg frå 50-70m bak og fekk såpass vondt i viljen at han reduserte siste draget til 400m.
Ver og føre: Ein ting å seie – berre lekkert!
————————
21.05.2014:
Rekordframmøte i dag gitt. Heile 7 stk. møtte til økta: Geir, Ivar-Andrè, Jan, Johnny, Kjell, Torbjørn og Vidar. Vidar debuterer i vårt lag, og vi håpar å sjå han her ofte.
Treninga: Dosane veks seg større og større. 10 x 500m var dagens økt. Som vanleg start kvart 3. min. Vidar – nett tilbake etter 14 dagars sykje – var yr og tok teten. Han fann etterkvart ut at det ikkje var verdt å presse seg heilt i kjellaren, og la seg litt bak.. Torbjørn og Geir heldt som vanleg følgje i tet, men etterkvart fekk Torbjørn ei lita luke. Johnny, Jan og Kjell kom halsande nokre meter etter, men kom seg gjennom på ein anstendig måte. Ivar-A har eit stykke til formen, og stod av etter nokre drag. Tidene i tet var frå 1.36-1.43 der Torbjørn var sjef på minst 6 stk. Ei solid økt på alle måtar, og noko som kjennes i kroppen heile kvelden.
Ver og føre: Vergudane har vi iallefall med oss på desse øktene. Nok ein fin dag utan regn og med fin temperatur.
———————–
28.05.2014:
På årets – så langt flottaste dag vermessig – var det kun 3 som møtte til økta: Geir, Johnny og Torbjørn. Dei andre får vi tru pleier formen som best dei kan andre stader…
Treninga: Med snart berre 3 veker igjen til veteran-NM bestemte Johnny at no er det fart og anaerob trening som gjeld. Den såkalla «Bogstad-økta» var menyen. Det betyr 4 x 400m med 400m gang mellom kvart drag. I dag var det Johnny som var sjef og først heile vegen. Men, sanneleg er det bra fart i maraton-karane også, sjølv om dette er uvant kost. Tider på folket: Johnny: 67.2-68,4-68,5-68,5. Torbjørn: 70-70-71-70. Geir: 74-74-72-72. Ein solid dose dette og det kjennes godt i kroppen dette.
Ver og føre. Over 20 grader lett vind frå nordvest og flott som søren på stadion.
***************************************
21.08.2014:
Nokon av oss har tenkt å ta oppatt baneøktene på Førde Stadion. Det er Geir Nygård, Torbjørn Os og Johnny som møtte til første økt.
8 x 500m er ei høveleg økt å starte med. Som vanleg start kvart 3.min. Vi starta rimeleg samla med 1.45-1.46 fart. Etter kvart drog Geir og Torbjørn i frå og var til slutt nede under 1.40. Johnny opererte mellom 1.46-1.50. Godt å vere i gang igjen!
Ver og føre: Sommar og sol og flott på alle måter.
—————-
28.08.2014:
Dei tre «musketèrer» på plass igjen til ei god baneøkt. 6 x 1000m (start kvart 5. min) vart planen og det gjennomførte både Geir og Torbjørn på gode tider: 3.45 – 3.29. Johnny måtte spele endå meir 3-fiolin enn vanleg. 4 stk. mellom 3.53-3.55, deretter 2 x 400m på 79 og 75.
Ver og føre: Som vanleg – heilt topp!
——————–
04.09.2014:
Same tre karane på plass og i dag litt færre drag og større fart: 6 x 500m – fortsatt start kvart 3.min. Geir var sjef i dag med tider mellom 1.36-1.40. Johnny låg mellom 1.40-1.44 og Torbjørn midt i mellom. Kjekk økt!
——————
11.09.2014:
I dag var det tid for årets test på 3000m. Ein ny mann Jan-Roger Myklebust var også med i samband med eit veddemål om å slå Johnny. 3 av karane klarte målet og dermed var di nøgde: Her er resultata: Torbjørn 10.33, Geir 10.40, Johnny 11.45 og Jan-Roger 12.29.
——————–
18.09.2014:
I dag var det berre Torbjørn og Johnny som var på plass, då Geir ligg i oppladning til Oslo Maraton.
Økta i dag var denne: 2000-1500-1000-500m. Pause 3-2-1 min. Torbjørn hadde ein god serie: 7.20-5.20-3.40-1.38. Johnny åpna nok litt for tøft og stod over 3.draget. Han låg på 8.00 – 5.55-fart på dei to føste og hadde 1.35 på siste draget. Godt og hardt var det.
Ver og føre: Merkeleg kor heldig vi er med godt ver på desse øktene..
——————–
02.10.2014:
Etter ein torsdag utan banetrening var igjen Geir og Johnny på plass på Førde Stadion i suverent haustver. Må forresten hugse å gratulerere med 2.58 på Oslo Maraton førre helg. Første gong under 3 timar. Kanskjer er nokre av øktene vi har køyrt i lag årsaka til at det gjekk så bra denne gongen?
I dag var det pyramide-intervall -iallefall for Geir. Det var 400-600-800-1000-800-600-400 (Pause 1-1,5-2-2 min). Geir hadde denne serien: 78-2.00-2.44 – 3.24 – 2.41 – 1.57 – 74. Det er ein solid dose! Johnny var sårføtt og tung, så han sprang stort sett 400m. Desse gjekk mellom 74 og 77.
Ver og føre: Sol, lett vind og 13 grader. Flott gitt!
———————-
09.10.2014:
I dag var det kun Johnny som møtte på stadion. Det er verdt å nevne at Torbjørn i helga fullførte full triathlon i Barcelona på sterke 10.11, så han har absolutt permisjonsgrunn i dag.
Litt slapp og små-uggen vart det «kun» 6 x 300m med 100m gangpause i dag. Tidene: 52-55-55-56-55-56. Det gjekk tungt!
Ca. 10 grader og litt vind. Elles ok – det er jo oktober.
——————–
16.10.2014:
Tynt i rekkene i dag og. Kun Johnny var på plass.
Økta i dag var denne: 1000-800-600-400-200. Pause 2-1,5-1,5-1 min) Tider 3.42-2.59-2.06-80-33. Formen var betre enn på nokre veker, så det var bra.
Ver og føre: Det var klarver og litt over 0 grader. Bana var glatt i 200m, så farten begrensa seg sjølv. Elles ein fin dag.
—————————-
23.10.2014:
100% auke i frammøtet sidan sist! Torbjørn og Johnny var på plass i dag.
Dagens dose var denne: 8 x 400m med 200m gangpause. (ca. 2,5min). Johnny starta med 76 med Torbjørn på god avstand. Så kom Torbjørn i gang og var i tet resten av økta. Han hadde eit snitt på 77 med bestetid på 75. Johnny var 5-10 meter bak.
Ver og føre: Godt gamaldags haustver med regn og vind. Heldigvis var det såpass mildt som 12 grader så det gjekk bra.
—————————
30.10.2014:
I dag var det Geir og Johnny som møtte til dyst.
Langintervall var dagens meny: 2000-1500-1000-500 (Pause 3-2-1,5min). Geir hadde ein god serie på desse tidene: 7.41-5.25-3.21-1.33. Johnny var rundt 100m bak på dei tre første og hadde siste på 1.45. Nøgd han også!
Ver og føre: Vergudane er iallefall på vårt lag. Ca. 4 grader, lettskya og vindstille Topp!
————————-
06.11.2014:
Då var i november og likevel topp forhold for løp. I dag var dei 3 faste på plass: Geir, Johnny og Torbjørn.
Det kan vere siste torsdagen med godt feste, så vi tok likegodt ei økt med 200-metrar. 15 stk. med 1 min pause. Vi starta på 35 der vart vi stort sett liggande. Torbjørn var først omtrent heile vegen med tider melom 34.7 og 35.3. Geir var ikkje langt bak og avslutta voldsomt med 33.5. Johnny låg mellom 35 og 37.0. Ei solid økt var det, sjølv om det røynde på leggane på slutten.
Ver og føre: Ca. 5 grader opphald og flott!
————————–
13.11.2014:
I dag fekk vi besøk av ein ny storløpar: Vidar Halland! Då vart vi 4 stk: Geir, Johnmy, Torbjørn og Vidar.
6 x 1000m – start kvart 5.min var økta. Torbjørn og Geir låg som venta i tet og fartan var sånn: 3.44-3.42-3.42-3.40-3.36. På siste tok Geir sats og sprang på 3.33 medan Torbjørn brukte 3.42. Dei to andre låg på trygg avstand og ville ha sprunge på rundt 4.00 om dei hadde måtte springe 1000m.
Ver er berre suverent for denne slags aktivitet: Ca. 8 grader vind frå aust og overskya.
————————–
20.11.2014:
Snart berre 1 mnd til jul og vi kan likevel trene på stadion under flotte forhold. Og vi var i dag: Johnny, Torbjørn og Vidar.
10 x 500m med start kvart 3.min var Johnny sin idè, og det synes dei to andre var ok, så dermed sette vi igang. Torbjørn og Johnny åpnar friskt på ca. 1.43 med Vidar like bak. Resten køyre Torbjørn slik: 1.46-1.44-1.43-1.42-1.43-1.44.1.46-1.43. Johnny låg rundt 1.48 med unntak av siste som gjekk på 1.39, men då hadde han stått over nr. 9. Vidar køyrde jamnt på 1.50 og litt under. Ei steikande god økt var det!
Og veret kan igjen berre skryte over. Ca. 4 grader, vindstille og overskya!
———————–
27.11.2014:
Så lenge vergudane let oss halde på – er vi på Førde Stadion torsdagane. I dag var det berre Geir og Johnny som møtte, men dei fekk til gjengjeld ei tøff gjennomkøyring.
10 x 300m med 100m gangpause var dagens meny. Johnny var sjef på dei 5 første som alle gjekk på 55-talet. Nr. 6 var dei like og dei siste 4 var Geir først. Han køyrde på 57 og ned til 55 på siste! Johnny fekk ein gamal «kjenning» på besøk (lår/hamstring) på 7. draget og måtte roe ned då.
I dag var det litt småglatt enkelte stadar på bana, men vi kom igjennom utan feilskjer! Får vi ei økt på bane i desember også skal tru?
—————————-
04.12.2014:
Historisk hending i dag: Aldri har nokon av deltakarane trena på bane i desember før!!! Og ein fantastisk kveld var det for Geir, Johnny, Torbjørn og Vidar.
2000-1500-1000-500m (Pause 3-2-1 min) har vi sprunge før i haust, men like fullt det var det vi sprang i dag og. Geir var sjef i dag. Første draget var Torbjørn med, men deretter var han åleine. Tidene i tet var 7.36-5.26-3.31-1.36. Torbjørn hadde omtrent dette: 7.36-5.31-3.40-1.39. Vidar var nr. 3 med unntak av siste draget då Johnny var like i hælane til Geir. Ei god økt, og vi klarte akkurat å bli ferdig før det fraus på!!!
Som sagt – ein flott kveld. Vindstille og nesten fullmåne!
—————————–
11.12.2014:
Jammen vart det ei økt til – iallefall for 2 av gutane – Geir og Torbjørn. Utruleg at det er føre for slikt på denne tida av året.
10 x 1000m – intet mindre var menyen! Dei hadde tenkt at dette skulle gå «høveleg» føre seg – dvs. 4.00 fart og det var det i starten. Men etterkvart auka det på og ryktet seier at dei to siste var under 3.30!!! Dermed kan ein seie takk for i år og snart god jul!