Gubbe-blogg

15.10.2008:

Eit nytt tilbud er fødd.  4 gubbar kom til dyst.  Det var Dag, Ivar Andrè, Kjell N og Johnny,  I litt surt ver vart bakkeintervall i Gjestdalsvegen arena.  3x400m + 1x450m  vart sprunge.   Ivar Andre og Kjell hadde ein hard duell der framme, og eg trur Ivar var først flest gonger.  Som vanleg var det godt å jogge nedatt bakkane.

———————

22.10.2008:

Det aukar på… I kveld var 7 gubbar på plass for å trene:  Asbjørn, Dag, Ivar Andrè, Kjell N, Magne, Johnny og Roald.  Vi oppsøkte gangvegen i sentrum og køyrde ei klassisk økt med 4 x500m intervall.  Kjell N og Ivar hadde harde duellar «dar framme».  Sidan ingen frå «dar bak» var her, var resten å rekne som gruppe-2.  Veret var mykje betre enn frykta….

———————–

29.10.2008:

I fineveret i kveld var det 5 karar som møtte:  Asbjørn, Dag, Ivar, Magne og Roald.  Som sist vart det ei økt i flomlys, då 4x500m intervallar frå Bøafeltet til Hotellet vart gjennomført.  Ivar tok greitt i land alle førsteplassane med Magne som ein god nr. 2.  Det var klart og stille.  Ca. -2 grader.

———————

05.11.2008:

I friskt, litt kjølig men stjernklart ver møtte Ivar Andrè, Johnny, Kjell N og Magne til trening i kveld.  Ei sugande økt med 5x2min bakkedrag (1min pause) i Bjørkelia vart gjennomført.  Ivar A. var den sterkaste, men Kjell N pressar han godt.

——————–

12.11.2008:

Dette blir betre og betre… I dag var vi jammen 8 stk. på plass til treninga.  Ekstra kjekt å sjå, og ei ekstra stor velkomsthelsing til Erlend som etter langt fråver dukka oppatt.  Er det comeback?   Dermed kan vi telje opp:  Asbjørn, Dag, Erlend, Erling, Ivar Andrè, Kjell N, Johnny og Roald.  Ikkje berre det:  Svein Boge kom glidande forbi i mørkret, på veg mot ein ny «vår»….!!!
Det vart 7 bakkedrag ved Halvard Flatabø.  Ivar Andre var først, men måtte kjempe for å halde Kjell bak seg.

Fint ver og vindstille.

———————–

19.11.2008:

Framleis flott frammøte på onsdag-bilaget.  I kveld var desse på plass:  Dag, Erlend, Erling, Ivar Andre, Magne, Svein-Arne og Åsmund.  Som eit par gonger tidlegare i haust vart gangvegen i sentrum vald som arena.  5x500m drag brukar å virke.  På papiret skulle Ivar Andre vere først, og det var han sikkert.

Opphaldsver – 5 grader og lett vind frå vest.  Ok forhold.

——————-

26.11.2008:

I kveld kom 4 stk. til økta.  Sjølv om både sjefstrenar og hans ass. var vekk stoppa det ikkje desse frå å få seg ei fin økt: Dag, Erling, Ivar Andre og Roald.  Ei økt skreddarsydd for Erling vil vi tru:  20x70m på kunstgrasbana.  Spørs kva undersåttane seier til dette i morgon?

Regnver og tre grader.

———————-

03.12.2008:

Godt frammøte igjen:  Asbjørn, Dag, Erlend, Erling, Ivar Andrè, Magne og Johnny.  Det blir 7 stk.  Det vart bakkeintervall igjen.  Denne gongen i Bøafeltet.  4 turar frå E-39 og opp til første innkøying.  Ca. 1.30 pr. drag.  Ivar var først, medan Johnny og Erlend kjempa om 2.plassen.

Ca. 7 kaldegrader, vindstille og litt glatt.

——————–

10.12.2008:

I flott måneskin og gnistrande vinterføre møtte 5 mann fram til kveldens økt.  Asbjørn, Erlend, Ivar Andrè, Johnny og Magne.  Litt småglatt, så vi fann oss som vanleg ein motbakke.  I kveld vart det 4x2min oppover Bjørkelia vegen.  Det var hardt.  Ivar var som venta først, medan Erlend tok beslag i 2.plassen.  Elles så sleit vi andre like bak.

7-8 minus og vindstille.

———————–

17.12.2008:

Vi var tilbake med +grader og regnbyger.  Frammøtet var tangering av rekord på desse kveldane – 8 stk:  Asbjørn, Dag, Erlend, Erling, Ivar Andrè, Johnny, Kjell N, og Magne.  Det var småglatt, så etter litt rekognosering enda vi opp med 8x300m nedanfor Bøafeltet.  Etter eit heller roleg første drag, auka tempoet og når siste intervall var over, hang alle som ein «over knea» og heiv etter pusten.  Med andre ord:  God sort!!!

+3grader og lett regn.