Det er på tide med eit møte i vår organisasjon. Her er fleire grunnar til det, men først og fremst har vi godt av å møtast og halde oppe vår gode tradisjon.
Så var det å finne ein ledig laurdagskveld. Det er venteleg ei utfordring, og kanskje får vi ikkje samla alle denne gongen heller. Men vi prøvar. Kva laurdag passar frå no og fram til jul? Versågod – det blogges!!!
For meg passar dei 3 første laurdagane i novembner. 2.-9. 16.nov.
Eg er med 2. og 9. november
Eg og er med 2 og 9 november
Eg er med, så sant eg kan. Og det kan eg vel, stort sett, men ein kan no aldri vite for sikkert, i desse dagar .
Eg veit eg kan 19.10 26.10 09.11. og 16.11 ..og truleg laurdagar deretter også. Har ikkje oversikt lenger fram.
Ser vi konturane av at møtekvelden vert 9.november ?
Kanskje på tide å sjå om nokon vil arrangere?
9. nov. er ok kveld for meg. Om det trengs kan eg halde hus for møtet.
Sidan veret er som det er, er det truleg best å satse på Langeneset. Nødvendige nabovarsel etc. vil bli utferda..
Helsar fra treningsamling pa cran canaria. Gubbetrim aleine igar . 27 grader
Det lagar seg dette! Då verkar det som ting er såpass klart at vi kan annonsère slik:
Det blir styremøte i Gubbetrimmen laurdag 9.november kl. 20:00 og denne gongen blir det hos Anders på Longenesa! Det blir heilt sikkert bra.
Dei som har sagt seg villeg til å komme så langt er: Anders (!), Asbjørn, Dag, Johnny, Magne, Roald og Rune. VIl tru her er fleire.
Saker kan frå no av meldast her, eller via andre media!
Eg har den glede å meddele allmuen at vår eigen skald – Oddvin – stilller på møtet. Dermed skulle mykje av det «åndelege» vere ivaretatt. Vi er spente på kva han vil predike for oss denne gongen…..
Eg har 2 saker til møte :
1. Vi trenar og trenar, men vert vi betre ? Mental trening vert mykje brukt av toppidretsfolk. Har vi noko og hente her ? Har trenarteemet vårt kompetanse på det ? Må vi hente krefter utanfrå ? PPT kontoret har dei nokon vi kan nytte ? Kva er mental trening ? Mange spørsmål her. Vi hadde for nokre år sidan noko på gong med Ine Wigernes, men det rann ut i sanden. Skal vi hente inn profesjonelle mentorar ? Kva meiner årsmøte om det ?
2Kor mange poteter skal eg koke til garasjegløggen =
Eg gler meg til styremøte. Men kor er Longeneset? Sist vi hadde styremøte hos Anders var 21. november 2009 i Bamsebu. Det hugsar eg godt: Eg vart bestefar for andre gong den kvelden og mottok meldinga i krå-skåpet på hytta. Kva eg gjorde der? Jau, det var einaste plassen med mobildekning.
Eg lurer på korleis det er med dekninga i Longeneset, eg blir bestefar igjen- termin på styremøte hos Anders. Det må vel vere ein god tradisjon.
Du Roald, du er spenstig med gode saker. Ikkje visste eg at du hadde noko på gong med Ine Wigernes. Og pønskar du på ei ny gløggoppskrift – med poteter?
Eg trur eg kan ta opp ei sak i forlenging av Roald si.
Set vi oss høvlege mål? Må måla vere oppnåelege? Kan dei vere ønsketenkning? Kva skal måla vere? Har vi noke å sjå fram til?
Her var det ikkje mange positive saker, men her kjem det noko.
Sak nr ? Vi har noke å sjå fram til, det er ei ny ….., alt er opp til oss.
Her er 2 saker frå sjefstrenaren:
1. Skriftemål. Alle må fortelje alle følgjande:
Korleis er formen?
Kor mykje har du tenkt å trene framover?
Stiller du til konkurransane til våren?
Har du noko anna du vil dele med oss?
2. Sosial opptur: Treng vi ei helg med høg sosial faktor iblanda litt trening? Skal vi ta ei Bergenshelg med ei god økt i Leikvang-hallen for så å ha oss ein bedre aften? Skal vi ta med våre betre halvdelar? Tidspunkt: Februar??
Til oppklaring, Asbjørn: Longeneset (Langeneset) er der du tek av frå E 39 for å komme heim til meg. Har både fasttelefon og mobildekning i heile huset. (Også dekning i garasjen og elles ute.)
Det er no på tide å seie i frå at eg ikkje kjem på årsmøtet/styremøtet. Har vegra meg for dette, møtet er no eit av høgdepunkta i Gubbetrimmen. Skal til Tyrkia og kan no ta ein gubbeskål derifrå på laurdagskvelden.Vonar på ein to-tre joggeturar med bading der. Ha eit godt årsmøte!
Neimen Oddvin….. Du var sliten hin kvelden då vi jogga i lag og du fortalde at du kom på møte forstår eg. Ja, ja, då ryk vel kåseriet, viss ikkje her er andre som no stig fram??
Elles viktig melding: Ein ny møtedeltakar har meldt sin ankomst: Vidar. Yess, intet mindre!!! Det var truleg saka om «skriftemål» som var utløysande… Her får vi verkeleg fagfolk på plass til den saka. Det er berre å starte planlegginga av kva som skal seiast!
Det er heilt tyst frå referenten Dag. Vil tru han ikkje har tid å vere på bloggen, men leitar fortvila etter notata frå siste møtet og elles prøvar å hugse kva som vart sagt. Ja, ja, «som man reder – så ligger man» seier no eg, men gøy er det… 🙂
Ser fram til utskrift frå siste møtet, Dag. Brukar å vere kjekk tidtrøyte-lesing!
Elles gledeleg med ung og frisk ny møtedeltakar.
Ser fram til eit løft i morgon kveld.
Reknar og med at trimøkta vil gje ubarmhjarteleg svar på det som for min del lyt seiast i sak 1 frå Johnny.
Sidan kåseriet går ut, vil eg kaste inn ei ny sak : (usikker om den høyre heime her ) Skal gubbetrimmen ha ei meining om brua over Nordfjorden ? Har ein F. B venn ( Nyhammer ) som har engasjert seg mykje, skal vi gje han vår støtte, eller skal vi gå for indre ?
Johnny har som vanleg mykje rett i det han seier. Eg har likevel gleda av å opplyse om at referat frå forrige møte er sendt på epost til dokke. I den sammenheng vil eg annonsere ei sak til i kveld:
1: Oppdatering av kontaktinfo til medlemmene
Så til Roald si siste sak: Ei naturleg og strålande sak for oss. Eg ser på Origo i dag at den engasjerer rundt Bjørsetodden, så kvifor ikkje hjå oss?
I Oddvin sitt fråver blir eg vel litt åleine, men det lyt stå si prøve
Når blir saklista lagt ut?
Då er førebels sakliste sendt på epost.
Ei veke etter møtet vil eg takke møtelyden for ei triveleg stund. Ikkje minst takkar vi verten Anders som serverte si – som alltid – fantastiske betasuppe. Så mykje åt vi at vi heilt tok luven på det som ølet tilførde kroppen. Det vart det mest anstendig møtet i historia (kanskje er vi omsider vaksne ??).
Det var iallefall ikkje vanskeleg å vere delta i familielivet neste dag – noko det ikkje alltid har vore før…
Uansett: Kjekt var det!