Gubbe-blogg

Eit tilbud for dei treng ei ekstra treningsøkt i lag med kjekke folk.  Møter du ved Gjesthalla (NB… Gjesthalla ja…) kl. 19:30 på onsdagane står det kanskje nokre andre gubbar der og ventar.    Her vert det høve til å heve formen endå meir, og som vanleg er dette heiilt ufarleg.  VEL MØTT!!!

Siste året har møte-aktiviteten vore totalt fråværande i vår organisasjon.  Og her siom eg trudde vi kom til å bli berre betre og betre.  Ja-Ja…  Siste møtet i organisasjonen var vel hos Roald i fjor haust.  Årsmøtet hadde vi ikkje i vår, og no på hausten har vi vanlegvis hatt styremøte.  Sakene har sjølvsagt hopa seg opp, og det er etterkvart påkrevd å få desse opp til handsaming.

Så spørsmålet er:  Har vi ein laurdagskveld  før jul som kan passe?  Eg hadde tenkt at dette skulle vere årsmøtet 2008, men så kjem eg på at det truleg er utanfor statuttane (årsmøte på hausten) og så skal vel det også debattèrast, og dermed er første sak på plass….   Ja, kva seier gubbane?

Det er på tide å ta fatt på ein ny treningssesong.  Mykje godt treningsarbeid skal gjerast og mange liter sveitte skal  leggast att langs vegane i nærområdet.  Vi startar oppatt treninga kommande laurdag – dvs. 16.august.  Frammøte som vanleg ved «Garasje Grønfur» kl. 17.00.

Dersom du har nye gubbar som du synes bør vere med oss – er dette tida for å be dei inn.   Vi har plass til fleire!

Sjefstrenaren slit med sår hoftemusklatur, så springing er ikkje tema for tida. Eit brukbart altnernativ er motbakke-gåing. Har funne ut at turen frå Jølster Skisenter (nedre påstiging) og opp til krysset der koffertløypa møter hovedtrasèen er både hard og god. Gå opp trekktrasèen. Gå så over myra til koffertløypa. Følg vegen opp!

Tradisjonen tru kallar Roald Bendik med naboar inn til Gubbetrimmens sommaravslutning. I år vert dette laurdag 21.juni og som vanleg er vi på «Juklestad Brygge». Også som vanleg er malen med 2 pølser og 2 pils. (Dispensasjon kan gjevast i særskilde høve…)
Men, her skal trenast først, så frammøte vert til vanleg tid. Ei lett økt ventar før ein går over til grillinga. Med andre ord: Gje melding til føresette at du kan ventast heim litt seinare enn vanleg!

Dette er diskusjonssida for alle som trenar utanom fellestreningane, og har lyst å fortelje oss andre om det.  Kanskje har du sett andre «gubbar» ute i skog og mark iført treningsdrakt.  Det bør vi andre vite om!!!

Myllarguten Erling vil ha oss på mølla igjen….Denne gongen skal det heile føregå i Svidalen Grendahus. Erling vil kalle oss inn i tur og orden, og som sist er testen kor langt vi kjem på 10 min. Resultata vert presenterte på årsmøtet i april-mai. Held vi standen, eller vert her tilbakegang? Kven har størst framgang i høve til i 2007?

OBS!  Som ei handsrekning til Vårvon Ungdomslag betalar vi kr. 40,- pr. løpar for lån av mølla.

Her er det berre å glede seg…

Hei alle!  Det er sjefstrenaren her….  Det har frå ein del i gruppa vore etterlyst eit tilbud om ei ekstra fellesøkt.  Med tanke på Holmenkollstafett vil dette vere svært bra, og dessutan er det no kjekt å møtast og kjekt å trene.  Dette gjer det heilt sikkert lettare å komme seg ut.  Etter det eg har oppfatta kan torsdagane vere ein god kveld, då vi unngår innetreninga mandag og musikkaktivitetane som fleire er med på onsdagane.  Har fått signal om at det truleg vil dukke opp nye fjes som ikkje har høve å vere med laurdagane.  Foreslår frammøte kl.19:30 ved garasje Grønfur.

Så kva seier gubbane?  Høver torsdag 19:30?  Viss ikkje – kva er ditt 1. val til tidspunkt?

På tradisjonell vis vert det garasjegløgg på siste treninga før jul (22 des.) Håpar alle får lov heime og vere  1. time ekstra denne kvelden. Det vert utdeling av ymse prisar og servering av gløgg  Sponsoren vår  Ivar  A. stiller med  prøver av årets rakfisk. Det er ope for kulturinnslag !? Velkomen