Gubbe-blogg

07.01.2021:
Ja, då var vi i gang med nytt år og nye mulegheiter! Eit godt frammøte var det også med 8 stk. på plass. Her er dei heldige: Geir, Jens Ole, Johnny, Magne, Magne-Geir, Odd, Reidar og Torbjørn. Kjekt å endeleg sjå Geir tilbake etter lang tids skade. Han er på «tilvenning» så det var ikkje god gamal fart endå.

Det vart før jul bestemt at etter nyttår skulle vi trene i Hundvebakkegjelet, uansett kva føre som var. Og med dagens vinterver var det ingen tvil. 5 drag opp til bommen stod på menyen. Det var småglatt, så det vart litt «lirking» for å unngå glipptak. Ein starta roleg med Odd og Torbjørn i tet. Etterkvart auka tempoet og Odd vart åleine på nr.2 og 3. Men no kom Jens Ole sterkt å følgde Odd omtrent heilt opp. Også Geir-Magne viste tenner og var oppe på 3.plass på siste draget. Tider på førstemann: 3.17-3.13-3.08-3.08-3.04.

Ver og føre: -2 grader, snøføre og småglatt.

——————————
14.01.2021:
Det er beinkaldt, men for 6 av oss var det ikkje noko alternativ å ikkje trene. Namna er: Jens Ole, Johnny, Magne-Geir, Odd, Reidar og Torbjørn.

I Gjelet var det gode forhold i dag, med godt feste og lite biltrafikk. Pga kulden vart farten skrudd ned og ein brukte 2-3 drag før varmen kom. I teten låg Odd, Torbjørn og Jens Ole. På siste draget var også Magne-Geir der. Johnny og Reidar «kjempa» om å ha sisteplassen. Det gjekk bra og gjorde skikkeleg godt, iallefall etterpå.

Ver og føre: -12 grader, vindstille og klarver. Uvant dette.

——————————
21.01.2021:
15 grader «varmare» enn sist merkast, og det var godt å sleppe å hutre seg avgarde. I dag var Vidar tilbake etter lang tids fråvær, og godt er det. Vi var då 8 stk: Geir, Jens Ole, Johnny, Magne, Magne-Geir, Reidar, Torbjørn og Vidar.

5 drag opp Gjelet var også i dag økta. Det var småglatt så tidene vart var deretter. Likevel kroppen fekk køyrt seg. Det var fleire som kunne smykke seg med etappeseier i dag. Det starta med Torbjørn, så kom Geir og på dei 2 siste var Jens-Ole først. Visstnok for første gong i følge han sjølv! Dei tre nemnde danna lenge ein tettrio, men på dei 2 sist kom også Magne-Geir opp og tok over plassen til Torbjørn. Tidene var omtrent slik: 3.21-3.16-3.12-3.16 og 3.11.

Ver og føre: Ca. + 3grader, austavind og småglatt.

——————————–
28.01.2021:
Vinteren er tilbake uten at det stoppa 8 av oss. Det var same gjengen som sist – altså desse: Geir, Jens Ole, Johnny, Magne, Magne-Geir, Reidar, Torbjørn og Vidar.

I dag tok vi den korte varianten av bakkeintervallar. Dvs. ca. 430m frå svingen og opp til rundkøyringa på Bergum. Dette vart sprunge 10 gongar. Ein starta forholdsvis «pent» med ein fart på 2.00. Så vart farten sakte men sikkert skrudd opp og dei beste enda nede på 1.42 på dei to siste draga. Det vart fort ei tetgruppe med Geir, Torbjørn, Jens-Ole og etterkvart Magne-Geir. Geir var først på alle, med unntak av siste då Magne-Geir var best. Torbjørn og Jens-Ole delte 2. og 3. plassen på dei fleste draga, før Magne-Geir kom.

Ver og føre: Ca. -8 grader, snø- og isføre. Likevel var det nokolunde feste.

——————————-
04.02.2021:
Kulden held eit jerngrep over området, så i dag var det litt færre enn vanleg på plass. Men, desse 5 fekk seg ei god økt: Geir, Jens Ole, Magne-Geir, Odd og Torbjørn.

Det Gjelet som gjeld, og no er vi oppe i 6 drag. Ein starta roleg på 3.30, men det tok seg opp og siste draget drog Odd til med 3.05. Det var han som var først på dei fleste, men Geir var nær. På slutten kom Magne-Geir og var først på nest-siste og nr.2 på den siste.

Ver og føre: Ca. 12 kalde, vindstille og fint vinterver.

——————————-
11.02.2021:
Fortsatt kaldt og stabilt ver. Om folk var leie kulden eller det var skiturar som fristar vitast ikkje, men i dag var vi «berre» 5 stk. som møtte. Det var Geir, Jens Ole, Johnny, Magne-Geir og Odd. Johnny, som slit med skral legg, måtte gje seg etter 1 drag, så det var berre 4 som fullførte.

Og økta var som sist: 6 drag opp Gjelet. Odd var først på alle og hadde desse tidene: 3.16-3.09-3.08-3.08-3.03-2.54. Jens Ole var nærmast, men også Geir var der framme. På siste draget sette Odd alle på plass, så då var avstanden større.

Ver og føre: Ca. -11 grader og vindstille. Føret er godt, så det var lite å klage på.

——————————–
18.02.2021:
Ja, vi putlar på og trenar. No er heldigvis temperaturen meir på vår side. 7 mann på plass i dag, av desse tre «årsdebutantar». GeirN, GeirØ, Jens Ole, Magne-Geir, Norvald, Osmund, og Vidar.

6 drag i Gjelet er standard no i februar, og sånn vart det i dag og. Det var ein «Geir» først på alle drag. Først Nygård, så Øygard og Øygard. Så ville ikkje GeirØ meir, og dermed var hin Geiren åleine i tet. Jens-Ole var på plassen etter dei nemnde. Deretter Magne-Geir og Norvald. Baktroppen tok Osmund og Vidar seg av. Tidene i teten var slik: 3.13, 3.01, 2.48(!), 3.07, 3.06, 2.56.

Det var plussgrader og det hadde regna, men føret var så vidt referenten veit godt.

———————————-
25.02.2021:

Rapport kjem seinare

———————————-
04.03.2021:
Då er vi komne inn i første vårmånad, og vi kan på ein måte merke det på ver og føre – iallefall i dag. Frammøtet i dag var strålande. 9 stk! Her er dei: Arthur, Geir, Jens Ole, Johnny, KjellN, Magne-Geir, Odd, Norvald og Torbjørn. Vi registrerer at no er 2 stk. «Hegrenesarar» tilbake i joggeskoa.

Fortsatt motbakkedrag opp Gjelet. No er vi komne opp i heile 7 stk. Etter ein start på 3.12 gjekk tidene i tet nedover og på den femte heilt ned på 2.54. Siste gjekk litt seinare (2.58). Det var Odd som var først, men Geir var nær på dei fleste av draga. Elles er Jens-Ole i rute og ligg tett på desse. Torbjørn var lenge med der oppe, men fekk litt trøbbel på dei to siste. Lenger bak vart det slik at både Norvald og Johnny på dei to siste stod av etter 400m.

Ver og føre: Litt motvind, men det var snø- og isfritt på vegen, så vi klagar ikkje. Temperaturen var ca. +3 grader.

———————————–
11.03. 2021:
Fortsatt i Gjelet og i dag møtte heile 10 stk. Det var: Arthur, GeirN, GeirØ, HaraldS, Johnny, Jørund, Johnny, Magne-GeirNorvald og Torbjørn. Og HaraldH er altså Harald Slettvold. Gloppar – busett i Førde og i slutten av 40-åra. Supersprek, og vår nye hare 🙂

Det gjekk bra unna i tet heile vegen. Det var Harald som «regjerte» og det gjekk fort. På siste draget sette han verkeleg standarden og knalla til med rekordtid opp til bommen. Tidene var: 3.04, 2.51, 2.51, 2.51, 2.51, 2.51, 2.34.
På dei meste plassane fann vi Jørund og GeirN. Også GeirØ var langt framme, men stod av etter 3 stk. Og Johnny reiv oppatt leggstrekken for N-te gang…

———————————–
18.03.2021:

Rapport kjem seinare

———————————
25.03.2021:

I dag kan vi rapportere om rekordframmøte: 12 stk! Det er sterkt, og endå var fleire av dei faste fråværande. Her er namna: Arthur, Geir, HaraldH, HaraldS, Johnny, KjellØ, Magne-Geir, Ola, Norvald, Reidar, Torbjørn og Vidar.

Som sist: 7 drag opp Gjelet. HaraldH tok teken med 2.55 på første draget, og auka deretter. Siste gjekk på rett over 2.40. Snittet var vel sånn 47-48! I starten var Ola nærmast, så kom Geir opp. Torbjørn veksla mellom 3. og 4.plassen. Og alle desse var under 3.00 på dei fleste draga. Elles var det god strekk i feltet der vi fann resten.

Ver og føre: Ca. 5 grader, grått og nesten vindstille. Flott!

Med dette ynskjer vi alle ei god påske. Torsdag etter påske møtes vi på stadion.

———————————–
08.04.2021:
Då er vi komne i april og vinteren er igjen her! Ja, det vil seie at det var muleg å trene på Førde Stadion, og vi fann fast grunn under beina trass i litt snø på dekket. Ein sprek gjeng på heile 11 personar var på plass i dag! Her er dei heldige: Arthur, Geir, Jens Ole, Johnny, Jørund, Magne, Magne-Geir, Odd, Ola, Reidar og Vidar.

For å ikkje risikere strekk og andre plager starta vi med langintervallar, som blei kortare etter kvart: 2000-1500-1000-500m. Pausar 2 min. Det var Odd som var først på alle drag, men både Ola, Jørund og Geir var nær på enkelte av draga. På siste draget kom langsprintaren Magne-Geir opp og trua teten. Tidene i front: 7.42-5.37-3.36 og 1.42. Ein god start det, sjølv om det er langt fram til «godforma». Elles er det å merke at det er lang strekk i feltet.. På første draget var det nesten 300m bak til sistemann, som var referenten. Det skrumpa monaleg etterkvart heldigvis.

Ver og føre: Det var greit. VIndstille, ca 4 grader og nesten snøfritt på stadion. Vi ventar på våren!

————————————-
15.04.2021:
Minst 2 gode ting i dag: Våren er kommen og vi hadde rekordframmøte. 13 stk!!! Og desse var: Arthur, Geir, Jens Ole, Johnny, Jøruund, Magne, Magne-Geir, Odd, Ola, Reidar, Torbjørn, Vegard og Vidar.

Med ein sånn flott gjeng var det berre å dra i gang: Økta som sjefstrenaren hadde kokt i hop er ein gammal klassikar: 8x500m (start kvart 3.min). Ola var «våryr» og drog avgarde i stor fart og fekk etterkvart ei god luke. 1.40 er solid. Standarden var sett og også neste gjekk på 1.40, men no var både Jørund og Odd komne nærmare. På det 4. draget vart det eit skifte der Odd og Jørund var i tet. På dei 3 siste draga tok Jørund over med Odd hakk i hæl. Men, tidene var gode heile økta igjennom. Mellom 1.40 og 1.43. Det er meget bra, og noko av det beste vi har gjort siste åra! Vidare bakover finn vi, i litt vekslande rekkefølgje, Geir, Torbjørn, Vegard og Jens Ole. Desse opererte på tider rett under 1.50. Med unntak av at Vidar fekk litt kjenning i hamstring og stod av, kom resten i gjennom økta utan mèn.

Ver og føre: Som sagt: berre lekkert! Ca. 8-9 grader, litt vind frå aust og sol. Supert!

—————————————
22.04.2021:
I dag vart det vei i vellinga då vi fekk ein ny «superhare» inn i gruppa. Han heiter Thristan Engebø Ullebø, er 19år og kjem frå Høyanger. Mest kjent som topp-sykkelist i sine årsklassar. No lærling hos Vidar på BKK som vi då kan takke for at snittetalderen i gjengen gjekk monaleg ned. Her er namna på alle: Arthur, Geir, Jens Ole, Johnny, Magne, Magne-Geir, Odd, Ola, Thristan, Torbjørn og Vidar. Det blir 11 stk.

Ei klassisk økt i dag: 6x1000m med start kvart 5. min. Thristan tok teten og presterte tidenes serie i vår gruppe. Tidene låg mellom 3.18 og 3.15 på dei 5 første, medan den siste gjekk på 3.10! Det var Odd som var nr.2 og han held sanneleg godt niåv der han låg rundt 3.32-3.34 med siste på 3.29. Ola var nr.3 i starten, men så kom Geir opp. Vidare vart det skikkeleg strekk feltet der dei siste ikkje kom lenger enn 750m på sin 1000m 🙂

Så skal det nemnast at Geir og Torbjørn ikkje hadde fått nok, og la i veg på ei ny økt like etterpå. Det var snakk om ein halvmaraton!

Ver og føre: Ca. 8 grader lettskya og vind frå sørvest. Gode forhold.

————————————–
29.04.2021:
På den siste økta før vi går inn i den siste vårmånaden var det igjen godt frammøte. 12 stk. derav ein (nesten) ny gubbetrimmar – Anders Bjørkhaug. Han har vore så vidt innom oss før, og vi håpar no at han blir oftare å sjå. Elles var det kjekt å sjå Kjell Øygard på bana igjen. Her er namna på alle: Anders, Arthur, Geir, Jens Ole, Johnny, KjellØ, Magne-Geir, Odd, Ola, Torbjørn, Vegard og Vidar.

Forholdsvis korte intervallar i dag: 12x400m med 1 min pause. Planen var å halde sånn ca. 3000meter-tempo, men det var det ingen som høyrde på…. Det gjekk fortare! Som vanleg tok Ola ansvar i starten, med hardt jaktande Odd, Vegard og Kjell. Slik var det fram til nr. 5-6 då var Odd og Kjell fremst. Etter 8 stod sistnemnde av og også Vegard slepte seg bakover. Men Odd dundra vidare med Anders ikkje langt bak. Tidene var gode: varierte mellom 79-81, men på siste draget smelte Odd til med 74! Torbjørn og Geir jobba seg også framover og også Jens Ole var «lett på foten» i dag. Desse låg sånn midt på 80-talet, men var på slutten nede på nærmare 80.

Ver og føre: Lett vind frå nordaust, ca. 8 grader og sol. Det var veldig fint å vere på stadion i dag.

————————————-
06.05.2021:
Då er det mai sjølv om ver og temp ikkje akkurat minner om vår. Likevel 9 stk. møtte opp på Førde Stadion i dag. Det var: Anders, Geir, Jens Ole, Johnny, Magne-Geir, Odd, Ola, Torbjørn og Vidar.

Ei økt vi truleg ikkje har prøvd før var på planen i dag: 2×1000 + 2×800 + 2×600 + 2×400 + 2×200. Pausar 2 min, litt kortare på dei siste draga. Det gjekk forholdsvis «ryddig» føre seg, då stillingen i feltet var ganske statisk: Odd og Anders var først på alle, men Ola var nær heile tida, og greidde i dag å dosere kreftene utover heile økta. Vidare ser vi Geir og Torbjørn. På dei siste draga kom Magne-Geir opp og synte at det er han som er mellomdistanseløparen her. Gode tider var det også i tet: 2.40-2.39-2.52-2.52-2.02-2.02-1.18-1.16-37-36.

Ver og føre: Berre 5 grader silregn og litt vind. Altså surt!

—————————————
20.05.2021:
Tilbake på bana, 14 dagar etter førre gong. Nok ein gong er frammøtet prima med 11 stk. De var disse herrer: Arthur, Geir, Harald, Jens Ole, Johnny, Jørund, Magne-Geir, Odd, Ola, Reidar og Torbjørn.

Trenaren meiner vi treng å spring litt fortare enn vanleg. Det betyr færre drag, større fart og litt lengre pause. Det vart slik: 6x500m m/2min pause. Etter ein høveleg start på 1.43 gjekk resten av løpa under 1.40. Tidene i tet var då slik 1.39-1.39-1.39-1.34 og 1.31 (!) Som de ser, her lukta det svidd! I tet frå start var som vanleg Odd, men det var tett rundt han, der spesielt Harald vart tøff på slutten. Jørund og Ola var også nær. Så ser vi at Jens Ole held på å bli langsprintar og var nær på tetgruppa. Athur tøffa seg også i starten, men vekk det tungt på slutten. Men, så godt som alle var under 1.50 på dei fleste drag, så dette vart ei god økt for alle.

Ver og føre: Jau, våren truar, og vi kunne mønstre i T-skjorte og bare legger (iallfall nokre). Ca. 11-12 grader og lettskya.

——————————————
27.05.2021:

Rapport kjem seinare.

——————————————-
03.06.2021:

Rapport kjem seinare

——————————————
10.06.2021:

I dag var det varsla testløp, men likevel kom mange for å vere med. Det var desse: Arthur, HaraldS, Jens Ole, Johnny, Magne-Geir, Odd, Reidar og Torbjørn. I tillegg hadde vi besøk av ein lettføtt kar: Alexander Hjelmeland Rygg som «hare». Han er tidlegare fotball-spelar, men er heilt klart ein løpar!

Det var 3000m test på Førde Stadion. Det gjekk veldig fort i teten der Odd imponerte med ei tid 12-13 sek under gjeldane krinsrekord i 55-59 klassen. Her er tidene for dei som fullførte:
1. Odd 10.26
1. Alexander 10.26
3. Torbjørn 11.14
4. Arthur 12.37
5. Magne Geir 13.00
6. Reidar 13.04

Ver og føre: Gode forhold med lettskya og ca. 14 grader.

———————————————-

19.08.2021:

Då er vi i gang igjen. Nytt semester står for døra. Kjekt å sjå gamle kjende igjen. Frammøtet var upåklageleg, og vi kan også melde at to nye gubbar dukka opp: Atle Skrede og Atle Hornnes. Her resten: Alexander, Geir, Jens Ole, Johnny, Magne-Geir og Odd. Det blir 8 stk det.

Ei tilvenningsøkt, i den grad det kan trengast: 3x1000m + 3x500m (Start kvart 5min og kvart 3.min). Seriepause 2 min. Det skilde seg tidleg ut 3 stk. på dei første draga. Atle, Odd og Alexander. Etterkvart tok dei to siste over, og Odd var vel først på dei fleste. Geir hadde hand om 4.plassen og deretter Jens Ole. Tidene i tet var omtrent slik: 3.41-3.32-3.32-1.38-1.37 og 1.37. Alle var under 4min på 1000m, og alle var under 1.55 på 500m. Gode saker det, og det syner at folk har trent godt. Det var godt å vere i gang igjen, sjølv om det vart ein mann i avgang alt på første draget. Det var sjølvsagt sjeftrenaren som fekk nok ein strekk.

Ver og føre: Den flotte sommaren varer endå. I dag var det ca. 18 grader og lett vind frå vest. Flott!

————————————–
09.09.2021:
Det har vore trena også siste vekene, men sidan referenten ikkje har vore der er vi tilbake i dag.
Det kom ein god gjeng i dag og: Geir, Jens Ole, Johnny, Magne-Geir, Odd, Ola og Torbjørn.

I dag vart det ei økt, som var tenkt å gå i 3000m-fart, men det høyrde ein ikkje etter, så det gjekk fortare. Det var 12x400m med start kvart 2,5 min. Det starta «pent» då Ola kom inn på 91. Men, det gjekk snart fortare og Ola var i tet heilt fram til det 9.draget. Då kom Geir for fullt og var først på resten. Tidene i tet: 91-86-85-83-85-83-80-81-81-79-72-75. Ser vi litt lenger bak i feltet holdt Torbjørn, Jens Ole og Odd i lag. Sistnemnde med kjenning av lysketrøbbel og dertil lågare fart enn vanleg. I bakre rekker finn vi Reidar, Magne-Geir og Johnny.

Ver og føre: Mildt og fuktig er vel den korte oppsummeringa. Ca. 16 grader og vindstille. Altså prima løpsver.

————————————–
16.09.2021:
Trening gjennomført. Rapport kjem.

————————————–
23.09.2021:
I dag var vi mange, og rekord i haust – 11 stk. Det var desse: Alexander, Arthur, Atle, Geir, Harald, Jens Ole, Johnny, Odd, Ola, Reidar og Torbjørn. Supert!

Ei klassisk mellomdistanseøkt idag: 8x500m (start kvart 3.min). Det vart fort strekk i feltet, og i tet gjekk det fort. Der framme var i starten Ola og Alexander, men etterkvart vart sistnemnde åleine. Men etter 6 stk. roa både Ola og han ned, og då var det Torbjørn som drog feltet. Tidene var omtrent sånn i tet: 1.42-1.40-1.37-1.36-1.35-1.35-1.45-1.45. Atle og Odd tok det pent og stoppa med 300m. Dette for å lade opp til Rett Vest i helga. Elles kom alle seg vel igjennom økta uten skadar.

Ver og føre: Etter ein våt dag, vart det plutseleg fint ver og tildels sol når vi sprang. Kjekt det!

——————————————
30.09.2021:
Det er siste dagen i sommarmånadene, og i dag var det faktisk nesten sommar. 8 stk. møtte: Alexander, Arthur, Atle, Harald, Jens Ole, Kjell, Johnny, Reidar. I tillegg kom Atle Hornes litt ut i økta og vart med på dei 6 siste. Kjekt å sjå Kjell på plass igjen etter mange månaders avbrot.

Det skulle eigentleg vere testløp i dag, men sidan det var nokre som ikkje hadde fått det med seg, vart det til at vi tok ei intervalløkt på bana. Det vart 12x300m med 1min pause. Som venta var Alexander sjef og var først på alle. Atle, som skal springe halvmaraton i Gloppen laurdag, var med i starten, men roa ned etterkvart. Då vart det etterkvart Jens Ole og Johnny som fekk gleda av å få dei neste plassane. Men, både Arthur og Kjell var nær.

Ver og føre: Ca. 15 grader, sol og litt vind. Flott!
Elles ynskjer vi Geir og Torbjørn lukke til på søndagens Iron Man i Barcelona.

——————————————
07.10.2021:
Ikkje noko å seie på frammøtet. 9 stk. i dag. Desse var dei heldige: Atle, Geir, Jens Ole, Kjell, Johnny, Magne Geir, Odd, Ola, Reidar. Før vi starta måtte vi gratulerer Geir med gjennomføringa av Ironman i Barcelona. Vår andre utsending, Torbjørn, gjennomfførte også. Han vart likegodt værande igjen i syden, og kjem ikkje heimatt før 18.okt. Gratulerer til begge!

VI er fortsatt på Førde Stadion og forholda er gode. I dag vart det kommandert pyramide-intervall slik: 200-400-600-800-1000-800-600-400-200. Pausane var frå 1-2 min alt etter distanse. Det var Ola som var først omtrent heile vegen. Odd, som rapporterte om litt uggen form, låg i ryggen på Ola, men då dei siste 2 draga klarte han ikkje å halde seg lenger, og var då først. Jens Ole hadde stort sett hand om 3.plassen og Kjell 4. Sjølv om det vart strekk i feltet, kom så godt som alle seg velberga igjennom økta. Her er tidene i teten: 42-1.27-2.13-3.00-3.45-2.55-2.11-1.19-36.

Ver og føre: Ca. 10 grader, overskya og regn pp slutten. Det var vindstille, og då er jo alt ok.

——————————————–
14.10.2021:
Litt av ein dag! Det pøsa ned og Førde Stadion såg meir ut som eit basseng enn ei løpebane. Likevel: Forsyne meg kom 5 stk i dag,og 3 av dei heitte Øygard. For KJell hadde teke med begge døtrene Frida og Gyrid. I tillegg var Johnny og Odd her.

Økta var ein gamal kjenning 5-4-3-2-1 runde. Pausane var frå 1,5 – 2,5 min. Odd tok som venta føringa og var einsam i tet. Han hadde god fart, forholda tatt i betraktning og fekk desse tidene: 7.57-6.03-4.26-2.49-78. «the Øygards» heldt i hop gjennomførte ei solid økt, og på siste 2 draga var Gyrid forholdsvis nær Odd.

Ver og føre: Det var reine syndefloden, men heldigvis var temperaturen bra – ca. 11 grader.

——————————————-
21.10.2021:
Rapport kjem seinare.

——————————————
28.10.2021:
Det er litt skadar i flokken, noko som ikkje er anna enn å vente, når vi er så vaksne som vi her. Likevel – nokre held seg friske og held treninga oppe. Sånn som i dag då desse møtte: Alexander, Arhur, Atle, Jens Ole, KjellØ, Magne Geir og Odd. Men, alt under oppvarminga måtte Atle logge ut grunna sin skade! Dermed var det 6 mann igjen.

Ei solid økt på 15x400m med 30 sek pause var økta. Vi snakkar om terskel-trening. Det var Alexander og Odd som tok ansvar og teten. Bak desse to låg Kjell og Jens Ole i lag. Deretter Arthur, som er godt tilbake etter sjukdom, og Magne Geir som slit med eit sårt kne. Tidene låg rundt 90sek +/- 2-3 sek. Dei to siste gjekk ein del raskare.

Det regna, men fin temperatur. Og alle var godt nøgde når økta var over.

—————————————
04.11.2021:
Det er november og vinteren nærmar seg. I dag møtte Førde Stadion oss med eit rimlag, noko som merkas for dei som sprang fortare enn jogg. I dag var desse her: Alexander, Jens Ole, Johnny, Odd og ein ny kar: Han heiter Øyvind Kjøs, og kjem frå Valdres. Han er triathlon-mann og godt trent og berre 37år. Dermed datt snittalderen i gruppa skikkeleg nedover!

Dagens økt var 8x600m med 1min pause. Igjen skulle det vere terkel-trening. Øyvind synte lite respekt for eldre folk og tok fredig teten. Der vart han værande heilt til dei 2 siste draga, då Alex tok over. Odd og Jens Ole låg høveleg til på 3. og 4.plass, og Odd synte styrke med å true teten på slutten. Her er tidene i tet sånn ca: 2.12-2.10-2.09-2.08-2.08-2.06-2.06-2.02. Jens Ole som eigde 4.plassen låg på tider mellom 2.15 og 2.19. Sterkt det for kar i 60+! Sjefstrenaren, som nok ein gong har vore skada, jogga høveleg rundt bana og heia som best han kunne.

Ver og føre: Rundt 0 grader, vindstille og klårver.

——————————————-
11.11.2021:
Litt spinkelt frammøte for tida då berre 5 mann møtte. Det var Odd, Reidar, Magne Geir, Harald og Jens Ole.
Under følgjer ein fyldig rapport frå sistnemnde:
Hadde planar om minuttvise drag, men fekk problem å sjå tida grunna regn, mørke og dårleg syn. Gjekk over til metervise drag.
300, 500, 800, 1000, 1200, 1000, 800,500,300m. Første draget skulle vi springe i 1min, noko vi gjorde slik ca. 300m. Neste vart 500 på ca 2.05.
Vidare:
800: 3.09
1000:3.56
1200: 4.40
1000:3,47
800: 3.02
500:1.51
300: 60
Alle drag med 1 min pause. Odd leia alle drag på hans terskel, medan eg heldt følge hakk i hæl (raud sone). Reidar litt bak og Harald tilpassa dei lengste draga litt kortare. Magne G. jogga litt for seg sjølv grunna skade. Harald også litt problem med lysk.

Ver og føre: Litt kaldt regn og mørket tek oss fort i slikt ver.

——————————————–
18.11.2021:
Framleis er det gode forhold for springing, så også i dag. 6 mann møtte til økta. Det var desse: Atle, Jens Ole, Johnny, KjellØ, Magne Geir og Odd.

Det var nok ein gong terskeltrening og ei solid økt: 15x400m pausen var kun 30 sek. Odd var først heile vegen og det gjekk fortare og fortare: Første draget 1.39 og enda på 1.25. Snittet låg vel rundt 1.30. Det er bra. Rekkefølga vidare var KjellØ og Jens Ole, og så kom dei andre.

Ver og føre: Supert til november å vere. Gråver, vindstille og ca. 6-7 grader.

——————————————
25.11.2021:

Då er motbakkepæset i Korsagjelet i gang. Odd R. Kjell Ø. Reidar L. og Jens Ole Å. møtte frå start. Magne Geir V. dukka opp på siste draget.

5 drag til bommen vart beslutta før start. Odd var først på alle. Opna på 3.16 og avslutta på 2.56. m.a.o. fin progresjon på terskel. Jens Ole og Kjell var nokre sekund bak, men fin progresjon, også på deira drag. Reidar L. var litt bak der igjen, men slett ikkje så langt. Han verkar for å vere flink til å prioritere øktene på ein fornuftig måte, slik det bør vere for alle. Det blir eigentleg litt for lange pausar for denne typen terskeløkt, men det lyt stå si prøve. Jens Ole rapporterte desse tidene på sine drag: 3.18, 3.16, 3.11, 3.07, 3.02.

—————————————
02.12.2021:
Det går nedover, og kanskje er noko av grunnen at aktiviteten på denne tid føregår oppover…? Kun 3 stk møtte: Reidar L. Magne Geir og Jens Ole. Geir Øygard vart i forbifarten registrert på sykkel, truleg berre for å sjekke at nivået…?

Som sist 5 stk motbakkeløp på kjent stad, nemleg i Korsagjelet. Jens Ole fekk endeleg oppleve å vere først opp til bommen på alle draga! Tidene var slik: 3.25, 3.19, 3.13, 3.10 og 3.07. Geir M halta litt grunna litt skada menisk, men gjev seg ikkje. Reidar ligg stødig der bak og rekk svingen med bra margin. Som ein ser er gruppa omtrent på botnen når det gjeld frammøte. Men, ein veit at fleire av dei gamle travarane er på veg tilbake etter skadar og nedprioriteringar av denne aktiviteten. Så vi held på!

Kaldt, men opphald på godt skrapa veg, utan sand.

————————————-
09.12.2021:
Kun 3 frammøtte også i dag. Det var Jens Ole, Odd og Magne-Geir. Vi trur likevel at vi er «liv laga» og at frammøtet stil monaleg når nyttårs-fortsetta skal iverksettast! Under referatet frå den godeste Jens Ole:

1+5, til den berømte bom. 3.15, 3.11, 3.06, 3.00, 3.01 på meg. Odd først alle gongar (sjølvsagt) og deretter meg nokolunde hakk i hæl på dei fire første, før noregsmeisteren, (var det trippel?), sette skapet på plass og avslutta på 2.50!
Magne Geir var ved godt mot og rakk svingen med god margin.

Ver og føre: Vekselvis bart/snødekt underlag, opphaldsver og litt vind hist og her. Da kjennest i kveld, for å seie det slik, så ingen «bonustur» freista, og det er nok mest fornuftig.