Gubbe-blogg

04.01.2018:
Vi er i gang igjen og det på Førde Stadion – faktisk. Aldri har nokon av oss trena på bane på denne tid av året. Og vi det var Geir, Johnny og Vidar. Ja, «unge» Halland på plass igjen etter ein trøblete haust med hamstring-problemer. Litt tung i sessen, men no skal den saken takast fatt i!

Det var skareføre på stadion, men på eit vis kunne ein gjennomføre denne økta: 6x1000m – start kvart 5,5 min. Dvs. det var berre Geir som fullførte. Johnny sprang 600m på dei to siste og Vidar hadde eit eige opplegg litt lenger bak.

Ver og føre: Ja, det var ca. -2 gr. og vindstille. 5cm frosen snø gjorde det utfordrande å springe, men vi fekk no opp pulsen iallefall 🙂

—————–
11.01.2018:
Omsider er Torbjørn på plass igjen! Det gleder oss alle, og dei som trudde han skulle bli «lett match» på intervallane tok styggeleg feil! I dag var ikkje Geir her, så då er namna: Johnny, Torbjørn og Vidar.

Førde Stadion var dekka av snø, så vi måtte finne ein annan stad å vere. I Hundvebakke-gjeldet var det brukandes føre, så her sprang vi opp til bommen 4 gonger. Det er ein distanse på 700m og Torbjørn var første heile vegen. Johnny hang godt på men etterkvart som farten auka, auka avstanden også. Vidar kjempa tappert litt lenger bak, men fullførte med stil. Tidene i tet: 3.20-3.13-3.07.3.02. OK det.

Ver og føre: Mildver (+4grader) og lettskya. Farleg glatt mange stader, men ok der vi var.

——————
18.01.2018:
I dag var vi «alle mann alle». Vi snakkar om Geir, Johnny, Torbjørn og Vidar. Veldig kjekt at gjengen er samla! I tillegg fekk vi besøk av Geir Øygard som kom joggande forbi. Han var (knall)hare på siste draget!

Som sist har vinteren sett seg fast, så Førde Stadion kan vi gløyme når det gjeld trening der. Dermed vart det motbakkane i Hundvebakke-gjelet som vart arèna. I dag 5x700m i allefall for nokre…. Geir var først heile vegen, men Torbjørn syner at formen er god og var ganske nær. Johnny hang sånn ca. 40-50m etter på dei fire første og Vidar litt lenger bak. Tidene på Geir var: 3.12-3.07-3.02-3.03-2.57. På siste draget var Geir Ø. med og han køyrde alle i «senk» med 3.47! Uansett: Dette er gode økter for alle, og det godsmaken ligg i kroppen heile kvelden.

Ver og føre: Ca. -2grader, litt sur sno og småglatt.

——————–
25.01.2018:
Vi har fått +grader og Førde Stadion er nesten snø og isfri. Men ikkje nok til at vi turde å ta økta der. I dag kom også KjellN, så då er også han på gang. Trena har han tydelegvis gjort for han heldt godt nivå. Forutan han var Geir, Johnny og Vidar på plass.

Det vart motbakkane i Hundvebakkegjelet som vart staden i dag og. I dag var det nesten isfritt, noko som synte igjen på tidene. Likevel vi trur også at formen er betre enn for 2 veker sidan. Som sist var det 5 gonger opp til bommen. Geir hadde ein flott serie: 3.00-2.56-2.52-2.54-2.52. Dei andre var godt bak, men både Johnny og Kjell kom så vidt rundt siste sving før Geir var framme. Også Vidar syner framgang og kjem lengre enn før.

Ver og føre: Ca. +3 grader, overskya og vindstille. Veldig flott å vere ute!!!

———————-
01.02.2018:
Første februardag og Førde Stadion er fortsatt vinterdekka. Men, kva gjer vel det når vi har motbakkane i Hundvebakkegjelet og rive oss ut på. I dag møtte desse: Johnny, Kjell, Torbjørn og Vidar. Geir, som hadde sin siste dag i 40-åra i dag var truleg heime og deppa ??

Som sagt det vart motbakkeøkt i dag og. Torbjørn tok som venta ansvar og sette standarden. Som sist vart det 5 gonger opp bakken. Han starta på 3.03 og jobba seg ned på 2.57 for så å gå litt oppatt. Sånn ca. 3.01 i snitt vil vi tru. Johnny og Kjell heldt sånn passeleg følgje, medan Vidar, spesielt på dei 2 første draga, var nærmare enn før. Gode greier dette, sjølv om det røyner på…

Ver og føre: Ca. 0 grader og greit underlag. Lettskya og vindstille. Ok det!

——————–
08.02.2018:
I dag var vi fleire enn (nesten) nokon gong: 6 stk. Det var desse: Geir, Johnny, Jon-Kristoffer, Kjell, Torbjørn og Vidar. Kjekt det, og her er forresten plass til fleire!

Det er framleis snø, is og slaps på vegar og bane, så det var Gjelet i dag og. Som før 5 turar opp. Geir, som kom litt for seint til første draget, tok etterkvart over teten. Torbjørn og tildels Jon-Kr hang godt med, medan KjellN og Johnny var sånn nokolunde samla med førstnemnde litt føre.

Ver og føre: Overskya, småregn og +2gr. Det var småglatt så tidene vart ikkje så gode som sist, men vi kjem sterkare igjen når vi får skikkeleg tak!

———————
15.02.2018:
Ein stødig gjeng på plass også i dag. Det var Geir, Jørund Hammersvik, Torbjørn og Vidar. Kjekt at Jørund kom innom. Hans debut i denne samanheng.

Arena var den same som siste vekene, men i dag vart dosen auka til 6 drag. Første drag gjekk på 3.11 og alle samla med unntak av Vidar som kom rundt siste sving. Det gjorde han også på neste, men då var vinnartida 3.00. Fortsatt var Geir, Jørund og Torbjørn samla. På 3.draget var det litt avstand: Geir og Jørund 2.56, Torbjørn 2.58. På neste var Torbjørn og Geir igjen like (2.58), medan Jørund hadde fått «det» og var 10 sek. bak. Drag nr.5. Geir:2.51, Torbjørn 2.56. Jørund stod av og jogga heim. På siste draget var stillingen omtrent uendra i tet mellom dei 2. Dette var hardt, men som vanleg godt!

Ver og føre: Det var visstnok bra feste og truleg rundt 0 grader.

———————
22.03.2018:
5 maann på plass i dag. Geir, Johnny, Jon-Kristoffer, Kjell og Vidar. Både Kjell og Geir har vore nedpå med fiber og sykje. Det synte godt på førstnemnde, medan Geir var tilsynelatande like god.

Vi var tilbake til 5 drag opp Gjelet i dag. Det var is- og snøfritt så godt som heile vegen. Geir var først på alle med desse tidene i tet: 3.01-2.56-2.54-2.56-2.49! Jon-Kr. var i rygg på dei 3 første, men måtte sleppe litt på dei 2 siste. Likevel sterkt av han! Lenger bak er det også framgang: Johnny var rundt svingen og vel så det på alle, medan Vidar nærmar seg meir og meir og har hatt ein voldsom framgang sidan starten i år.

Ver og føre: Vindstille, sol og flott føre. Berre lekkert!

——————–
01.03.2018:
Då er vi runda inn i mars, og sjølv om det er sol og greier er det kaldt. . I dag var vi kun 3 mann: Johnny, Torbjørn og Vidar.

Førde Stadion er langt frå klar for oss, så vi søkte tilbake til Gjelet nok ein gong. Det var ein standard dose med 5 drag opp til bommen. Torbjørn var som venta først, men både Vidar og særleg Johnny var nærmare enn vanleg, iallefall på dei 2 første. Tidene i tet: 3.08-3.06-2.56-2.54-2.51. Med andre ord: Torbjørn er tilbake for fullt etter sykja han har slite med i 2 veker!

Ver og føre: Ingen ting å klage på når det gjeld underlaget. Vi hadde sol på 3 av draga og var truleg på den beste plassen i Sunnfjord når det gjaldt temperatur!

——————
08.03.2018:
Vidar var opptatt på møte og Johnny ligg til lading mot NM. Dermed var det berre Geir og Torbjørn som var på plass i dag.

Same arena som i heile vinter, men kva gjer vel det når vi likar oss her (??!!) Litt usikker på tidene, men gutane sprang iallefall 6 turar opp Gjelet. Geir var visstnok først og meir først på dei siste enn på dei første! Beste tid var 2.51.

Ver og føre: Ok og vel så det!

——————–
15.03.2018:
I dag var det igjen 2 stk. no Geir og Johnny.

På stadion er kun 60m av oppløpssida is og snøfri, så dermed vart det Hundvebakkegjelet igjen. I dag var det 5 turar opp. Geir ville prøve å springe alle under 3min og det klarte han med glans: Her er den flotte serien: 2.54-.2.52.-2.53-2.52-2.46! Også Johnny hadde årsbeste med ein fart som ville gitt 3.08-3.10. Dermed var begge nøgde og vel så det 🙂

Ver og føre: I dag var det sol og ein sur austavind. Men i denne løypa var det neste perfekte forhold.

———————–
22.03.2018:
Ja, no er det like før Førde Stadion er klar for oss. 100m med snø i søndre sving gjorde at vi tok turen til Gjelet i dag og. I dag var det ein rein Jølstergjeng på plass: Johnny, Jon-Kristoffer, Kjell og Vidar.

Det vart 5 turar opp i dag og. I dag var Jon-Kr verkeleg i støtet. Han hadde ein flott serie slik: 2.55-2.52-2.51-2.53-2.56. Johnny og Vidar låg som nr. 2 og 3, men på den siste bytte dei plass, då Vidar imponerte med ein skikkeleg «magadrag». Kjell er endå småskral etter lang tids sykje, men er no klar til å sette kursen mot sesongen.

Ver og føre: I dag kunne vi merke våren. Ca. +5 grader og lettskya. Så flott var det at vi kasta både lue og vottar!

————————–
05.04.2018:
Omsider var vi på plass på Førde Stadion! Dermed kan vi legge bak oss Hundvebakkegjelet for denne gong, ein arena som har gitt oss mange tunge tak og dertil god form! I dag var desse på plass: Johnny, Kjell, Torbjørn og Vidar.

Vel inne på stadion vart denne økta gjennomført: 8x500m (start kvart 3.min). Ei økt vi har hatt før, og for iallefall dei 2 første såg det ut til at alderen ikkje har betydd noko. Det var Torbjørn som var først heile vegen og hadde ein fin serie slik: 1.46-1.46-1.45-1.45-1.44-1.44-1.41-1.37. Johnny var nær på dei 3 første og vidare innanfor 4-5 sek etter, sjølv om han måtte ta ein «time-out» på nr.7. Vidar og Kjell var eit stykke bak, og spesielt sistnemnde har ein jobb å gjere etter snart 3 mnd. med sjukdom.

Ver og føre: Litt sur vind, opphaldsver og ca. 4 +grader. Eit snev av vår trass alt…

————————-
12.04.2018:
Du verden sommaren er nesten kommen!!! I dag var det flott på stadion for dei tre som var der. Det var Johnny og Vidar som kom først, men fekk så selskap av Geir Øygard som eigentleg skulle på motbakketur.

4x1000m var økta i dag. Vi starta sånn ca. kvart 5.min. Vidar og Johnny var like på første, så seig Geir litt i frå. Tider 3.57-3.52-3.49. Johnny hadde 3.57 på alle. Vidar var ca. 60m bak. Så tok Geir pause. På siste draget var Johnny uggen av hald og anna og stoppa etter 600m. Vidar kjempa seg inn til 4.04. Han er fortsatt på stigande…!!!

Ver og føre: Sol, ca. +15 grader og vind frå sør-vest.

——————————–
19.04.2018:
Ja no snakkar vi…. Det er nesten sommartemp og bana ligg der raud og innbydande! Det var Johnny, Torbjørn og Vidar som var på plass i dag. Geir er fortsatt i opptrening, og vi ventar på hans tilbakekomst.

Det er snart stafettsesong og andre viktige stemner på gang, så i dag fann vi ut at det måtte litt fart til. 6x400m med 100m gangpause var økta. Johnny tok teten med Torbjørn forholdsvis nær. På det 3.draget var han først med Johnny like i hælane. Tidene i tet var 79-80-80-79-78. På siste draget vart det sett skikkeleg fart der Johnny klarte 74 og Torbjørn 75! Vidar var ca. 20m og lenger bak.

Ver og føre: God vind frå aust. 17 grader og lettskya. Veldig flott!

******************************************

15.11.2018:
Mykje vatn har renne i havet, mange treningsøkter har vore trena, og mange konkurransar har vore gjennomført. Og ikkje minst: Folket har slite med skadar. Likevel i dag var fleire såpass oppegåande at ein prøvde seg på ei økt i lag. Desse var Johnny, Torbjørn og Vidar. Ei økt som er skånsom for undersåttande er motbakkeintervallane i Gjelet, og slik vart det.

Før ein starta, stod diskusjonen om kven som skulle ta ansvar for farten når Geir var borte og Torbjørn nett har kunne starte å trene. Det synte seg at dette trengte vi ikkje uroe oss for: Vidar, ser du, er i slag! Og utruleg nok syner Torbjørn styrke. Dei to låg i lag på dei 2 første. På den tredje fekk Vidar ei luke på Torbjørn som svara på siste og sleit seg først inn. Tider. 3.11-3.06-3.03-3.05. Det må vere godkjent på første økt.
Kva så med Johnny? Nesten 3 månader utan skikkeleg trening syner, men avstanden er ikkje håplaus (30-50m)

Ver og føre: Det er berre fantastisk. Ca. 14 grader og fønvind frå aust.

———————
23.11.2018:
I dag auka deltakartalet monaleg. Tilbake var Geir… Rett nok småskada og dårleg i eit kne, men det hemma ikkje så mykje skal ein få sjå. I tillegg kom 2 stk. Navelsaker Kjell og Jon Kristoffer. Så var Vidar og Johnny på plass, medan Torbjørn er reist til syden på treningsleir (??).

Det var Gjelet i dag også. Som sist 4 drag. Det starta tøft. Jon-Kr. og Geir hadde ein skikkeleg duell, medan Vidar ikkje var langt bak. Det gjekk fort! Geir fortsette i same harde farten og auka faktisk på siste imponerande! Jon-Kr hadde hand om 2.plass og Vidar 3.pl. Johnny var sist på alle så nær som siste då Kjell hadde fått «nok». Og her er tidene i tet: 2.57-2.53-2.56-2.49! Dette lukta svidd og det går faktisk snart like fort som på det beste i vår.

Ca. 15 grader kaldare enn sist, men elles var det flotte forhold. Klarver og vindstille.

—————————–
29.11.2018:
I dag var det Geir, Johnny og Vidar som «plaga seg sjølve» i motbakken i Gjelet. Men, som alle veit er dette frivillig, og vi har SÅÅÅÅ godt av det!

Ja, som sagt: Det vart Gjelet i dag og, sjølv om det fint hadde gått an å vere på bana. Som venta var Geir først og det gjekk endå fortare enn sist: 2.57-2.52-2.52-2.48! Vidar klaga på dobbelt julemiddag på Alex siste døgna, men kom likevel godt frå dette. Han var nr.2 på alle unntatt den tredje. Johnny et seg litt framover og hadde sin best serie i haust igjen.

Ver og føre: Kan ikkje bli betre. 10 grader, fønvind frå aust og elles berre lekkert.

—————————-
06.12.2018:
Vi er vel inne i julemånaden og no er vinteren litt på besøk. I dag var vi 4 i og med at Torbjørn var tilbake etter «treningsleir» i syden…

Etter litt mumling vart det bestemt at det skulle springast 5 gonger opp Gjelet i dag. Det var småglatt og litt vanskeleg, men vi fekk vår dose av puls og pust sjølv tidene ikkje var som sist. Geir er som vanleg sjef. Ein solid serie omtrent i denne farten: 3.08-3.02-2.58-2.58-2.58. Torbjørn imponerer med 2.plass og fart i underkant av 3.10 heile vegen. Vidar kjempa også godt og kjem seg rundt svingen, medan Johnny hadde ein tyngre dag og måtte stoppe før svingen på dei 2 siste. Uansett: truleg vekast hardaste for dei fleste her 🙂

Ver og føre: ca. 0 grader, og med få unntak is og rukleføre… Det betyr nok 10 sek sett i forhold til ideal-forhold.

—————————
13.12.2018:
Luciadagen og her er vi igjen på plass i «motbakken vår»! Og vi var dei same 4 som sist.

Vi gjennomførte ein kopi av førre vekes økt – dvs. 5 drag opp Gjelet. Før start rapporterte Geir om forkjøling, men det hadde både han og vi fort gløymt når vi kom i gang! Geir var først på alle draga med Torbjørn og Vidar deretter. Ca. tider i tet: 3.06-3.01-2.59-2.57-2.53. Torbjørn køyrde også heilt opp og hadde mellom 3.07 og 3.10. Johnny passar på 4.plassen og nektar gå gje den frå seg!

Ver og føre: Det var kaldt (-7) men greitt. Småglatt og litt vanskeleg siste del av løypa.

—————————-
20.12.2018:
Juleavslutning i dag, sjølv om det var lite nisse-styr og gløgg å gjå.. Vi var dei same 4 som sist og sjølv om det i dag kunne vore trena på stadion, vart det Gjelet igjen.

Som sist 5 drag opp til bommen, dvs Geir og Torbjørn sprang til bommen. I dag var det fantastiske forhold, så det gjekk lett (??) oppover bakken. Geir hadde ein solid serie – sjå berre her: 2.56-2.50-2.50-2.52-2.51. Torbjørn er på gang og er snart under 3 han og. Her er hans serie: 3.06-3.04-3.02-3.04-3.02. Vidar og Johnny har også framgang og ligg i skiktet 3.10 og 3.15.

Ver og føre: Kan ikkje bli betre i desember. 6-7 grader austavind og tørr og fin asfalt.