Gubbe-blogg

sf05.01.2013:

Godt nyttår folkens!  Vi er gang igjen – like spreke og nesten like unge som i fjor!   Og frammøtet var prima – 15 stk. kom derav ein ny «gubbe»….  Og den nye karen er Jonas Sunde – bror til Fredrik og son til Jan.  Han er blir 13 år seinare i år.   Dermed er det Sunde-familien som har teke over hegemoniet i familie-klassen.  Her er namna:  Anders, Asbjørn, Fredrik, Jan, Jonas, Kjell-Olav, Kjell N, Kjell S, Leif, Magne, Oddvin, Roald, Rune, Svein Å og Vidar.

Treninga:  Det er spennande å sjå korleis julefeiringa har teke på formen eller ikkje.  Fleire klaga over eige maskineri og form, men etter det ein veit kom alle igjennom utan mèn.  Sjefstrenaren har starta året med ei forkjøling, så dermed var det Rune som var sjef i dag.  Han tok troppane innover sørsida der det var gode forhold med isfri veg og vindstille.  Dagens økt var 5 x 500m.  Pausane var «passeleg» etter Rune sitt utsagn,  Han var ikkje i posisjon til å sjå kven som sprang fortast eller kor fort det gjekk.   Det er likevel kjekt å registere at både Kjell N, og Jan no er i siget og har sett kursen for det som skal bli ein god sesong.  Vidar er også på plass, men køyrer med «bremsen på » for ikkje å rive oppatt skaden.  Vi håpar dette går bra med alle!

Ver og føre:  Fantastisk flott å vere løpar i Jølster no.  Vi har 3-4 pluss-grader isfrie vegar og lett regn.  Flott å springe!

——————————

12.01.2013:

Frammøtet har nådd store høgder.  Heile 19 stk. i dag og endå var fleire av dei faste ikkje på plass.  Dette er flott.  I dag kom det endå ein ny gubbetrimmar:  Hallvard Bjotveit yngste guten til Vidar Prest.  Snittalderen på veg ned og det likar vi!  Her er namna: Anders, Asbjørn, Dag, Fredrik, Hallvard, Jan, Jonas, Jon Kristoffer, Kjell N, Kjell S, Magne, Leif, Oddvin, Roald, Rune, Siv, Svein-Å, Vidar og Aase-Britt.

Treninga:  Igjen måtte Rune trø til som sjef og det greier han fint.  Sidan det var litt kaldt skulle det vere ei heller roleg økt.  3 x 1000m med korte pausar.  Litt usikkert på kva som gjekk føre seg dei ulike stadane i feltet, men alle kom vel igjennom vert det rapportèrt.

Ver og føre:  Det er kaldt igjen – i dag 8-9 kalde.  Men, det er fint ver, ikkje snø og ikkje glatt.

——————–

19.01.2012:

Det er kaldt gitt!  Likevel – springast skal det – det synes iallefall desse 12:  Anders, Asbjørn, Erling B, Johnny, Kjell N, Oddvin, Roald, Rune, Siv, Turid, Vidar og Aase-Britt.

Sjefstrenaren kom for seint til start, så Rune tok ansvar og bestemte denne økta:  5x500m  roleg med korte pausar.  Om det vart så roleg kan diskuterast…  I allefall på dei 2 siste då Johnny også hadde funne gjengen.  Kjell N var først på alle,  i lag med Johnny på dei to siste.   Kjekt at Vidar er tilbake og at han held seg langt framme i feltet.

Ver og føre:  Minst 10 kuldegrader og i kaldaste laget.  Fint føre på nærmast tørr asfalt.

————————–

26.01.2013:

Kulden har gitt seg og godt er det.  I dag kom det heile 16 stk. og det likar vi.  Vi kan så ynskje velkomen ein ny gubbe – Tor Magne Solheimsnes.  Han er yngste mann til ein av veteranane i flokken Magne.  Velkommen til deg!  Her er så namna:  Anders, Dag, Jan, Johnny, Jon Kristoffer, Kjell N. Kjell S, Leif, Magne, Oddvin, Roald, Rune, Siv, Svein Å, Tor Magne og Vidar.

Treninga:  Vi tok oss på nytt innover langs eit islagt Jøstravatn.  I området Hammar-Strand sprang vi følgande økt:  1000-800-600-400-200m.  Pausar ca. 1min.  Kjell N og Johnny var ganske like på dei 4 første med Jan like i hælane.    På siste draget klarte ikkje Vidar å halde igjen lenger og kobla inn eit gir som vi andre ikkje har.  Både Jan, Leif, og Magne var også langt framme har.

Ver og føre:  Tynt snølag på vegen men heilt ok å springe.  Det var vindstille og ca. -2 grader.  Ok dag for springing.

————————-

02.02.2013:

Vi er runda inn i februar, og det er faktisk endå lyst når vi startar økta.  I dag fekk vi også omsider vinterføre etter å ha gått klar dette så godt som i heile vinter.  Det var 14 stk. som møtte i dag og her er dei:  Anders, Dag, Erling B, Jan, Johnny, Kjell Olav, Kjell S, Leif, Magne, Oddvin, Rune, Svein Å, Turid og Aase-Britt.

Treninga:  SOm sagt i dag var det snøføre, nullføre og glatt.  Vi tok difor til takke med motbakken frå Jølvassbu og opp til Øverbø Hytter.  Denne sprang vi 5 gonger og det var vel eigentleg nok.  Det var Jan som var først heile vegen.  Kjell Olav var også sterk og hadde 2.plassen heile vegen.  På siste draget måtte gruppe-2 starte først og etter 15 sek. kom resten..  Dag fekk her skikkeleg fyr på motoren og var først.

Ver og føre:  Ca. -1 grad opphaldsver, vinstille og snøføre.

——————

09.02.2013:

Sibirkulden har innteke Jølster og langs vatnet måler ein temperaturar på under 20minus!  Det var difor ein heller fåtallig forsamling som møtte.  Etter ei kort rådslagning vart det bestemt å reise heimatt og trene alternativt.  Dei som møtte var desse:  Jan, Johnny, Kjell N, Oddvin, Siv og SVein Å.  Rune møtte også i «sivilt»…  Litt usikker på om det held til å få kryss?

Vi håpar på minst 15 grader mildare neste gong!

———————–

16.02.2013:

Er vinteren på hell no?  Det er iallefall lysare når vi trenar og neste gong kan vi legge igjen refleksvestane heime.  Temperaturen var også som den skal vere.   I dag var vi 14 stk. på plass:  Anders, Dag, Jan, Johnny, Kjell N, Kjell S,  Magne, Leif, Oddvin, Roald, Rune, Sverre, Turid og Vidar.

Treninga:  Det var snøføre, men det var grusa på sørsida, så dermed var det heilt ok å springe intervall der.  8 x 500m (start kvart 3.min) var menyen.   Jan, Kjell N og Johnny tok teten med ein gong og sånn var det fram til nr. 5.  Då hadde Jan fått magetrøbbel og måtte sleppe seg bakover i feltet.  Dei to andre pressa kvarandre og var heilt like heile vegen.   Magne og Vidar var dei som stort sett hadde hand om 4. og 5. plassen.   Farten var i området 1.53-1.54 – greitt nok.

Ver og føre:  Ca. 0 grader, vindstille og opphaldsver.  Ganske bra føre til å vere snø.

————————

23.02.2013:

I dag var sola framme når vi møttest og det var berre å legge igjen rekleksvestane heime.  Med andre ord:  Det går rette vegen.  Når det gjeld frammøtet i dag, var det heller dårleg.  Kun 6 stk. på plass:  Jan, Johnny, Leif, Magne, Oddvin og Rune.

Treninga:  Det gjekk rykte om at det var berr veg på gangvegen.  Det var nesten sant.  Vi fann ut at 500m frå Bøafeltet til Jølster Hotell kunne passe.  Denne sprang vi «kun» 3 gonger i dag.  Litt større fart og litt lengre pausar.  Spesiallaga for NM-fararane neste helg.  Det var Jan som var best heile vegen og syner god form.  Tidene låg på 1.35 – 1.40.  Johnny hadde andre plassen og Magne deretter.  Det vart ei tøft økt, der fleire var ganske så slitne.

Ver og føre:  Ca. 3 kuldegrader og vinstille.  Sol og opphaldsver.  Litt glatt enkelt stader.

————————–

02.03.2013:

Vi er runda inn i mars – første vårmånaden!   Det er NM-helg – iallefall for 4 av gubbane.  Dette kan du lese meir om ein anna stad her på bloggen.    Dei som møtte ved garasjen denne laurdagen kl. 17:00 var heller få.  Kun 6 stk.!  Det var Anders, Leif, Magne, Oddvin, Roald og Rune.

Karane bestemte seg for å springe 1000m i dag og det på ein litt spesiell måte:  500m frå Helmen til Gamleskulen, så snudde alle på likt og så utatt.  4 sånne vart det.  Det vert rapportèrt om roleg tempo der Leif og Roald låg i teten.  Magne slit med ein kranglete legg, så han tok det med ro.  På siste draget synes Leif at no fekk det vere nok roleg tempo og drog voldsomt til og var nærmare 100m føre i mål.

Ver og føre:  Ca. 0 grader og bra føre.  Det starta å snøe i økta slik at det vart litt småglatt.

———————

9.mars 2013:

Ikkje det store frammøtet i dag heller, men vi klarte to-siffra med eit nødskrik.  Dei 10 var:  Anders, Asbjørn, Dag, Johnny, Kjell O, Kjell S, Leif, Oddvin Roald og Rune.  Johnny, som har kopiert broren sin leggstrekk, var berre nedom for å få kryss før han for i Svidalen Grendahus for å trene der.

Treninga:  Det var 5 x 500m som var økta i dag.  Desse føregjekk i området Kjelsnes-Helmen.  Det vart kjempa hardt i teten der Kjell`ane gjorde opp seg imellom.  Ass-sjefstrenar Rune var såpass bak i køen at han ikkje fekk med utfallet av den duellen.  Elles såg det ut til at Asbjørn ikkje har teke skade av Sør-Amerika-turen og mønstra med lett kropp og lette steg!

Ver og føre:  Vi er inne i ein ny kuldebolk – den 5. i vinter!  I og med at sola er med oss er det ikkje så verst likevel.  Det var vel ca. 3 kaldegrader og vindstille i dag.  Tørr asfalt med telehiv.  Det siste handterer vi fint!

—————

16.mars 2013:

Kulden held si harde hand over Jølster og resten av Sør-Norge for den del.  Det hindrar ikkje ein god flokk gubbar å ta sin tørn med springetrening.  12 stk. var her  i dag.  Det var Anders, Asbjørn, Dag, Jan S, Kjell N, Kjell S, Magne, Leif, Oddvin, Rune og Aase-Britt.  I tillegg kom det ein kar frå asylmottaket som vi ikkje veit kva heiter.  Kanskje vi får fleire med oss herfrå?

Treninga:  Litt skadeproblemer i gruppa og Magne som slit med leggstrekk kom kun til Gjesdal Skule før den kom igjen.  Dei andre hadde denne økta:  1000-800-600-400-200m intervall var økta.  Den vart unnagjort på sørsida.   Utan at rapportøren er sikker vil ein tru at Jan og Kjell S var der framme.  Så er vi spente på kor karen frå asylmottaket fann sin plass???

Ver og føre:  Ca. 5 minus, klart og godt føre.

————-

23.mars.2013:

I dag kom 13 stk. til treninga.  Det var Anders, Asbjørn, Erlend, Jan, Jon Kristoffer, Kjell N, Kjell S, Leif,  Roald, Siv (ski), Svein Å, Sveinung og Aase-Britt.  Eit lite vårteikn her:  Brødrene Lien er her!

Økta vart den same som sist.  Truleg er det sjefstrenaren «in Absentia» som ikkje hugsar frå veke til veke….  Uansett økta er god den.  Jan og Kjell N var igjen i tet og der gjekk det bra unna.  Etter det ein har høyrt kom alle velberga igjennom.

Ver og føre: Kaldt fortsatt.  Ca. 5 kalde, men sol og vindstille – så det går an å vere ute.

———————————-

31.mars 2013:

I dag er det påskafta og supert ver.  Det gjorde at mange nok hadde vore på skitur.  Såleis var det kun 6 stk. som møtte.  Fam. Lien stillte sterkt med 3 stk.  I tillegg var Johnny, Leif og Oddvin her.

VI tok turen innover sørsida til Stampesletta.  Her sprang vi 6 x 500m.  Start kvart 3.min.  Det var vel berre Sveinung som fekk godkjent med fart på mellom 1.52 og 2.00.  Resten av forsamlingen var litt haltande bokstaveleg talt.  Vi får tru det kjem seg når våren kjem…

Ver og føre:  Sol, vindstille og tørr asfalt.  Ca. 5 minusgrader.

——————————

6.april 2013:

Info om økta kjem seinare.

———————————-

13.04.2013:

Er det snev av våren vi kjende i dag?  Trur det gitt!   I dag møtte 12 stk. til økta.  Det var desse:  Anders, Dag, Erlend, Erling B, Jon Kristoffer, Kjell N, Leif, Oddvin, Rune, Siv, Sveinung og Vidar.

Treninga:  Rune var tilbake som sjef.  Vi luktar no stafettsesong då det er kun 2 veker igjen til Oldenstafetten.  Rune ville difor prøve å få litt fart på gjengen.  Dermed vart det 5 x 400m med 3 min pausar.  Fleire fekk skikkeleg opp dampen og i tet låg som venta Kjell N, Vidar og Sveinung.  Litt vanskeleg å vite kva farten var då ein sprang på ikkje-innmålt område.  Dessverre fekk Vidar, midt i 3. draget,  føling med ein gamal fiende – lårstrekken.  Får tru han greidde å stoppe før det slo til for fullt.  Dei andre kom heilskinna igjennom og meinte det hadde gjort godt!

Ver og føre:  Opp til fleire + grader i dag og fint ver.  Jammen var det eit snev av våren ja!

——————————-

20.04.2013:

Det er straks sesongstart og våren nærmar seg.  Om det er årsaka til det gode frammøtet er uvisst, men i dag var vi heile 18 stk. på plass.  Dei heldige var:  Anders, Asbjørn, Dag, Erling B, Finn, Gyrid, Jan, Johnny, Jon Kristoffer, Kjell N,  Kjell S, Kjell Ø,  Leif, Oddvin, Roald, Rune, Siv og Sveinung.

Sjefstrenaren er tilbake etter 6 veker med leggstrekk og alternativ trening.  Sistnemnde har tydelegvis virka for han var tilbake langt framme i feltet.  Økta, som føregjekk på grusvegen på Bakkeslåttene, var 4 x 530m med 4 min pause.  Dermed skulle det springast fort og det vart det gjort – iallefall i teten.  Der framme var Kjell Ø heile tida og dokumenterer god form.  Johnny var nr.2 medan Jan, Kjell N, Sveinung og Finn opererte på dei neste plassane.  Tidene i tet låg mellom 1.38 og 1.40 og det er godkjent.  Ei god økt vart det og det var godt å rusle innatt over Bakkeslåttene etter økta.

Ver og føre:  Lett vind frå vest, opphaldsver og ca. 3 + grader.  Ok å vere ute.

————————-

27.04.2013:

Ein liten nedgang i frammøtet frå den gode dagen sist.  I dag var vi 12 stk. her.  Desse var:  Asbjørn, Anders, Dag, Johnny, Kjell N, Magne, Leif, Rune, Oddvin og Turid.  I tillegg kom 2 karar frå Asylmottaket.  Dei var begge i bra form og fekk tatt seg skikkeleg ut såg det ut til.

Treninga:  I dag vart Golfvegen innvia for året.  Litt snø og is i øvre trasèen var det, men elles greitt.  Sjefstrenaren hadde bestemt at her skulle køyrast 2min drag og det skulle vere 4 stk. av dei.   Sjølv tok han teten og sette standarden på dei 3 første.  Deretter måtte han roe ned (var sikkert trøtt).  Karanae frå asylmottaket følgde godt med og Kjell N var også heilt der framme.

Ver og føre:  Vind frå aust ca. 6 grader, men når sola kom fram vart det nesten vår.

———————————

04.05.2013:

Etter ei veke med meir vinter enn nokon gong i år, må vi konstatère at våren er kraftig forsinka.  Det er likevel ikkje noko som stoppar oss!  I dag møtte 14 stk. – derav 2 på sykkel.  Det var Asbjørn (med ny solid lårstrekk) og Erling (endeleg å sjå igjen).  Elles var desse løparar:  Anders, Dag, Erling B, Johnny, Kjell N, Leif, Oddvin, Roald, Rune og Aase-Britt.  Så var våre nye vener frå Asylmottaket på plass og no har vi også fått namna: Sadik Abagnaches og Belag Bihane.

Treninga:  Sjefstrenaren må straks beklage at det ikkje har vore testløp oftare i vinter.  Men, i dag hadde vi ein standpunktprøve over 1000m.  Dette føregjekk på oppmålt distanse på Stampesletta og vi ordna oss slik at den sure vinden var med oss.  Sadik, som er ein løpar med potensiale, tok greitt sigeren i land, medan Johnny og Kjell  følgde deretter.  Begge var nøgde med sine prestasjonar.  Så kom resten, der sjefstrenaren let seg overraske mest av Dag, som syner at han er ein mann for større anledningar.  Her er tidene:  Sadik (3.07), Johnny (3.12), Kjell (3.18), Belag (3.36), Dag (3.48), Roald (3.49), Leif (3.51), Aase-Britt (4.04), Rune (4.20), Anders, (4,20), Erling (4.26), Oddvin (4.54).    Legg dette også inn på sida «Testløp» så kan du sjå korleis du ligg an i høve andre år.

Ver og føre:  Ca. 5 grader vind frå vest og lett regn.  Vi vil ha vår basta!

————————-

11.05.2013:

Det er Holmenkollhelg, men dessverre vart det ikkje Jølsterlag her i år.  Johnny vart derimot hyra inn som leigeløpar for Gloppen, så vi var representert!  Dei som var heime og som møtte opp ved avkryssingstavla var:  Anders, Fredrik, Erlend, Erling B, Erling (sykkel), Jan, Kjell S, Leif, Roald,  Reidar S, Rune, Sveinung og Aase-Britt.  Det blei 13 stk. det!

Treninga:  Det vart ei hurtigøkt i dag:  7 x 300m intervall ved Gjesdal Gamle Skule.  Det er ikkje opplyst kven som var sjef, men eg vil tru at Jan truleg låg i tet.  Tippar på at Sveinung og Erlend var der også.

Ver og føre:  Striregn, kun nokre få +-grader og skikkeleg surt.  Nokre måtte faktisk bryte av pga frost!

————————

18.05.2013:

Store kontrastar i veret.  Førre gong naglebit – idag sommartermperatur.  Det var 27 grader i Bergen vert det rapportèrt, og det hadde det vel nesten vore her også hadde det ikkje vore for at Jølstravatnet kun held 3-4 grader.  I dag er det pinseafta, så vi fekk helsing frå kyrkjeklokkene på veg utover mot Golfvegen.  Det var kun 9 stk. i dag:  Anders, Erling B, Jan, Johnny, Kjell S, Kjell Ø, Leif, Sadik og Svein Å.

Treninga:  Rundt Golfvegen sprang vi dette:  1 – 2 – 3 – 2 – 1 min intervall.  Pause 2 min.  Johnny leda på den første og siste.  Elles var Kjell Ø først, med Sadik like i hælane.  Vi kom heilt rundt + 20m.    På neste-siste draget og oppatt bakkane kom Jan oppå 3.plass.  Vidare bakover Leif godt med.

Ver og føre:  23 grader og sol!  Heilt fantastisk, der fleire hadde funne fram shortsen.

———————————–

25.05.2013:

Fekk vi ein ny medlem i dag?  Roald Eikås kom syklande forbi og stoppa på.  Dermed vart det kryss på lista og alle andre fordelar som følgjer med medlemsskap hos oss!  Elles var det veldig kjekt å sjå Gry tilbake.  Ho har hatt masse plage med ryggen, men er no på gang igjen!  Her er dei 9 som var her i dag:  Asbjørn, Erling B, Gry, Johnny (sykkel), Leif, Roald J, Roald E (sykkel), Sadik og Aase-Britt.

Treninga:  Dei som sprang gjennomførte 6x500m internvall (start kvart 3 min).   Sadik som var den desidert sterkast låg som vanleg høfleg i lag med teten på første draget.  Det var Leif som måtte trø til då.  Etterkvart gav Sadik meir gass og då var dei andre bak.

Ver og føre:  Flott sommarver.  Ca. 22 grader og lite vind.  Veldig flott!

—————-

01.06.2013:

Vi er inne i sommarmånadane!  Og i dag var det skikkeleg sommarver med duskregn, 11 grader og vind frå vest.   Oppmøtet steig som vanleg er når sola ikkje skin.  I dag var vi 14 stk:  Anders, Dag, Erlend, Erling B, Jan, Johnny, Jon Kristoffer, Kjell N, Kjell S, Magne, Roald, Rune, Sadik og Sveinung.

Treninga:  Ein ny variant rundt golfvegen:  4 x 3 min drag.  Start kvart 5.min.  Sadik var sjef og fekk også ansvar for å styre tida.  Begge deler til bestått!  Bak han opererte Sveinung, Jan og Kjell S.  Alle kom vel igjennom og var nøgde med at heimturen ikkje var så lang.

Ver og føre:  Som sagt – 11 grader, duskregn og vind frå vest.  Likevel.  Det var eit heilt greitt springever!

————————-

08.06.2013:

Ein god gjeng, ei god trening, og elles alt vel.  17 stk. på plass i dag – det likar vi!  Her er namna:  Asbjørn, Are (nesten debutant), Belag, Dag, Erlend, Gry, Jan, Johnny, Jon Kristoffer, Kjell N, Kjell S, Leif, Oddvin, Roald, Sadik, Siv og Aase-Britt.

Etter forslag frå Roald føregjekk økta i lysløypa.  Her fann vi ein ca. 300m lang motbakke som vi sprang 8 gonger!  Sadik var førstemann heile vegen og var ikkje trua.  Bak han var det fleire som prøvde seg.  Jan og Erlend var dei mest aktive.  Etter 8 drag var dei fleste ganske så slitne, så det var godt å ta turen heimover.  Ei god økt!

Ver og føre:  Grått og lett regn.  Ca. 10 grader.  Litt meir sommar hadde gjort seg!

————————————-

15.06.2013:

Siste skikkelege økt før sommarferien.  I dag varf det annonsert ei form for testløp – sjølv om sjefstrenaren prøvde å tone det heile ned så godt han kunne.  Han angra på forslaget etter nokre få hundre meter av oppvarminga, men som ein veit:  bordet fangar!  I dag var vi ikkje så mange – kun 8 stk.   Det var:  Asbjørn, Jan, Johnny, Kjell N, Kjell S, Leif, Sadik og Sveinung.

Og testløpet var 4km løp frå toppen av grustaket i Kvammen og oppatt til Jølvassbu Camping.  Her er resultata:  Sadik (16.58), Jan (17.10), Kjell N (17.36), Sveinung (17.42), Johnny (18.35), Asbjørn (19.02), Leif (21.07), Kjell S (21.37).

Ver og føre: Bra ver – lettskya og vindstille.  Ca. 15 grader.

 

*******************************************

24.08.2013:

Sommaren er på hell, men det er ikkje vi.!!    Endå er det mange som har mykje å ta seg fore i helgane, men 11 stk. var likevel på plass i dag:  Anders, Asbjørn, Dag, Erling D, Jan, Johnny, Jon Kristoffer, Kjell N, Kjell S, Rune og Vidar.

Vi tok ei «sympatisk» økt i dag.  Eit par 2mins drag i området Bjørkelia, 4 x. 100m stigningsløp på grusbana og deretter roleg jogg heimatt.  Dermed var vi i gang, og satsar på stigning i mengde og intensitet etterkvart.

Ver og føre:  Flott sommarver i dag.  23 grader, sol og vindstille.  Ein av dei finaste sommardagane i år!

———————–

31.08.2013:

Siste dag i august og hausten har så absolutt starta å vise seg.  Litt tynt i rekkene i dag, men det er verst for dei som ikkje er her (kanskje)??  6 stk. i dag og dei var:  Asbjørn, Erling B, Johnny, Kjell N, Leif og Vidar.

Vi tok turen vestover i dag og.   Fortsatt er det tilvenning til tyngre økter vi held på med.  Der vart det sprunge 3 x 350m bakkeintervall opp mot skisenteret for så å avlsutte med eit 2 minuts drag innover mot Flatabøen.  Kjell var først opp bakkane med Johnny like bak.  Vidar og Asbjørn var nærast bakafor.  På siste draget kom Vidar glidane i fin stil og kontrollerte greitt inn.

Ver og føre:  Vi hadde sol og regn – gjerne samtidig  –  i dag.  Det var vind frå vest og temperaturen var ca. 10 grader.  Som sagt haustleg!

———————

07.09.2013:

Dette er dagen for Trekktrasèen Opp.  Dermed ingen fellestrening, men alle var oppmoda om å stille enten som funkjsonærar eller deltakarar.   5 gubbar var med som aktive og all honør til dei, men fleire burde stillt opp.

———————

14.09.2013

På dagens økt møtte desse:  Asbjørn, Dag, Erik Kristian (!!!), Jon Kristoffer, Kjell N, Kjell S, Leif, Roald og Siv.

Referenten har fått med seg at det vart sprunge 2 min intervallar på Golfvegen, men detaljar utover det er ikkje kjent for han.

————————

21.09.2013:

Hausten kryp inn på oss med vind og lauvfall.  Mange er både her og der i inn- og utland,  deltakartalet i dag var ikkje allverden – kun 8 stk.    Det var:  Asbjørn, Dag, Erlend, Johnny, Leif, Roald, Sveinung og Vidar.

Vi tok turen innover sørsida for å kjenne på asfalten og kanskje styrke leggane.  Sistnemnde har Erlend problemer med og måtte tidleg stå av.   Får håpe han kjem seg føre igjen.  Vi andre sprang denne serien:  1000-800-600-400-200.  Tidene i tet:  3.47-3.02, 2.04-76-38.  Første draget tok Sveinung heim med Johnny og Vidar like bak.  Roald og Asbjørn var også framme ved start før neste drag.  På neste drag var Johnny først med Vidar og Sveinung like bak.  Så fekk Sveinung nok på 3.draget og dei andre heldt følgje.  På siste draget var både Vidar og Sveinung i tet med god fart inn.  Ei god økt!

Ver og føre:  Ca. 10 grader vind frå vest og grått utan nedbør. Greitt nok til haust å vere.

—————————

28.09.2013:

I flott haustver møtte 12 gubbar til økta.  Dei var:  Anders, Asbjørn, Dag, Erling, Jan, Johnny, Leif, Roald, Rune, Sadik, Svein-Erik og Vidar.   Her er ein ny gubbe vi kan ynskje velkommen:  Svein-Erik Hårklau.  Så er det kjekt å sjå Sadik tilbake etter lang sommarferie.

Golfvegen i dag:  1-2 3-2-1 min intervallar.  Pause 3-2-1min.  Det vart fort 3 forholdsvis separate grupper.  «Red Group» var stor og god og bestod av Vidar, Sadik, Svein-Erik, Jan og Johnny.    Gruppe-2 var i dag Roald, Asbjørn og Leif.  Vidar var hissig i starten og tok teten.  Dei andre var tett bak.  På tredje draget tok Svein-Erik føringa med Sadik på slep.  Siste draget kara Johnny seg først i mål.  Det gjekk bra fort unna i teten for vi kom forbi starten med 50meter.

Ver og føre:  Ca. 10 grader og fint ver.

——————————–

05.10.2013:

Vi er runda inn i oktober og det merkast på ver og natur.  Ikkje det store frammøtet, men ros til desse som stillte opp:  Anders, Dag, Erling B, Erling Kjell, Jan, Johnny, Kjell S, Leif, Roald, Rune og Sadik.

Treninga:  Sjefstrenaren beordra alle inn i bilane og så vart kursen sett mot Bjørkelia.  Etter 10 min oppvarming på bana var det klart til dagens økt:  2min motbakkedrag oppover vegen mot Kvamsstøylen.  Det vart 7 drag og pausae varierte mellom 1-1,5 min.   Som venta var det Sadik og Jan som tok seg av teten.  Johnny var nr 3, men det vart ikkje så langt bak til forfølgjarane som var både Roald, Kjell S og Leif.  På siste draget var også Erling B der framme.  Ei tung økt dette, men det gjer godt når det heile er over.

Ver og føre:  Vindstille og regnbyger.  Ca. 10 grader.  Ok å trene.

——————————

12.10.2013:

Ein fantastisk haustdag med sol og fine temperaturar.  Mange er og har vore opptekne med smått og stort i haust, så også i dag.  Likevel var det kjekt å sjå fleire «gamle og nye travarar» her.  I dag var 11 stk.  Det var Anders, Dag, Gyrid, Jan, Kjell S, Kjell Ø, Leif, Svein Å, Turid, Vidar og Aase-Britt.

Treninga:  Det var golfvegen – flott som det er!  6 x 90 sek intervallar med 90 sek. pause var økta.  Høyres ut som ei god sak.  Dei første draga låg Kjell Ø først med Jan og Vidar på dei neste plassane.   At Gyrid (12 år) er løpssterk visste vi, og ho avanserte framover i feltet etterkvart og kapra 3.plassen på nest siste.   På siste draget vann ho forsyne meg heile greia!  Kva skjedde med gamlegutta?

Ver og føre:  Som før sagt – heilt topp.  Sol, vindstille og over 10 grader!  Det er 12.oktober i dag altså!

———————–

19.10.2013:

Det kjem seg med frammøtet, sjølv om fleire av dei faste glimrar med sitt fråvær.  I dag 15 stk. og rekord denne hausten.  Det var:  Anders, Asbjørn, Dag, Erling B, Finn, Gyrid,  Jan, Kjell S, Kjell Ø, Magne, Rune, Sadik, Svein-Erik, Vidar og Aase-Britt.  Vi merkar oss at både Magne og Finn sesongdebuterer – eit haustteikn!

Treninga:  Rune stod for leiing og ansvar og hadde planlagt følgjande økt:  4 x 1000m frå Jølvassbu og 500m vestover tur-retur.  Alle snudde på likt.  Pausane var 2 min.  Med fleire tøffingar i feltet vart det eit køyr, der Rune ramsa opp Kjell Ø, Sadik, Svein-Erik i tet, med Jan, Vidar, Finn og Magne langt framme.  Gyrid var også i dag godt med!  Etter denne dosen var det 4 x 60m drag over kunstgrasbana som «dessert».  Ei god økt!

Ver og føre:  Vi har ein flott haust, så også i dag.  Sol, opphaldsver og ca. 5 + grader. Flott!

————————

27.10.2013:

No liknar dette på noko!  Igjen beste frammøte denne hausten.  Denne gong 18 + 2 = 20 stk!  Her er namna:  Anders, Belag, Dag, Finn, Jan, Johnny, Kjell S, Kjell Ø, Leif, Magne, Mona Årdalsbakke( !), Oddvin, Rune, Sadik, Svein Boge, Svein-Erik, Svein Å, Vidar og Aase-Britt.  I tillegg var det med ein ny kar frå Mottaket som vi ikkje har fått namn på.    Magne og Johnny trena ein halv time etter dei andre, men tok sjansen på å krysse av !!

Treninga:  Det var 2min drag rundt Golfvegen.  Heile 6 stk. og fort gjekk det for ein kom forbi rastebordet nedanfor Lærgrovbakken.  I tet var det hard kamp mellom Kjell Ø, Sadik og Svein-Erik.  Jan og Belag var bak, og på slutten kom Vidar framover.  Finn var også der.  Kjekt å sjå Svein B på plass igjen og ikkje minst Mona som (kanskje) debuterte på Gubbetrimmen…

Ver og føre:  Ein god dag, men opphaldsver og vindstille.  Ca. 8 grader og det er godkjent på denne tid av året.

————————

02.11.2013:

Då er vi runda inn i november og endå held snø og is seg vekk.  Det likar vi løparane!  I dag var vi 18 stk. på plass, og det er glimrande.  Her er dei:  Belag, Dag, Erling B, Finn, Johnny, Kjell N, Kjell Ø, Leif, Magne, Oddvin, Roald, Reidar, Rune, Sadik, Siv, Svein B, Vidar.  Han nye karen frå mottaket har vi fortsatt ikkje fått namnet på.  Kjekt å sjå Reidar tilbake etter kneoperasjon og greier..

Treninga:  Sjefstrenaren hadde vore fråværande mange laurdagar no, utan at det har gjort det noko lettere for folket.  I dag vart det slik:  4 x 350m motbakke-intervall nedanfor Bjørkelia + 2 x 2min drag innover vegen.  Sadik og Kjell Ø var i tet heile vegen.  Johnny hadde stort sett 3.plassen i motbakkane, men på dei 2 siste draga var Vidar med heilt der framme.  Han syner framgang kvar veke, så dette ser lovande ut.  Det må nemnast at også Belag var med i tetgjengen på dei to siste draga.  Elles merkar ein seg at Dag har sett kursen mot ny godform, og opererer langt framme i feltet.

Ver og føre:  Lett regn ca 4 grader og vindstille.  Det er greitt det.

————————

09.11.2013:

Dagane går, vi nærmar oss jul, men likevel er det prima tilhøve for springarar.  Det hadde 13 stk. teke konsekvensen av i dag.  Dei var:  Anders, Asbjørn, Dag, Erlend, Finn, Jan, Johnny, Jonas, Leif, Roald, Rune, Sadik og Vidar.

Treninga:  Etter ein roleg joggetur langs sørsida av elva ned til Jølstraholmen vart det kommandèrt 6 x 500m på den ny-opplyste gangvegen.  Først 2 vestover og resten austover.  Sadik var uten konkurranse, sjølv om både Finn, Vidar og Johnny prøvde seg.   Bak desse 4 var det Magne, Leif, Dag og Asbjørn som duellèrte. Ei god økt vart det, der nokre var meir slitne enn andre.

Ver og føre:  Fint ver ca. 2 grader og vindstille.  Glimrande til november å vere.

——————————

16.11.2013:

Stormen «Hilde» er på besøk og det regnar kraftig.  Det er rett og slett ufyseleg å gå ut.  Når det likevel 15 stk.  møter til treninga er ein imponert.  Her er namna på tøffingane:  Anders, Asbjørn, Finn, Erling B, Erling D, Johnny, Jon Kristoffer, Kjell N, Kjell Ø, Leif, Roald, Rune, Sadik, Svein B og Vidar.

Treninga:  Vi likte oss så godt på gangvegen i flomlyset at vi tok kursen diti dag og.  I tøff motvind og masse regn var oppvarminga nedover gangvegen og nesten ned til Holmen.  Økta var 5 x 1000m – start kvart 6. min.  Kjell og Sadik heng i hop i teten og hadde etterkvart god avstand bakover til Vidar, Johnny, Finn og Kjell N.  Tidene i tet var 3.35 – 3.44 (snitt 3.40).  Det er godkjent i dette veret.   Alle fullførte på sin måte og det er flott!

Ver og føre:  Stiv kuling frå vest, tungt regn, men heldigvis 8 grader.   Ekstra godt å komme heimatt i dag.

——————-

23.11.2013:

Ja, det stunder mot adventstid, men springeføre er det – og det likar vi!  I dag kom det ein ny «unggubbe» på treninga: Mathias Førde.  Han sette seg fort i respekt som vi skal sjå, men først namna på dei 11 som møtte:  Anders, Erling B, Erling D, Finn, Jan, Kjell-Olav, Leif, Mathias,  Roald, Rune og Vidar.

Treninga:  Denne gongen kommanderte ass.sjefstrenar Rune gjengen austover til intervallar ved Gjesdal Skule.  9 x 300m med pausar på 1.15min.  Det starta roleg, men farten auka på og på slutten var ein heilt nede på 51 sek.  8 av draga gjekk under 1 min. og det er bra!  Vidar var først på dei første seks, men så forstod Mathias at dette ikkje var så skummelt som ein skulle tru, og «grusa» dei andre skikkeleg på dei tre siste.  Flott å få inn slike!  Utan at det er kjent for referenten, vil eg tru at Jan ikkje var langt bak desse to…

Ver og føre:  Frisk vind frå vest, men føret var flott, så vi er nøgde med dette på ein sein novemberdag.

——————————-

30.11.2013:

Siste november og for ein kveld det vart!  Då tenker eg både på frammmøtet og veret…  Magnus Hope gjorde oss den ære og ta turen innom.  Han køyrde eige opplegg, men får sitt kryss på lista.  Her er namna på dei 18 som møtte:  Anders, Asbjørn, Erling B, Erling D, Finn, Jan, Johnny, Jon Kristoffer, Kjell N, Kjell Olav, Kjell S, Leif, Magnus, Roald, Rune, Siv, Vidar og Aase-Britt.  Det skal også nemnast at Sadik kom susande forbi då vi omtrent skulle starte.  Han ville fort heim.

Treninga:  Etter oppvarming ut på Einehojen, vart det proklamert 14 x 200m.  Pausane vart i underkant av 1 min.  Det sludda tettare og tettare utover i økta, så det vart etterkvart sleipt.  Likevel – vi kom igjennom.  Vidar var i tet heile vegen og syner at han er i rute mot sitt endelege comeback til våren.  Johnny var stort sett nummer to med Jan, Kjell Olav og Kjell N deretter.   Litt uvant kost for leggar og lår, men eg trur alle kom igjennom utan mèn.

Ver og føre:  Ein av desse kveldane vi vil hugse!  Tungt sludd, ca. 1 + grad, men vindstille.  Godt å komme heimatt var det!

———————-

07.12.2013:

Då var vinteren her og til gangs!  På ein fin vinterdag møtte 13 til dagens økt.  Det var:  Anders, Dag, Erling D, Jan, Johnny, Kjell S, Magnus, Oddvin, Roald, Rune, Svein-Erik, Vidar og Aase-Britt.

Treninga:  Medan Magnus gjennomførte ein gårunde, tok resten av gjengen seg bort i retning Årsetbakkane for ein dose bakkedrag.  SOm vanleg vart dette ei sugande økt, der Svein-Erik og spesielt Jan imponerte med god klaring bak til Vidar og deretter Johnny.  Aase-Britt var «kvass» i dag og pressa Kjell S.   på siste draget synte forresten Roald at han nok hadde meir å gå på enn han hadde synt så langt…

Ver og føre:  Ca. 7 kaldegrader snøføre og litt glipptak oppover bakkane.  Men, når det først er vinter, er dette ein bra dag for springing!

———————–

14.12.2013:

Vinteren er avlyst!  I dag var 5 grader, måneskin og flotte forhold for springing!  Dette hadde 16 stk. konsekvensen av:  Asbjørn, Belag, Dag, Erling Kjell, Jan, Johnny, Kjell S, Magne, Leif, Oddvin, Roald, Rune, Sadik, Svein-Erik, Svein Å og Aase-Britt.

Treninga:  Vi har ei klassisk økt like før jul:  20 x 200m intervall med 1 min pause.  Så også i dag.  Etter ein oppvarmingsrunde nedpå Bakkeslåttene returnèrte vi til gangvegen mellom Jølvassbu og Gjesthalla.  Så var det berre å sette i gang.  Farten var jamnt god i teten der Sadik var heile tida.  Første i lag med Johnny, deretter kom Svein-Erik opp.  På siste draga auka Sadik farten og opp kom også Belag og Jan.    Ei skummel økt for undersåttane dette, men etter det vi såg fekk ingen strekk eller anna.  Flott!

Ver og føre:  Ein flott kveld med supert føre.  Sanneleg er det kontrastar her på Vestlandet.

20.12.2013:

Siste fellesøkt for året og som vanleg avslutta vi med garasjegløggen ++.     Først hadde vi ei kortare treningsøkt enn vanleg, der det var frivilleg kor hardt eller langt ein ville springe.  Dei tøffaste tok turen ned til Jølstaholmen for så å kappspringe oppatt til Hotellet.   Våre 2 vener frå mottaket var først, med Sadik suverèn i tet.  Jan, Finn, Johnny og Erling B var også med på dette.

Takk for i år og så møtest vi til ny dyst laurdag 4.januar.  Hald oppe treninga i jula, så toler du både mat og drikke betre!   Minner også om innbetaling av kontigenten.   Kontonummeret er 3705.12.83423.

God jul og godt nyttår!