Gubbe-blogg

03.01.2009:

God nyttår til alle og einkvar…  Eit nytt stort år for Gubbetrimmen er her, og mange liter sveitte skal leggast igjen langs vegane rundt Vassenden også dette året.  Oppmøtet i dag var strålande (17 stk) og viser at frammøtet før jul ikkje var ein flopp.  Desse var på plass:  Anders, Asbjørn, Erling, Ivar Andrè, Johnny, Kjell N, Magne, Ola H, Ola V, Roald, Rune, Svein Arne, Svein Å, Turid, Aase-Britt og Åsmund.  Ein legg merke til at avdeling «Innaføre Bjørsetodden» stiller 7 stk.  Veldig bra!!!

———————

Treninga:  Det var puddersnø og heller dårleg feste.  Nok ein gong vart motbakken i Gjesdal Indre redninga.  Vi auka dosen frå i fjor haust til 5x350m + 1x450m.  Ivar var sterk og knuste all motstand så nær som eit drag der ein friskmeld sjefstrenar fekk ein siger.  Farten i tet var god, føret teke i betraktning.

Ver og føre:  Som sagt mjølsnø og temperaturen synte ca. -2 grader.

——————–

10.01.2009:

Vi held standen både sånn og sånn….  Frammøtet er igjen sterkt – 16 stk.  Anar vi ein trend?  Dei som var her: Anders, Asbjørn, Erling, Ivar Andrè, Johnny, Kjell N, Magne, Ola H, Ola V, Roald, Rune, Svein Arne, Svein Å, Sverre og Aase-Britt.

Treninga:  Det var småglatt trass mildveret, men igjen fann vi 300 tørre isfrie meter nedanfor Bøafeltet.  Her kunne vi vise vår styrke og form for bygdefolket som kom forbi.  8x300m (1,5min pause) var økta.  Det gjekk kvasst i tet der Johnny sette standarden med å vinne dei 2 første draga.  Så kom Ivar og var igjen sjef.  Kjell, Magne og Asbjørn hadde hevd på plassiffer 3,4 og 5.  Ei tøff økt,men det likar vi…

Ver og føre:  5 +grader og kraftig vind frå vest, men vi fann ein god plass å vere.

————————-

17.01.2009:

Den gode trenden held fram.  Frammøtet er berre supert.  Igjen stillte 17 stk. til dyst i austavinden:  Anders, Asbjørn, Dag, Erling, Ivar Andrè, Johnny, Kjell N, Kjell Ø, Magne, Oddvin, Ola V, Runar (??), Rune, Svein Arne, Svein Å, Vidar H. (??) og Aase-Britt.  Vi har her gleda av å ynskje 2 nye gubbetrimmarar velkomne:  Runar Sundal og Vidar Halland.  Som ein vil sjå på resultata av testløpet, er dette gode løparar.

Treninga:  Det varsla testløpet vart proklamert som dagens økt.  Ein lettare «skremd» forsamling sleit eg innover sørsida til Hammarsbakken og starten på 2000m.  Medvinden var sterk, så det gjekk fort unna nedatt mot Gjesdal Skule.  Så godt som alle «toppløparane» var på plass og Ivar-Andrè var først frå start til mål.  Tida på 6.43 er ein fin framgang for han.  Elles var det mange andre som fekk gode tider.  Det spørs om vi klarar å kopiere dette i mars?    Når det gjeld resultata finn du desse under knappen «testløp» på startsida her på bloggen.  God lesnad!

Ver og føre:  Det var 5 +grader og voldsom vind frå aust.  Tørr og fin asfalt.

—————–

24.01.2009:

For 3. gong i år stillte 17 trimmarar til start denne litt småsure laurdagskvelden.  Desse var:  Anders, Asbjørn, Dag, Erling, Johnny,  Leif, Magne, Oddvin, Ola V, Reidar, Roald, Runar, Rune, Svein Arne, Svein Å, Turid og Aase-Britt.

Treninga:  Etter ein lett tur i medvinden ned til Hallvard Flatabø vart det kommandert 6x500m intervall.  Pausane vart ca. 2min.  Johnny var einsam i teten heilt til siste då Magne kom i stor fart og var først i mål.  Runar viser styrke og mot og låg godt framme heile vegen – 1. draget følgde han nesten teten.  Magne og Asbjørn duellèrer om 2.plass på dei fleste draga.

Ver og føre:  Sur austavind – ca. 2 grader.  Fint føre på grusvegen

————————-

31.01.2009:

Siste dagen i januar stillte «kun» 12 til dyst.  Sjølv om mange av dei faste mangla, kunne vi nok ein gong ynskje ein ny gubbetrimmar velkommen:  Jan Sunde heiter han, og har ei karriere som stafettløpar på gutelag og seniorlag for mange år sidan.  Her er gjengen i dag:  Asbjørn, Dag, Erling, Jan, Johnny,  Leif, Magne, Oddvin, Ola V, Roald, Svein Arne, og Aase-Britt.
Treninga:  For første gong på lenge var det vindstille, så vi tok oss ein tur inn på Stampesletta der vi gjennomførte ein solid dose intervallar…. Høyr berre her:  2×200,2×300,2×400,500,400,300,200.  Det tok si tid, men dei fleste fullførte alle.  Jan imponerte med total mangel på «respekt» for eldre folk og la seg heilt i tet dei første draga.  Dette kosta, så plassifferet vart litt dårlegare etterkvart.  Uansett:  Her har vi ein god mann!  Eit par av gubbane måtte roe litt ned grunna diverse «skavankar» i rygg og leggar, men sånn er det.

Ver og føre:  Vindstille, snøfritt, ca. 2 minus og flotte forhold.  Det var lyst nesten heile økta…

—————

07.02.2009:

Sakte men sikkert et vi oss utover vinteren.  I dag var det vinterleg, men likevel møtte 14 stk. til dyst:  Asbjørn, Dag, Erling, Ivar Andrè, Jan, Kjell N, Magne, Oddvin, Ola V, Rune, Svein, Svein-Arne, Turid og Åsmund.

Treninga:  Det vart kommandert 6x500m med gode pausar.  Grunna kulden fann ein ut at det måtte køyrast roleg.  Likevel vart det duell i teten der Ivar og Kjell gjorde opp med føstenemnde som regel først…

Ver og føre:  Ca. 8-grader og godt feste.

————————-

14.02.2009:

Vi er midt i tyngste vinteren med snø og kuldegrader…  Men, trening må ein ha – fann desse ut i dag: Anders, Asbjørn, Jan, Johnny,  Kjell N, Leif, Magne, Oddvin, Ola V, Reidar, Roald, Svein Arne, Svein Å, og Aase-Britt.  Det var altså 14 stk. det….
Treninga:  Snøføre til trass – her skulle det springast 1000m intervallar.  Sjefstrenaren stessa med korte pausar og start kvart 5.min.  4 stk. vart gjennomført og Kjell held koken dar framme..  Johnny og Magne på dei neste plassane med unntak av den siste der dei bytte plass.   Farten låg på 3.45-3.55 som må vere godkjent på dette føret.

Ver og føre:  -5 grader vindstille og lett snødrev.  Snøføre – men det gjekk å springe i dette tempoet iallefall.

——————

21.02.2009:

Frammøte i dag var prima – 16 stk.  Desse var:   Asbjørn, Dag, Erling, Ivar Andre, Jan, Johnny, Magne, Oddvin, Ola H, Ola V, Reidar, Roald, Runar, Rune, Svein Arne og Svein Å.

Treninga:  Sjefstrenaren har lova testløp kvar månad no, så dermed vart det ei sånn øving i dag.  Jubelen var begrensa då 3000m testløp vart proklamert.  Men, alle gjekk trøstig til verket og alle fullførte.  Roald (som er småskada) og Erling fekk lov å springe 2000m.  Sjå knappen «testløp» for resultat.  Som vanleg var stemning betydeleg løfta når vi rusla og jogga heimover.

Ver og føre: Vindstille, + 3 grader og lett regn.  Fint å springe, og no er det lyst heile økta.

————————————

28.02.2009:

I tett snødrev møtte 13 gubbar til sin gode dose trening før helga set inn.  Her er namna:  Asbjørn,  Erling, Ivar Andre, Johnny, Leif, Oddvin, Ola V, Reidar, Roald, Rune, Svein Arne, Svein Å og Aase-Britt.

Treninga:  Som sagt – snøen lava ned så det var vanskeleg å finne godt springeføre.  Men på vegen frå Gjesdalsbrua og oppover mot Hålanden var det faktisk ganske bra.  7x300m drag vart det, og i dag var det fleire som tok skikkeleg i.  Ivar var først heile vegen med Johnny som ein god nr.2.  Men, plutseleg kom Oddvin og synte sitt «sanne jeg» og kapra 2.plassen på eit av draga.  Elles var han godt framme heile vegen.  Det same var Reidar, Asbjørn og Leif.  Bra!!!

Ver og føre:  Ca. 0 grader, vindstille og snødrev.  Vi drøymer om vår og sommar, men har det bra!

————————

07.03.2009:

I dag var det ein del nytt å ta fatt i:  For det første møtte Roald og Sverre på sykkel.  Skrale hofter er årsaka men det er sjølvsagt godkjent frammøte.  I tillegg ser vi, gledeleg nok, igjen gamle gubbetrimmarar som gjer sin årsdebut:  Arne Håheim og Trond Gjesdal.  Det gjer godt hos oss veteranane å sjå ungdommar på plass…  Uansett i dag var vi 16 stk:  Arne, Asbjørn,  Erling, Johnny, Leif, Magne, Oddvin, Ola V, Roald, Runar, Rune, Svein Arne, Svein Å, Sverre og Trond.

Treninga:  8x300m var økta.   Den fann stad på gangvegen nedanfor Bøafeltet.   Første daget var Svein Å først (!!) og siste draget var Magne først.  Elles var Johnny åleine dar framme.  Ser er ein bakover er Jan og Runar godt framme, kanskje fleire….

Ver og føre:  C.a 5 grader og opphald.  Fint føre, men litt vind.

—————————-

14.03.2009:

Medan sjefstrenaren var på Voss, tok som vanleg assisterande Rune seg av gjengen med myndig hand.  Dei som var til stades var: Asbjørn,  Dag, Erling, Jan, Leif, Magne, Oddvin, Ola V, Roald, Rune, Svein Arne, Sverre, Trond og Turid.
Treninga:  Ved Gjesdal Skule vart det beordra 14x200m med korte pausar.  Og slik vart det.  Det vert rapportert om lite prat mellom draga, og dermed skulle det meste vere sagt om den saken.  Jan var først på alle draga med Magne rett bak.  På dei to siste vart rollane bytta om, då Magne som vanleg kom i stor fart.  Asbjørn og Trond var også natige og låg godt framme.
Ver og føre:  Det var vårver i dag.  Sol og flott å vere ute.

————————-

21.03.2009:

15 stk. på plass i dag, og det er bra.  Her er namna: Anders, Asbjørn, Dag, Erling, Ivar-Andrè, Jan, Johnny, Kjell N, Magne, Oddvin, Ola H, Reidar, Rune, Svein Arne og Trond..  Mange venta testløp, men sidan Roald ikkje var her, vart det like godt utsett (!!!).  Elles så føregår det ein mølletest for tida….
Treninga:  På grusvegen ved Jostein Øvrebø var det fint å vere.  Mjukt og godt for beina, vindstille og flott.  Her gjennomførte alle 5x400m intervall.  Pausane var på 2,5min så her var det høve til å gje gass.  Det gjorde mange, og mange av dei fekk smake på mjølkesyra – noko som også var planen.  Ivar-Andrè var først på alle draga, men måtte ta i for å halde plassen.  Kjell var stort sett nr. 2, men på siste draget vart det masse «rot» i rekkene, då både Magne og Jan ville vere først.  Ei litt uvandt økt, som nok gjorde godt.

Ver og føre:  4 + grader, vindstille og overskya.  Ein grei ettermiddag å bruke til trening.

——————-

28.03.2009

I dag var talet 14 stk.  Desse var:  Anders, Asbjørn, Dag, Ivar-Andrè, Johnny, Kjell N, Leif, Magne, Ola H, Ola V, Reidar, Roald, Svein Arne og Sverre (sykkel).  Med andre ord eit bra tal igjen.

Treninga:  Vi har lagt vår elsk på grusvegen på Bakkeslåttene.  Her er det fint underlag.  Følgande intervall-serie vart køyrt:  200-400-600-800-600-400-200. Pausar frå 1-2,5min.  Reidar (!!) tok første og siste drag.  Elles var Ivar i har fight med Kjell i dag og måtte sjå han føre seg minst ein gong.  Elles er det mykje skvankar i gjengen no, og det uroar sjefstrenaren litt.  Både Anders, Roald, Ola H og Johnny gjekk meir enn dei sprang.

Ver og føre:  Ca. 3+ grader, vindstille og fine forhold.  Vi ser likevel fram til våren.

———————-

04.04.2009:

Det er påsketid og veret var fantastisk.  Mange hadde vore på skitur og dermed fått nok trening, men likevel kom det 10 stk..  Desse var:  Anders, Asbjørn, Jens-Ole, Leif, Magne, Oddvin, Ola V, Reidar, Svein Arne og Aase-Britt.  Kjekt å sjå Jens-Ole på plass.  Det betyr at stafett-sesongen nærmar seg.  Elles må nemnast at Magne i dag vart den 10. gubbetrimmaren som er bestefar.  (Og vi har ikkje gløymt besta Turid – som er nr.11).

Treninga:  Både sjef og ass.sjefstrenar var ikkje til stades, men det vart trena for det.  4x500m på Bakkeslåttene var dagens meny.   Jens Ole var først og Magne nr.2.  Etter det ein har høyrt gjekk det fortare og fortare utover.

Ver og føre:  ca. 10 grader lettskya og vår i luften.  Lekkert!!!

——————–

11.04.2009:

Frammøtet i dag var spinkelt.  Forståeleg nok – påskeafta som det er.  Det var kun Johnny, Magne og Rune som var på plass.

Eg tok turen innover sørsida, og i området Stampesletta vart det spunge 500-400-300-200m med gode pausar.  Sjefstrenaren, som for tida slit med leggstrekk, var ikkje med på anna enn oppvarminga og nedjoggen.  Her er ca. tider:  Magne: 1.36-1.15-54-32.  Rune: 1.51-1.26-1.04-40.

Ver og føre:  Det var ca. 8 grader og vind frå aust. Gode forhold med andre ord og våren er no kommen.

—————————–

18.04.2009:

Frammøtet er tilbake til god gammal standard – og vel så det.  I dag var det 17 stk. på plass: Anders, Dag, Erling, Frida, Ivar-Andrè(små-skada), Jan, Johnny(sykkel), Kjell N, Kjell Ø, Magne, Oddvin, Ola V, Roald, Rune, Svein, Svein-Arne og Turid.  Litt skadetrøbbel i gruppa er det.  Asbjørn er dessverre ute for minst 6 veker, noko som er veldig synd.  Heldigvis ser det ut som at Roald er tilbake etter langvarig hoftetrøbbel.  Elles er sjefstrenaren ikkje springbar på 3.veka…

Treninga:  I dag var det testløp på 500m.  Ein del «rust» i maskineriet og litt nøling i flokken, men alle kom igjennom.  Godkjent og vel så det for Ola V (1.52), Frida (1.37), Kjell N (1.24), Magne (1.25), Jan(1.25) og Svein-Arne (1.40).  Dei andre har endå litt å gå på…   For fullstendig resultatliste sjå under knappen «testløp».

Ver og føre:  + 10 grader østavind og fine forhold.

—————————

25.04.2009:

I flott vårver møttes gubbane til trening.  Nokre tykte det var finare med regn og vind, men det trur eg ikkje dei meinte…  Desse var på plass:  Anders, Dag, Erling, Ivar Andre (sykkel), Johnny(sykkel), Kjell Ø, Magne, Leif, Ola V, Reidar, Roald, Rune, Svein, Svein-Arne og Turid.  Då vart det 15 stk.  Bra!
Treninga:  Golfvegen vart besøkt for første gong i år.  Alltid like kjekt å komme der.  3x2min drag med gode pausar var dagen økt.  Kjell var suverèn og kom rundt golfrunden på 5.50.  Det er bra.  Elles er rapportert om at Leif, Roald og Reidar var «kvasse» idag – truleg våryre….der dei kjempa om andreplassen i feltet.  I morgon er det Oldenstafett og Gubbetrimmen stiller 4 av 5 mann på veteranlaget.  Heia oss!
Ver og føre:  Ca. 15 + grader, sol og flott.  I dag var det neste sommarleg!

—————-

02.05.2009:

Så var vi komne i mai månad og vi er for fullt inne stafettesesongen.  Så kan vi ynskje velkommen ein ny medlem i Gubbetrimmen:  Gry Vågane.  Velkommmen skal du vere og håpar at du finn deg til rette her!  Her er dei 12 som var her i dag:  Anders, Dag, Erling, Gry, Johnny(endeleg løpar igjen), Magne, Oddvin, Ola V, Roald, Rune, Svein-Arne og Turid.

Treninga:  I morgon skal heile 9 gubbar springe Breimstafett så dermed vart treninga i dag litt prega av det.  Rundt golfvegen køyrde vi 4x1min + 1×1,5min drag.  Pause 1min.  Med unntak av den siste, skulle det gå høveleg føre seg, og det gjorde til at opptil fleire «dar bak» brått var langt framme.  Flott!

Ver og føre:  Ca. 10 grader – lettskya og fine forhold.

——————————–

09.05.2009:

Sesongens store dag for mange – Holmenkollstafetten var i dag.  Vi var i år representerte med følgande gubbar i Oslo: Dag, Ivar Andre, Jan, Johnny, Kjell N, Magne, og Reidar.  Opptil fleire sprang 2 etappar og alle hadde ei fin helg i byen…  Heime skjøtta følgande treninga:  Erling, Roald, Rune, Sverre og Turid.  Det er kun desse 5 som får teljande frammøte på avkryssingslista.

————————

16.05.2009:

Tilbake til kvardagen..Det er sommar og fint å vere ute. Det var eit greitt frammøte då 12 stk. møtte til dyst: Anders, Dag, Gry, Ivar Andre, Johnny, Kjell N, Magne, Oddvin, Ola V, Rune, Svein-Arne og Turid.

Treninga:  Vi søkte som vanleg til Golfvegen og dei fine vegane der.  I dag køyrde vi 4x2min intervall (Pause ca. 2min).  Kjell N åpna knallhardt og kom lenger enn nokon gong på første drag.   På det andre var han også først, men no hadde Ivar-A vakna og på dei 2 siste var han først.  Bakover gjekk det høveleg føre seg heilt til siste draget, då både Magne og Dag gjekk forbi Johnny i siste bakken.  Puh!!!

Ver og føre:  Sol – 16 grader og vindstille.  Vi snakkar om sommar!

———————

23.05.2009:
Flott ver betyr i vår gruppe mindre frammøte.. Så også i dag.  «Kun» 10 stk. på plass:  Anders, Ivar Andre, Johnny, Kjell N, Magne, Oddvin, Ola V, Roald, Rune og Svein Å.

Treninga:  Golfvegen igjen… her likar vi oss.  I dag var det pyramide:  1-2-3-2-1min intervallar.  (Pausane ca. 1,5-2min).  Det går fort i teten der i dag Ivar regjerte… Faktum er at vi kom lenger enn vi vel nokon gong har gjort på 9min.  Kjell var ein god nr. 2 med Johnny og Magne deretter.  Det må nemnast at i morgon er det Naustdalsstafetten der Ola V, IVar A og Svein Å er våre representantar.  Lukke til dei..

Ver og føre:  Som sist flott ver og fint å vere ute.

———————-

30.05.2009:

«Sumaren er komen, og graset er grønt… Løvetannen blomstrar og livet er skjønt…».  Ja,  i dag hadde vi årets første sommardag.  Dette til trass – frammøtet var veldig godt i dag.  Heile 16 stk. på plass.  Her er namna: Anders, Dag, Erlend, Gry, Ivar Andre, Johnny, Kjell Ø, Magne, Oddvin, Ola H, Ola V, Roald, Rune, Svein-Arne, Sveinung og Turid.  Kjekt å sjå brødrene Lien tilbake etter langt fråver…

Ass sjefstrenar Rune skulle vere sjef i dag, men her var fleire som ville vere sjef.   Både Roald og til slutt Kjell Ø hadde forslag til gode økter, og det enda til slutt med ein heilt ny variant.   4 x 2,5min motbakkedrag i lysløypa vart sprunge.  Her køyrde Klell Ø og Ivar A litt lengre enn dei andre, men det vert rapportert at det var meir enn hardt nok for alle.

Ver og føre:  Det er berre lekkert.  Sommar og over 20 grader og sol.  Supert.

———————-

06.06.2009:

Til trass for at fleire faste mangla var det heile 19 stk. på plass.  Meget bra!!!  Desse var: Dag, Erlend, Erling, Frida, Gry, Ivar Andre, Jan, Kjell N, Kjell Ø, Leif, Magne, Oddvin, Ola V, Roald, Rune, Svein, Svein-Arne, Sverre (sykkel) og Turid.

Treninga:  På grusvegen på Bakkeslåttene vart det gjennomført 12x200m (start pr. 1.35).  Etter det rapportane seier gjekk det hardt føre seg i teten, der eg vil tru at Kjell`ane + Ivar heldt seg.  Og kjenner ein Magne rett vann han siste draget…

Ver og føre: Til trass for nordaver siste dagane er det lunt og fint her, så dette var heilt ok.

———————–

13.06.2009:

Det svingar med frammøtet.  I dag var det heller svakt til oss å vere.  9 stk.   Desse var:  Anders (sykkel), Dag, Erling, Jan, Johnny, Kjell N, Magne, Reidar, Rune og Sveinung.

Treninga:  I dag fekk mange av oss helse på ein gammal «kjenning»…Mjølkesyra.  Jepp, her vart trena tempo!  Sjefstrenaren ville finne ut korleis det stod til både med seg sjølv og med andre.  3x400m med 5-6 min pause.  Tidene i tet var 66-66-67.  Johnny var først på alle med Kjell like bak.  Det var hard og ikkje minst uvant kost, men det gjer nok godt skal ein sjå.

Ver og føre:  13 grader vinstille og ein fin jølsterdag.

————————-

20.06.2009:

Så var eit nytt halvår i Gubbetrimmens historie…ja nettopp… historie!  Vi kan sjå bak oss eit halvår med historisk godt frammøte.  Snittet for året er 13.5 personar på trening.  På det meste har vi vore 19 stk (6.juni) og på det minste 3 stk. (11.april).  Vi har vore aktive i stafettar og på terrengløp.  Jaudå det står til liv!  I dag var det sommaravslutning, og tradisjonen tru grillselskap på Juklestad Brygge.  12 stk. var på plass i dag:  Anders (sykkel), Asbjørn (sykkel – kjekt å sjå deg….) Ivar Andre, Johnny, Kjell N, Magne, Oddvin, Ola V, Roald, Rune, Svein-Arne og Turid.   I tillegg kom Magnus Hope (leiar Jølster IL og gubbetrim-kandidat) innom.  Og til slutt – men ikkje minst: kom vår einaste sponsor Ivar A. på visitt.  Eit retteleg triveleg lag vart det med god mat, drikke og prat.

Trening: Jaudå… vi trena litt også.  Ein 1/2 times tur rundt Gjesdalen ++ vart gjennomført av dei fleste.  Lett økt som seg hør og bør.

Ver og føre:  Det var ca. 14 grader litt sur vind på brygga.  Sommaren let vente på seg.

Med det takk for dette halvåret.  Vi møtest igjen rundt skulestart.

——————————

22.08.2009:

Vi er i gong med ny sesong.  Det vil gjere oss godt!  I dag stod 9 spente trimmarar klar ved Grønfur Garage kl.17:00:  Anders, Gry, Kjell N, Ola, Oddvin, Roald, Svein Arne, Svein Å og Turid.  Ikkje all verdens mange, men folk kjem nok sigande etter kvart.

Treninga:  I dag var verken sjefstrenar og ass. sjefstrenar til stades.  Dermed måtte vi pusse støv av eit møtevedtak frå siste årsmøte.  Her står det at Svein Arne er 3.trenar.  Ser man det – eit val til nytte!!!  Litt knirkande flytta dei frammøtte seg mot Bakkeslåttene – nærmare bestemt motbakken ved Hallvard Flatabø.  6x300m bakkeintervall med gang og jogg tilbake.   Kjell N, som har slite med skade i heile sommar, tok som venta teten og ingen trua han der.  Men, etter 4 drag sa det «stopp» – og det var berre å rusle heimatt.  Skaden er tilbake – dessverre.  Dermed måtte Svein Arne vise ansvar og gjennomførte eit solid 5. drag.  Då var det slutt også for han, her meir av kapasitetsmessige årsaker.  På siste draget var Svein Å og Oddvin først, men dei lenger bak klaga over at dei denne gongen måtte springe mykje lenger!!!

Ver og føre:  Overskya ca. 16 grader og fine forhold.

—————————

29.08.2009:

Endå er ikkje frammøtet som vi er vande med…»Kun» 9 stk. i dag og, men dei fleste av desse var sesongdebutantar, så då så.  Dei frammøtte var:  Asbjørn (sykkel), Dag, Gry, Ivar-Andre, Johnny, Ola V, Oddvin, Svein Arne og Sverre (sykkel).

Treninga:  Golfvegen skulle testast i dag, og 7 x 1min drag var økta.  Johnny, tilbakevendt medaljevinnar frå veteran-NM, var lett på foten og tok teten.  Men, ein sår akilles etter forrige helg viste seg fort å sette ein effektiv stoppar for dette, så på 4 draget var det berre å gje seg…  Dermed var Ivar der framme åleine, og det vart slik resten av økta, sjølv om Dag livna til på slutten og tok ein sikker 2.plass.

Ver og føre:  ca. 12 grader og regn.  Ein grå dag, men til å springe i, var veret meir enn godt nok.

———————————————-

05.09.2009:

Det kjem seg… I dag var vi 14 stk. og endå er fleire av dei faste opptekne, skada eller begge delar..  Her er dagens gubbar:  Anders, Asbjørn (sykkel), Dag, Erling, Gry, Magne, Oddvin, Ola H, Ola V,  Rune, Svein Arne, Sverre (sykkel), Turid og  Åse Britt.

Treninga:  I dag var Rune sjef og det betyr hardtrening og korte pausar mellom intervallane.    Så også i dag.  På Bakkeslåttene var det 12x200m som var økta.  Som sagt – her var korte pausar, så dei fleste fekk meir enn nok.   Magne, som har vore sykkelist i heile sommar, tok like godt teten i gruppa.  Dag og Svein Arne var dei einaste som trua han.

Ver og føre:  Flott ver og gode forhold for trening.  Ca. 15-16 grader og alt vel.

——————————

12.09.2009:

Ja, kva skal vi seie om denne dagen.  Mange av gubbane hadde fått permisjon for å delta eller arrangere Trekktrasèen Opp.  Likevel møtte det 6 stk ved garasjen:  Asbjørn (sykkel), Ivar A, Johnny(sykkel), Magne, Leif og Oddvin.

Treninga:  På Golfvegen vart det sprunge 4 x 2min intervallar.  Som venta var Ivar først, men Magne var nærmare enn ein skulle ha trudd.

Ver og føre:  Det var høveleg treningsver med ca. 14 grader og opphaldsver (for ein gongs skuld).

————————–

19.09.2009:

I dag møtte det 11 stk.  Mange hadde sin sesongdebut med oss.  Her er namna:  Dag, Frida, Ivar A, Jan, Kjell Ø,  Leif, Magne, Roald, Svein Arne, Sverre (sykkel) og Turid.

Treninga:  Igjen var det golfvegen som var arena.  8 x 1min drag.  Det vart god fart der Kjell var først på alle draga med Ivar stort sett som nr. 2.  Men Jan imponerte med å kapre 2.plassen på nest-siste draget.

Ver og føre:  Ein fin dag med ca. 15 grader og vinstille.

————————-

26.09.2009:

På nok ein regntung dag møtte 10 stk. til treninga.  Endå er ein del av oss «over alle haugar», eller småskada så vi er ikkje på fjorårets nivå endå.    Her er namna:  Dag,  Erling, Johnny,  Leif, Ola H, Ola V, Roald, Svein Arne, Svein Arne og Sverre.

Først av alt:  Den store duellen mellom Sverre og Roald vart endeleg gjennomført i dag.  Kva det går ut på:  Jau, på eit hageselskap hos Roald i fjor sommar vart det diskutert kor mange meter Roald måtte ha før han tek igjen Sverre.  Vi enda på 300m og det skulle altså testast i dag.  Som venta gjekk Sverre knallhardt ut og fekk mange meter på Roald allereie etter 100m.  Også som venta vart mjølkesyra meir og meir påtrengande hos Sverre, medan Roald gampa i veg som før.  Sverre kriga seg inn, stiv som ein stokk, men først var han.  Juryen (Rune) anslo avstanden til 10m.   Dermed var det gjort, men spørsmålet er framleis uavklart:  «Kor mange meter må det vere før Roald tek igjen Sverre?».  Truleg må dei ut i ny duell til våren – då 350m….

Så var det oss andre.  Vi fann oss ein motbakke på ca. 300m ved Vasseden Skule og sprang opp den 5 gonger.  Svein-Arne demonstrerte strikkmotor og vann dei 2 første, så var Dag først, og til slutt kom Leif og var ganske suverèn på dei siste 2.  Sjefstrenaren, som er delvis, kunne denne gongen bivåne dei heile frå baktroppen, og registerer at her er mykje arbeid å gjere for å komme opp på vårt beste.  Men, det skal vi klare…Yes!!!..

Ver og føre:  Ca. 10 grader regn, men vindstille.  Det gjekk fint når ein først er kommen seg ut.

——————————-

03.10.2009:

I dag svinga det verkeleg av både frammøte og trening.  For det første var det rekordframmøte i haust: 17 stk. var på plass!  Desse var: Anders, Asbjørn (sykkel), Dag, Frida, Gry, Ivar Andre, Kjell Ø, Jan, Johnny, Leif, Ola H, Roald, Rune, Svein Arne, Sverre (sykkel), Turid og  Åse Britt.    Når vi veit at vi har 5-6 løparar i tillegg som er klar til å stille på, kan det bli folksomt ved garasjen etterkvart.  Det skal også nemnast at ein flott reinsbukk venta på oss ved golfvegen, men etter å ha studert forsamling, nok vurderte oss som lite attraktive både sånn og sånn…

Treninga:  Det vart Golfrunde i dag og.  5x2min intervall.  Pausane vart gode 2 min.  Kjell Ø sette opp stor fart, med Ivar A og Jan halsande bak.   Det vart rekordløp av Kjell.  Aldri har vi komme så langt!  Elles så impnerer Jan og dokumenterer god form.  Frida er også betre enn nokon gong, no oppe mellom dei 5-6 beste på intervallane.    Det vart som venta god strekk i feltet, men alle fekk godt høve til å ta seg ut.

Ver og føre:  Forbausande nok var det opphaldsver og vindstille.  Ca. 8 grader og heilt ok.

———————-

10.10.2009:

Tilbakegang på frammøtet i dag, men dei som kom var absolutt gode løparar.  Her er namna:  Anders, Dag, Erling, Johnny, Leif, Magne, Oddvin, Rune, Svein Arne og Svein Å.

Treninga:  Det er om å gjere å nytte golfvegen så lenge vi har dagslys, så også i dag.  Det vart kommandert pyramide-intervall:  1-2-3-2-1 min.  Pausane vart frå 1 – 2 min.    Magne, som har lege i treningsleir (elgjakt) i Hallingdal, tok teten med det same.  Leif og Johnny følgde sånn nokolunde med.  På lengste draget om Johnny opp i tet for første gong denne hausten.  Han var også først på siste draget, men då pressa Dag han hardt.  Etterpå var alle einige om at dette hadde gjort øye godt.

Ver og føre:  Opphaldsver (!!!), vindstille og ca. 3 + grader.  Flott å vere ute.

——————————

17.10.2009:

Frammøtet er igjen som det bør vere.  I dag 15 stk.  Her er namna:  Anders, Asbjørn (sykkel), Erling, Gry, Ivar Andre, Kjell Ø, Jan, Leif, Magne, Oddvin, Ola H, Roald, Rune, Svein Arne og  Åse Britt.  Det var litt usikkerheit om Asbjørn sitt frammøte kunne telje med.  Han hadde nemleg kryssa før kl.17.00 og var ikkje å sjå verken før eller etter treninga.  Kva vedtok vi eigentleg den gongen vi avklarte dette med frammøte/oppmøte?  Er oppmøte lik frammøte også utanom kl.17:00?  Heilt klart ei avklaring som må gjerast på kommande styremøte.

Så over til treninga:  Det vart ei hard økt, som vanleg når assisterande var sjef.  8 x bakkeintervall v.Halvard Flatabø.  Som venta var Kjell Ø i tet og som som venta var Ivar nær, men det er hyggeleg å registrere at både Jan og Magne yppa seg dar framme.

Ver og føre:  Ein vakker dag i Jølster.  Sol, vindstille og ca. 6 grader.  Verkeleg ein dag vi fortener.

—————————-

24.10.2009:

I dag vart det ein historisk dag i gubbetrimmens historie.. (Les lenger bak).  Ei anna gledeleg sak er at Asbjørn var tilbake i joggeskoa etter lang tids rekonvalesent.  Det var 12 stk på plass i dag:  Anders, Asbjørn, Dag, Erling, Gry, Leif, Oddvin, Ola H, Ola V, Roald, Rune og  Svein Arne.

Treninga:  I dag var det intervalltrening.  600m frå bakken ved Jølvassbu og ut på brua over Lergrovbakkegrova vart sprunge 5 gonger – 3 i motbakke og 2 i unnabakke.  Så til det historiske:  For første gong var ei dame først på ein intervall i Gubbetrimmen!!!!   Og ikkje berre ein, men fleire gonger var Gry først.  Elles var Leif, Roald og Dag der framme også.  Og Asbjørn imponerte med å fullføre langt framme i feltet, etter sitt første oppmøte som løpar på lange tider.

Ver og føre:  Nok ein flott haustdag med 9 grader og vinstille.  Sånn likar vi det!

———————————-

31.10.2009:

Medan sjefstrenaren rek land og strand rundt og ikkje innfinn seg ved avkryssingslista laurdag kl. 17, har vi heldigvis ein ass.sjefstrenar som gjer jobben og vel så det.  I dag var ein dag der den harde kjerne var på plass:  Anders, Asbjørn, Dag, Erling, Gry, Leif, Magne, Oddvin, Ola V, Roald, Rune, Svein Arne og Aase-Britt.  Dermed hadde Rune 13 stk. å passe på.

Treninga:  I dag vart det prøvd ei ny oppvamingsøkt.  Folket kunne gjere «som dei ville», men måtte møte på Gjesdalsbrua 15min seinare.  Dette vart sett pris på og alle var varme «i pelsen» når det var på plass på brua.    Det skulle springast ein runde på ca. 900m frå brua gjennom Jølvassbu Camping og tilbake.  Dette vart gjort 3 gonger, men det var gjeve dispensasjon for at enkelte kunne snu litt før, og det gjorde dei.  Rune var ikkje sikker, men vi fann ut at Magne truleg var først med Gry og Roald langt framme.    Trenaren hausta elles lovord frå Erling om den korte heimturen.

Ver og føre:  Her har referenten gløymt å spørje, men eg trur det var bra.  Uansett så var det mørkt – vi er komne på vintertid må vite.

————————–

07.11.2009:

Ein god dag for vår organisasjon.  Kvifor det?  Jau, pga det gode frammøtet…  Det er trass alt det som betyr noko hos oss.  Det var i dag 16 stk på plass og dermed det nest-beste i haust.  Her er namna:  Asbjørn, Dag, Erling, Gry, Ivar Andrè,  Jan, Johnny, Leif, Magne, Oddvin, Ola H, Ola V, Roald, Rune, Svein og Svein Arne.

Om det var eit markeringsbehov etter eit langt fråver som sjefstrenar eller ikkje, skal vere usagt, men testløp vart kommandert…  Men, det er godt å sjå at slikt ikkje set folket ut lenger.  Dei gjekk til verket med krum nakke og jogga innover til Hammarsbakken for sin 2000m.  Nær sagt som vanleg var det medvind i dag også, så tidene vart gode for fleire.  Nokre hadde diverse unnskyldningar for kvifor dei ikkje tok i, men det skal dei få mange høve til å ta igjen seinare i vinter.   Skal ein vurdere dette, er det vel Jan og Gry som imponerer mest.   Elles er det betryggande å registrere at både Johnny og Asbjørn synes å ha klart å halde formen trass i lengre skadefråver.  Ola V (10år) gjer også ein god prestasjon.  Leif har sin debut som 2000m-løpar og gjer det bra.  For å sjå resultata klikkar du deg inn på knappen «testløp» i hovedmenyen.

Ver og føre:  Det er eit fantastisk ver for tida.  Ca. 6 grader og austavind.

——————————–

14.11.2009:

Godt oppmøte i dag og.  Finn dukka opp etter lang tids fråver, og det var kjekt.  Måtte vi sjå han ofte…  Dei som var her:  Asbjørn, Erling,  Finn, Jan, Johnny, Leif, Magne, Oddvin, Ola H, Ola V, Roald, Rune, Svein Arne og Aase-Britt.  Det blir 14 stk. det.

Treninga:  Det var vårtemperatur og nærmast teleløysing, så det var verkeleg skånsomt for beina å springe på grusvegen på sørsida av Jølstra.  I dag var det motbakkeintervall frå løa i Bjørkelia og opptil svingen ved skihytta.  Ca. 350m som vart sprunge 4 gonger.  Første drag «fekk» Johnny vinne, slik at dei andre skulle vite kor langt ein skulle.  Deretter var først Finn, så Magne og til slutt Jan først, men dei 4 i tet var dei desse på alle draga.    Tung økt, men det treng vi.

Ver og føre:  12 grader (!!!) og austavind.  Vi er i november så dette er uvanleg.

—————————

21.11.2009:

Ein god dag for Gubbetrimmen…. Flott frammøte med heile 17 stk. på plass.  Her er namna:  Asbjørn, Dag, Erlend, Erling,  Finn, Ivar,  Johnny, Kjell N, Leif, Oddvin, Ola H, Ola V, Roald, Rune, Svein Arne og Aase-Britt.  Godt å sjå Kjell tilbake etter 5 månaders skadeperiode.  Erlend er også på plass etter langt avbrot.  Håpar vi ser deg oftare framover…

Treninga:  Flott løpsver, så ein tok kursen mot Stampesletta.  Her var følgande intervall-økt gjennomført:  2×200, 2×300, 2×400, 2×300, 2×200.  Pausar 1-1.5min.  Det gjekk bra unna i teten, der Ivar og Johnny stort sett delte på førsteplassane.  Finn var rett nok opp og yppa seg på den eine 400meteren, men det kosta…  Elles kom alle igjennom økta utan mèn.

Ver og føre:  6 grader, vindstille og flott å springe.

—————————–

28.11.2009:

Etter eit oppløftande styremøte førre laurdag, var ein liksom tilbake til kvardagen i dag.  Frammøtet var 12 stk, noko som er sånn på snittet.  Desse var:  Anders, Dag, Erling, Jan, Johnny, Kjell N, Leif, Oddvin, Roald, Rune, Svein Arne og Sverre (sykkel).

Treninga:  Etter ein (kanskje) litt for kvass økt for leggar og andre muskelgrupper på asfalten førre laurdag, var det i dag godt å komme seg ut på grusvegen nedover langs Jølstra.   Det vart 6x300m bakkeintevall v/Halvar Flatabø for så å avslutte med  1 x 500m innover frå brua.  Med Ivar vekk og Kjell N under opptrening låg vegen åpen for Johnny. Og han var først på alle drag, men Jan var like i hælane heile tida, så han måtte ta i meir enn tenkt.  Bakover var Kjell N ein god nr.3, deretter var det eit stykke til neste mann.  Der trur eg Leif stort sett var først??

Ver og føre:  Lett regn og 1 +grad.  Ok kveld å springe.

————————-

05.12.2009:

I dag svinga det verkeleg i Gubbetrimmen.  18 stk. og rekordframmøte var supert, og det som var endå kjekkare var at fleire av dei som møtte gjorde «comeback» på ulike måtar.  Når vi så ser at 5-6 av dei faste ikkje var her i dag, er potensialet faktisk heile 25 stk.!!!  Vi kan ynskje velkommen ein nybegynnar hos oss: Karianne Øygard.  Velkommen til deg!   Dermed er vi representerte heilt ut til Naustdal….  Så kom Svein Boge – vår gamle storløpar og ein av veteranane i organisasjonen.  TIl slutt så var endeleg Reidar tilbake og hadde si første økt med oss i haust.  Her er namna:  Anders, Asbjørn, Dag,  Erling,  Finn, Ivar, Jan, Johnny, Karianne, Kjell Ø, Leif, Magne, Oddvin, Ola H, Reidar, Roald, Svein B  og Aase-Britt.

Treninga:  I sur austavind er det fint å gøyme seg vekk i skogane rundt Golfbana og Bjørkelia.  I dag var det igjen motbakken oppmot skihytta i Bjørkelia som var arena.  5x350m sugande motbakke.  Fleire gjekk hardt ut og fekk betale for det utover, men alle fullførte.  Kjell var først på dei 2 første draga, men så hadde Ivar fått «fyr på moteren» og var først på dei 3 siste.  Jan imponerer igjen, og kan no etterkvart kallast motbakkespesialist.  Elles var Finn og etterkvart Magne langt framme.

Ver og føre:  Som sagt austavind, men flotte forhold for vår idrett.  Ca. 5 + grader og lettskya.

———————————

12.12.2009:

Dette vert betre og betre!!!  I dag var vi 19 stk. på treninga, og dermed ny rekord i haust.  Desse var:  Anders, Asbjørn, Dag,  Frida, Gry, Ivar, Johnny, Karianne, Kjell N, Kjell Ø, Leif, Magne, Oddvin, Ola H, Ola V, Roald, Rune, Svein B  og Aase-Britt.   Kjekt at Frida var med igjen, og dermed dreg oppdameandelen. Det likar vi andre gubbane…

Treninga:  Sidan langt tilbake på 80-talet har vi hatt ein tradisjon i Gubbetrimmen:  Neste siste trening før jul skal det springast 20x200m intervall.  Jepp… intet mindre.   Og vi klarte det også i år!  Det vart ei tolmodigheitsprøve, og det var tendensar til køspringing, då vegen er smal på Bakkeslåttene, men vi sprang alle 20…  Sjefstrenar Johnny var i dag også sjef i feltet.  På 13 av draga var han først.  Elles var Kjell Ø og Ivar i tet, og som venta kom Magne som ei kanonkule siste draget og delte sigeren med Kjell  her. Skryt til alle for å springe 200m på siste draget!

Ver og føre:  Ca. 1 minusgrad og vindstille.  Ei fin kveld å trene ute.

————————

19.12.2009:

Årets siste økt og som vanleg siste laurdag før jul, hadde vi «julebord».   Det var mange som hadde tatt turen for å vere med – sjå berre her:  Anders, Asbjørn, Dag,  Erling, Finn, Gry,  Johnny,  Kjell N, Leif, Magne, Oddvin, Ola H, Roald, Rune, Svein B, Svein Å og Sverre.  Det vart 17 stk.

Treninga:  var i dag lett.  Kun ein tur rundt Gjesdalen + litt til.

Ver og føre:  Det er full vinter.  Snødrev og ca. 5 grader minus.

Hausten oppsummert.  Vi har hatt tidenes haust når det gjeld frammøtet.  14,56 pers har vore med i snitt.  Rekorden var forrige laurdag med 19 stk.   Det har vore 16 fellestreningar med tilsaman 233 frammøtte.  Det er mange kilokaloriar forbrendt det…  Svein Arne og Leif (!!!) hadde flest frammøte.

God jul og godt nyttår til alle!  Velkommen på plass igjen 2.januar.