Treningar 2007
13.januar 2007:
Økta var slik: Bakkeintervall i Gjesdalsvegen. 5 drag à 400m.
Ver og føre: Snøføre, men likevel bra feste. Ca. 0 gr. og stille.
—————————
20.januar 2007:
Økta var slik: Oppvarming til Bjørkelia. 5 x 2min motbakkedrag opp nye stølsvegen. Tung økt.
Ver og føre: -2 grader – litt glatt.
——————–
27.januar 2007:
Økta var slik: 3 x 1000m frå Halvar Flatabø og austover.
Ver og føre: -3 gr. og snø. Litt vanskeleg føre for springing.
—————–
3.februar 2007:
Økta var slik: 12x200m i Kjelsneset. Pause: 50-60 sek.
Ver og føre: + 2 gr lett regn og vindstille. Greie forhold sjølv om økta var uvant for beina.
————————–
10.februar 2007:
Økta var slik: Bakkeintervall i Gjesdalsvegen. 5 drag à 400m.
Ver og føre: Snøføre, delvis berr veg. Greitt føre. -10 gr. og stille.
—————————
17.februar 2007:
Økta var slik: 7x500m. Start kvart 3.minutt. God fart i tet (1.40-1.45).
Ver og føre: Berr veg. Lett regn og vindstille. +2 grader.
—————————
24. februar 2007:
Dette var dagens meny: Intervall 2000m-1500m-1000m-500m (Pause 2-1.5-1min). Kjell N i tet heile vegen med desse ca-tidene: 7.55-5.45-3.45-1.40
Ver og føre: 3-4 pluss grader og gode forhold. Litt vind frå aust.
—————————
3. mars 2007:
Slik var økta: Intervall 200-300-400-500-400-300-200.
Ver og føre: 3-4 + og fine forhold.
——————————-
10. mars 2007:
I dag var første økta med den type trening som skal gje oss formen til stafettsesongen. Framover blir det meir fart, færre repetisjonar og lengre pausar. Med andre ord: Meir gøy! Når våren er kommen, er vi klasse-løparar! Dagens meny var slik: 4x500m intervall på grusveg ved Jostein Øvrebø (2min pause).
Ver og føre: Hard vestavind og 3-4 pluss-grader. Elles greie forhold.
———————————-
17. mars 2007:
Overrumpla av vinterver og heller dårleg føre måtte det annonserte testløpet utsettast. Ingen protesterte(!!) På nybrøyta gangveg fekk vi likevel ei god økt. 5x550m intervall med joggepause tilbake. Kjell N. var først framme 3 gonger, Åsmund (!!) 1 gong og Johnny tok siste draget.
Ver og føre: Ca. 0 grader. Tett snødrev og vindstille. Ok feste likevel.
———————————–
24. mars 2007:
Våren er kommen, og fleire stillte utan lue og vottar. På sletta ved Jostein Øvrebø vart følgande program gjennomført: 7x300m (Pause 2min). Johnny var første på alle drag, medan 2.plassen vart fordelt på fleire.
Ver og føre: 7 grader vindstille og glimrande forhold.
——————————-
31.mars 2007:
Sjølv om både sjefstrenar og assisterande sjefstrenar var vekke, vart det tek solid grep om treninga. Følgande gode økt vart gjennomført på grusvegen ved Jostein Øvrebø: 8x200m (Start kvart 2. min)
Ver og føre: Sol, 10 grader og vindstille. Kan ein ha det betre?
——————————–
7.april 2007:
For å smake litt på mjølkesyra var det langspring som var menyen. 4 x 350m på vegen ved Jostein Øvrebø. Det vert rapportert om god fart og gode pausar.
——————————–
14.april 2007:
Ei ny fartsøkt vart gjennomført. Det var fleire som fekk besøk av mjølkesyra…3x600m med ca. 3min pause var dagens meny. Kjell Ø. markerte seg straks og var først på alle draga.
Ver og føre: Flott ver og god temperatur. Er våren kommen?
———————
20.april 2007:
Dagens meny var 10x200m med 1-1.5 min pause. Dermed vart det stor fart i feltet. Mange tok ordentleg i….. Kjell Ø var først på alle drag med unntak av første og siste. Merka oss elles at Svein Arne ER sprintar, han treng berre litt meir trening så held han heile vegen. Ver og føre: 7-8 grader og fint ver.
———————–
28.april 2007:
I dag var det testløp på 500m. Alle rapporterte om dårleg form, skrale bein og alt anna. Men, då starten gjekk, var dette tydelegvis gløymt. Her er resultata: Anders 1.32, Dag 1.33, Roald 1.34, Svein Arne 1.43, Rune 1.47. Åsmund og Astrid skal springe Oldenstafett i morgon, og hadde permisjon frå testen. Johnny var tidtakar. Ver og føre: 12-13.grader og sol. Årets flottaste dag for trening.
—————————–
5.mai 2007:
På grusbana i Bjørkelia vart det sprunge 6 x 80m «maxdrag». Menyen denne dagen var uvant, og for mange litt for «kvass», då lårstrekkane hogg til hos fleire.
——————————
12.mai 2007:
Her sitèrer eg «fru assisterande sjefstrenar»: Oppvarming ut lysløypa til grusbana. Deretter 2 stignings`, og 4 mjukbakkeløp øvre trace over bana. Fin trim; og skånsomt for svært skadeutsett muskulatur!!
———————————
19.mai 2007:
Dagens økt var 5x300m motbakkedrag ved Hallvard Flatabø. Magne var først til topps 3 gonger, Åsmund 1 gong og Johnny 1 gong. Ei grei økt som ikkje er så tøff med beina som det vi har helde på med der ute før i vår. Ver og føre: Vestvind, lett regn ca. 7 grader.
———————————
26. mai 2007:
På golfvegen vart ein gammal «klassikar» gjennomført – nemleg 2 min intervallar. 4 stk. i dag såg ut til å vere nok. Johnny først på dei tre første, medan den siste tok Magne heim. Astrid var tøff i dag og følgde teten på alle draga. Ver og føre: Vinteren vil ikkje heilt sleppe taket med nysnø ned til tregrensa og kun + 5 grader og lett regn.
————————–
2. juni 2007:
I strålande sommarver vart ei nok ei klassisk økt gjennomført på Golfvegen: 8 x 1min intervallar (Pause 1,5min). Kjell Ø var i form og var først på alle drag. Farten var stor, for aldri har vi komme så langt heimatt (like over kollen vest for H. Flatabø). Ver og føre: 18 grader, sol og vindstille. Perfekt!!!
—————————–
9.juni 2007:
Vi samla oss på Stampesletta til følgande økt. 200-300-400-500-400-300-200m. Pausar frå 1-2 minutt. Kjell Ø var ganske så suveren heile vegen, med unntak av første og siste intervall, der Johnny og Magne yppa seg. Ver og føre: 25 grader, vindstille. Alle stilte i shorts.
===================================================================
18.08.2007:
Høstens første økt var slik: 4 x 300m bakkeintervall ved H. Flatabø. Sjefstrenaren låg stort sett først, med Åsmund like bak. Ein merka seg elles at gruppa sin einaste 60-åring var langt framme i feltet. Erling klaga over at «stolpen hans» hadde flytta seg framover sidan i fjor!!
Ver og føre: Litt sur vind frå vest, 12 grader og opphaldsver.
————————————
25.08.2007:
Golfrunden vart delt opp i 3 delar slik: 3min – 2min – 1min. Sjefstrenaren merka seg at mange var nærare enn vanleg. Kva kan det skuldast?
Ver og føre: Ca. 10 grader og litt sur vestavind. Kraftig regnskur under oppvarminga, elles opphald.
———————————-
01.09.2007:
Igjen var vi på plass og kunne «glede» golfarane med våre lette steg…(!!). 4 x 2min var dagens meny. Kjell Ø skulda på forkjøling og skulle ta det med ro. Det medførte at både Ivar Andre og Johnny var nærmare enn vanleg. Elles merka sjefstrenaren at mange «dar bak» var nærmare enn vanleg. Hmmm….
Ver og føre: Ca. 7 grader og regn. Heldigvis vindstille, så det var no greitt på ein måte….
———————————–
08.09.2007:
Det vert rapportert om at golfrunden vart brukt i denne økta. Astrid sprang intervallar og gutane var «harar»….
———————————–
15.09.2007:
Motbakkeintervall var dagens meny. 4 x ca. 350m i bakken nedanfor skisenteret. Kjell Ø var solid med snitt på 1.21. Ivar A. var nærmast. Elles ei skånsom økt for beina, medan lunge og hjarte fekk meir enn nok.
Ver og føre: Ca. 5 grader og vindstille. Vinteren nærmar seg og ein såg både topplue og hanskar i bruk.
————————————–
22.09.2007:
Ass. sjefstrenar la opp ei god økt: 8x1min rundt Golfvegen. Det vert rapportert om at Kjell Ø og Kjell N kjempa hardt «dar framme»… Elles god stemning undervegs i ølta.
Ver og føre: Ca. 8 grader og regnbyger.
——————————-
29.09.007:
Vi flytta oss innover mot Stampesletta denne fine haustdagen. Der var kjekt å kjenne «flyten» og sjefstrenaren synes gubbane såg særs spreke ut. 4x500m med 1,5 – 2min pause vart greitt gjennomført. Snittfart i teten ca. 1.40. Siste draget var det fleire som sprang 500m og følgande tider vart registrert: Johnny (1.39), Magne (1.43), Anders (1.48), Oddvin (1.53), Rune (1.54), Svein Arne (2.04). Det er absolutt godkjent!.
Ver og føre: Ca. 10 grader og vindstille. Gode forhold!
————————————————–
06.10.2007:
I dag var det nesten vårleg i løypene, då ein kunne by inn til testløp. Golfvegen Rundt har vore prøvd før, og i dag fekk vi mange gode tider. Både Kjell Ø og Kjell N sette likegodt pers med sterke tider. Lenger bak i feltet var det mange som sprang fort og mange av desse fekk registert si første tid i løpya. Åsmund imponerer, og ser ikkje ut til å ha tapt formen etter fråværet. Likeså pressar Frida mange av gubbane til å ta ut meir enn dei hadde tenkt.
Her er resultata: Kjell Ø (6.06), Kjell N (6.29), Åsmund (6.59), Gaute (7.20), Magne (7.23), Johnny (7.27), Roald (7.39), Reidar (7.41), Leif (7.59), Anders (8.03), Rune (8.04), Frida (8.05), Asbjørn (8.05), Svein Arne (9.58), Turid (11.00), Erling (11.52)
Ver og føre: 14 grader, opphaldsver og lett vind frå vest.
———————————————
13.10.2007:
Assisterande sjefstrenar, Rune, hadde i dag ansvaret for økta. Det medførte at treningsdosen vart auka ganske så mykje…. Først 5x300m bakkeløp ved H.Flatabø, så 3 x 1min drag innatt vegen. Gode saker. Sjefstrenaren har ikkje fått detaljar, men vil anta at sidan Kjell Ø var på plass, var plass-siffer «1» opptatt.
—————————————
20.10.2007:
Nok ein gong var Golfvegen arena for økta. i dag var det «pyramide-intervall» (Flott ord gitt!!): 1min-2min-3min-2min-1min. Pausane bestemte Erling og Turid! I teten var det fullt demokrati, då både Åsmund, Ivar Andrè og Johnny var først kvar sine gong(er). Ei god økt!
Ver og føre: Vindstille, gråver og 5 grader.
——————————–
27.10.2007:
Siste økt i dagslys for i år. Ein hard dose motbakkeløp var dagens meny. 5 x 2min drag. Pause 1,5-2min. Kjell Ø var i teten heile vegen, men Åsmund viser store kapasitetar og hadde 2.plassen på alle draga. Tung økt for hjarte og lunge, men skånsomt for beina.
Ver og føre: Regnbyger svak vestavind og 8 grader.
—————————-
03.11.2007:
Gjengen samla seg som vanleg på grusvegen på «Bakkeslåttene». Her la ass. sjefstrenar Rune opp ei god økt: 6 x 2min intervallar frå brua ved Halvar Flatabø og innover vegen.
—————————–
10.11.2007:
Vinteren kom brått og brutalt. Det var snøføre og kaldt. Vi trekte innover sørsida og gjennomførte ei god økt i gjestdalsvegen. 5 stk. drag, der siste gjekk heilt til topps. Festet var bra, så økta var god. Kjell N. var først på alle draga, men fleire var nærmare enn vanleg….
Ver og føre: Snø, vindstille og -2 grader.
————————
17.11.2007:
Litt vanskeleg føre mange stader i dag. Vi søkte mot Kjelsneset, og der fann vi akkurat 200 tøya meter. 12 repetisjonar med ca. 45 sek. pause var menyen. Svein-Arne sjokkåpna og tok første draget. Magne tok siste, medan Johnny var først på resten. Litt uvant kost for «undersåttane», men det såg ut til at ingen hadde større mèn etter økta.
Ver og føre: Ca. +4grader. Vindstille og opphaldsver.
————————–
24.11.2007:
I surt ver og slapseføre tok vi laus innover sørsida. Det var sleipt så vi fann ut at Gjesdalsvegen Aust måtte vere arena i dag. 5 drag på ca. 400m vart gjennomført og Kjell N var først på alle. Som alltid er turen nedatt behageleg etter å ha vore i kjellaren… Vel blåst!
Ver og føre: +1 grad, sludd, sleipt og vanskeleg føre.
——————————
01.12.2007:
Ikkje lett å finne gode treningsområde sånne dagar. Men, på sørsida mellom Kjelsneset og Hammar, var det bra. Sjefstrenaren kommanderte 4x1000m med start kvart 5min. «Kan det vere nødvendig?» var det opptil fleire som «klaga» om… Men etterpå var alle einige om at det hadde egentleg gjort berre godt… Sjølv om det var litt småglatt somme stader, var det god fart i feltet. Kjell N tok første drag, Åsmund tok andre (!!!) Kjell N igjen og på siste drag knuste Ivar Andrè all motstand med ein solid spurt. Farten låg mellom 3.35 – 3.48 på tetgruppa.
Ver og føre: Ca. + 1 gr lett regn. Stort sett greitt føre, men enkelte isflekkar var litt plageleg…
————————-
08.12.2007:
Endeleg ein fin dag med høg himmel og vindstille. Tradisjonen tru gav vi oss i kast med ei av dei klassiske førjulsøktene: 20x200m! Jepp, dette har vi klart «i alle år», og i dag var dagen for årets. På grusvegen ved Jostein Øvrebø var det gode forhold for fart og moro. Dei fleste kom velberga igjennom sjølv om leggar og ledd protesterte på menyen. Sjefstrenaren var i tet heile vegen med Kjell N enten på sida eller like bak. Ein merka seg også at Reidar heldt god fart og var langt framme. Jølsters mest veltrena veteran-fotballspelar vil vi tru.
Ver og føre: Ca. 1 minus grad og godt føre.
————————-
15.12.2007:
Årets siste harde treningsøkt vart gjennomført under veldig gode tilhøve. Flott ver og veldig godt underlag. For at bygdefolket skulle få sjå at vi er ved god helse, la vi økta i flomlys på gangvegen i Vassenden sentrum. 6x500m frå Bøafeltet til Jølster Hotell har vore sprunge mange gonger før, og i dag var det kjempefeste noko som innbaud til god fart. Ivar Andrè var først på dei fem første, medan sjefstrenaren tok siste draget. Tider frå 1.35 -1.45. Ein legg elles merke til at Svein B. er på frammarsj og tok ofte teten i «gruppe-2». Ei god økt!
Ver og føre: -1 grad og vindstille. Flott føre.
————————–
22.12.2007:
Årets siste trening, var som vanleg ein roleg og triveleg økt. Vi jogga ut til Flatabø og heimatt. Enkelte tok litt meir i enn andre på vegen heimatt.
Ver og føre: Stille -2gr og vindstille. Fint måneskin og rett so idyllisk.