Gubbe-blogg

31.01.2008:

Vårt nye treningstilbod vart starta opp i kveld. Håpet er at dette skal hjelpe oss litt vidare og heve formen framover vinteren og våren. 7 stk. møtte: Desse var: Asbjørn, Erling, Ivar Andrè, Johnny, Magne, Oddvin og Svein Arne.

Trening: På gangvegen ved Bøafeltet var det tøya og gode forhold. 12x200m var gjennmført i god fart. Sjølv om det lugga litt i musklaturen var det kjekt å kjenne på farten.

Ver og føre: Lett regn/sludd, vindstille og ca. 0 grader.

—————————————

07.02.2008:

6 ivrige stafett-aspirantar mønstra til kveldens trening. Det var: Anders, Asbjørn, Erling, Ivar Andrè, Magne og Oddvin.

Trening: Det var småglatt mange stader, men på gangvegen ved Bøafeltet var det bra. 10x300m var den gode økta. Ivar Andrè var i tet heile vegen med Magne som ein god nr.2.

Ver og føre: Lett regn – ca 0grader og vindstille.

—————————–

14.02.2008:

I kveld møtte 5, dvs. egentleg var vi 6. (Oddvin kom litt seint og fekk ikkje med seg hovedøkta). Desse var: Dag, Johnny, Magne, Roald, Svein-Arne og som sagt Oddvin.

Trening: Det var glimrande tilhøve på sørsida med tørr asfalt, så vi tok kursen innover. Økta var 1x3000m. Tider: Johnny(12.16), Magne(12.48), Roald(13.52), Dag(14.27), Svein Arne(18:30). Og at det gjorde godt, var alle einige om.

Ver og føre: Månelys, vindstille og klart. Gode forhold.

——————————–

21.02.2008:

Det var eit forferdeleg ver, men trur du det stoppar oss? Nix!! 6 mann var på plass til ein frisk dyst: Ivar Andre, Johnny, Magne, Oddvin, Roald og Åsmund.

Trening: Det vart ei litt utradisjonell økt, nemleg 1 bakkedrag frå Leon Årset og heilt opp til Leif Årseth. Ivar var først og Åsmund imponerer som ein god nr. 2. Tungt var det, men det gjorde godt likevel.

Ver og føre: 5 +grader, kraftg vind og regn. Skikkeleg ruskever.

—————————–

28.02.2008:

Nok ein kveld med slapseføre. For 4.gong på rad stilte 6 gubbar til dyst. I kveld kom desse: Asbjørn, Dag, Ivar-Andre, Johnny, Magne og Oddvin.

Trening: Alternativa til godt feste var få, så vi søkte mot Gjesdalsvegen og bakkeintervall. Der var det faktisk brukbare forhold. 4+1 turar vart det, og som vanleg var siste drag meir enn tungt nok. Ivar-Andre var først på alle så nær som nr.4 der Johnny fekk lov å vere først. Magne kom som vanleg godt på siste draget og tok 2.plassen.

Ver og føre: Ca. 0 grader, lett regn og vindstille. Nylagt snø gjorde at det var litt sleipt, men ikkje verre enn at det gjekk greitt.

————————–

06.03.2008:

Sesongen lågaste frammøte. Kun 4 møtte i dag. Det var: Johnny, Kjell N, Magne og Svein Arne.

Trening: Forholdsvis gode forhold i dag, og på gangvegen ved Bøafeltet køyrde vi 8x300m intervallar med 1min pause. Kjell og Johnny var først på dei 5 første draga, deretter fekk Johnny ei lita luke. Magne var delvis og tok det med ro…

Ver og føre: -1 grad og opphaldsver og vindstille. Gode forhold på gangvegen.

————————————

13.03.2007:

Det var årsmøte i Jølster IL denne dagen, så nokre hadde «gyldig» fråver.. 5 mann på plass i kveld: Asbjørn, Dag, Ivar Andrè, Magne og Oddvin.

Trening: Gjesdalsvegen var nok ein gong god å ty til. Som sist var det 5 drag på ca. 350-450m. Eg vil tru at Ivar Andrè var først, men det kan vere feil…

Ver og føre: Ca. 0 grader og lett regn.

———————————–

27.03.2008:

Påska er over våren kan komme, men våren såg vi ikkje så mykje til idag. 4 personar møtte: Det var Asbjørn, Dag Johnny og Magne.

Trening: Vi jogga inn til Strand. Så tok vi ein hurtig langtur på 3km tilbake. Tok tida gjorde vi også: Magne (12:28), Johnny (12:30), Asbjørn (13:15).

Ver og føre: Sur vind frå aust var god å ha i ryggen heimatt. Litt småglatt enkelte stader.

————————

03.04.2008:

Nok ein gong var det den «harde kjerne» som møtte: Asbjørn, Ivar-Andre, Magne og Oddvin.

Trening: Det vart bakkeintervall ved Hallvard Flatabø. 5x300m med god fart. Ivar var først, men hadde både Oddvin og Magne ganske nær.

Ver og vind: ca. 5 grader+ og lett vind frå vest.

—————————-

10.04.2008:

I kveld kunne vi ta i mot nok ein nykommar i våre rekker: Reidar Losnegard frå Førde/Solund. Han er kandidat til laget på Kollen og ein habil løpar. Totalt var vi då 7 stk: Asbjørn, Dag, Johnny, Magne, Oddvin, Reidar og Roald.

Trening: I området Stampesletta vart det ei (forholdsvis) fartfylt økt: 800m-600m-400m-200m (Pause 3-2-1 min) Johnny var først på alle draga – det siste likt med broderen…Tider i tet: 2.45-2.01-1.12-31. Det var betryggande å sjå at Reidar var ganske nær teten, og på siste draget kom Oddvin som ei kule…

Ver og føre: Ca. 2+grader og vindstille. Ein fin kveld.

——————————

17.04.2008:

På ein fin kveld i solskinn, men med kald trekk frå aust, møtte desse på trening: Asbjørm, Dag, Ivar Andrè, Johnny og Oddvin.

Trening: Ein prøvar stadig å få opp farten fram mot sesongen. I kveld var det pyramide-intervall på Stampesletta: 200m-400m-600m-400m-200m. Pausar frå 2-3min. Tider i tet: 32-71-1.51-71-31 og der var Ivar og Johnny ganske så like.

Ver og føre: Ca +5grader lett vind frå aust og klarver. Flott kveld!

—————————–

15.05.2008:

Etter testløp og testløp og stafettar var vi tilbake i kvardagen. Det regna og vinden var sur, men stoppa det oss?? Ikkje desse iallefall: Asbjørn, IVar Andre og Johnny

Tening: 5 x bakkeløp i Gjesdalsvegen. Ivar Andre var sterk og suverèn på alle drag.

Ver og føre: Ca. 3 +grader regn og surt.

—————————————–

22.05.2008:

I dag var vi 4: Asbjørn, Dag, Ivar Andrè og Johnny

Trening: Grunntrening er no tema. Kveldens meny: 4x1000m start kvart 5.min. Ivar var i støtet og køyrde denne serien: 3.25-3.26-3.22-3.21.

Ver og føre: Sol og lett vind frå aust. Ca. 10 grader og fine forhold.

——————-

29.05.2008:

Frammøtet er lite med godt: Asbjørn, Ivar Andrè og Magne.

Trening: 5 x 2min drag rundt Golfvegen. Ivar Andrè blir betre og betre og var utan konkurranse.

Ver og føre: Sommaren er komen og det er kort og godt supre forhold.

———————-

05.06.2008:

Frammøte: Den harde kjerne held stand: Asbjørn, Ivar Andre, Magne og Johnny (Vi blir betre og betre altså…)

Trening: Langintervall på. sørsida: 3x1000m + 1x500m. Start kvart 5.min. Ivar køyrer tøft og hadde denne serien: 3.15-3.24-3.23-1.30. Eit stykke bak kom Johnny, Magne og Asbjørn i nemnde rekkelfølge. Alle under 4min på 1000m.. Det lovar bra.

Ver og føre: Kun ein ting å seie: Fantastisk! Det er sånt ein drøymer om når vinterstormane herjar….

————————-

12.06.2008:

Frammøte er ikkje all verden, men dei som kjem er iherdige: Asbjørn (sjølvsagt) Ivar Andre (også sjølvsagt) og Roald (!»!??)

Trening: Pyramideintervall var dagens økt: 200m-400m-600m-400m-200m.

Ver og føre: Flott kveld!

———————–

19.06.2008:

Ei grei treningsgruppe m.o.t. antal i kveld:  Ivar-Andrè og Johnny.  Jepp… verken meir eller mindre.

Trening:  8x500m (start kvart 3. min).  Ei god og sugande økt.  Ivar køyre jamnt og godt med desse tidene:  1.37-1.38-1.39-1.38-1.39-1.37-1.37-1.34.  Johnny 3-5 sek. bak.  Det var begge nøgde med.

Ver og føre:  Lett regn og lite vind.  Ca. 12 grader og ok.