Gubbe-blogg

Det har vore sagt at gubbetrimmarane er konkurranse-sky, at vi likar oss best litt vekkgøymd i tussmørket….   Vi har heiderlege unntak, men dei fleste av oss konkurrerer lite.  2010 kan bli eit år der slike påstandar vert lagde «døde og maktesløse»…..  For kva skjedde på styremøtet forrige laurdag?  Jau, etter ein frisk og god debatt, melde likegodt Roald seg, på strak arm, på 800m i klasse 60-64år på sommarens Veteran-NM!!!   Sverre har også meir eller mindre stilt sin kropp til disposisjon for dette stemnet.  Det er lenge igjen til Aug 2010, men skal vi vere med då, er det meir enn påmeldinga som må vere på plass… Det skal trenast også…

Som før sagt, dette er ikkje «skummelt» – alle vi kan vere med utan å skjemmast!  Tek DU utfordringa, og satsar på å vere med i Florø neste år?  Køyr debatt!

Hausten er styremøtetid i vår organisasjon.  I fjor trur eg vi hoppa over styremøtet – noko vi fekk svi for på det etterfølgande årsmøtet, då sakene var ekstra mange.

Tidleg november skulle vere høveleg, og eg dristar meg til følgande møtedato:  Laurdag 7.november.

Stad for møtet vert vi nok einige om…

Tilbakemelding her på bloggen takk!!!

Jølster Skisenter har tenkt å prioritere opp turløypene ut frå Bjørkelia.  Eit av tiltaka er å få laga ei endå lengre rundløype i området ved Bakkevatnet i Gjesdalen.  For å få ei god løype må det ryddast skog der oppe.  Roald Bendik, vår mann i langrenns-miljøet, har teke på seg å få dette gjort.  Til det treng han hjelp.  Han spør først dei han helst vil jobbe i lag med – nemleg oss….

Derfor:  Søndag 20.sept kl. 09:30-14:00 vert det kalla inn til Gubbedugnad…. Frammøte ved bommen v/Kjartan Håland  (Vestre Gjesdalsveg).  Ta med deg ei handsag eller kraftig handsaks til felling av småskog.  Motorsag vert ordna.  Dersom du har høve å ta eit tak – skriv deg inn her..

Hei alle gubbar!  Ja, sommaren er snart over og mange gode treningsøkter ventar…  Håpar alle har pleia forma høveleg, slik at første trening ikkje vert eit sjokk!  Vi startar oppatt ny sesong laurdag 22.august.  Som vanleg kl. 17:00 ved Rune`s Garage.  Dersom alle vervar ein ny gubbetrimmar, vert vi over 40 på trening!  Tenk på det!  Vel møtt!

Ja, så er det snart sommar og tradisjonen tru skal det vere ei lita markering.  Dette skjer laurdag 20.juni.  Som vanleg snakkar vi om ein sosial time på Juklestad Brygge etter ei lett treningsøkt.   Ein anna tradisjon er dette med «2 pils og 2 pølser».  Ja, ja, ikkje for det, eg trur ingen vert sure om ein tek med meir… (pølse…)  Dermed er det berre å smørje opp sykkelen og møte opp.

Her er ei fin testløype der du kan sjekke din eigen form i forhold til deg sjølv og andre:  Jogg roleg ned til grustaket i Kvammen..  Starten er på høgste punktet på vegen i grustaket.  Spring så tilbake mot Golfvegen, ta til venstre og spring nedre runden.  Mål er i inngangen til kneiken ved Jølvassbu Camping.  Distanse er ca. 4km og rekord så langt har Kjell Øygard med 15.47.  Versågod!!!

På årsmøtet sist laurdag tok Erling, så sporty, på seg å arrangere ein ny mølletest.  Etter suksessen i 2007, kan ikkje dette anna enn å gå bra!  Som sist er det i garasjekjellaren til Erling det skal skje, og som sist skal vi sjå kor langt vi spring på 10min.  Versågod Erling – vi er til din disposisjon… Vi gru-gledar oss!!!

Som de veit så har vi (truleg) tapt oss i øvinga «Møter»….  2008 passerte utan eit einaste formelt møte, sjølv om vi hadde mange gjeve samlingar og jubileum…  No er det på tide å komme seg på gang igjen også med møta.  Vi har snakka om å finne ein laurdag i februar.  Sverre har, sporty nok, stillt kjellarstova si til disp. så den delen av arrangementet er grei.

Så gubbar:  Kva laurdagskveld i februar kan passe?  Blogg i veg….

Har du ete (for) mykje???  Smakt på lik og ulik drikke??  Har du sete for mykje i ro?  HAR DU LYST Å GJERE NOKO MED DET???   Tilbud til deg:  Møte opp på vanleg stad, til vanleg tid også laurdag 27.des.  Vel møtt og framleis god jul!!!

Tradisjonen tru vert det juleavslutning i Roald sin garasje etter økta laurdag 20.des.  Som vanleg vert premie til den mest flest frammøte i haust, og evnt. andre kåringar som arrangørane kan finne på.  Også som vanleg vert det servert rakaure og gløgg.  Derfor:  Ta med deg ektra tøy å ta på etter treninga, og gje melding til føresette at du kan ventast heim seinare enn vanleg.