Då er det bestemt: Det vert styremøte i Knutetunet laurdag 20.nov. kl. 20:00. Det er greitt for dei fleste ser eg, sjølv om Asbjørn dessverre ikkje vert å finne ved møtebordet…. Leif har ordna seg med avløysar «Pèrlen», så han har klar bane….
Saker som ein ynskjer å ta opp vert å poste her. Nokre er alt på plass som ein ser.
Vel møtt!
Gubbetrimmen i Jølster er kalla inn som høyringsinstans (i lag med andre) i «Kommunedelplan for idrett, friluftsliv, fysisk aktivitet og folkehelse 2011-2014. Du finn denne på Jølster Kommune si heimeside eller direkte her: https://www.jolster.kommune.no/Filnedlasting.aspx?MId1=5&FilId=196
Som ein forstår – vi er å rekne med! Kjekt å få reaksjonar på det som står i planen her på bloggen. Kanskje nokon som bestemmer ser dette???
Laurdag 21.august kl. 17:00 startar vi oppatt treninga. Då veldig mange av gubbane er på fjelltur denne helga, vert dette å rekne som ein «prøve-oppstart». Med andre ord: Vi som er heime nyttar høvet til å få eit forsprang på dei andre, og så vert 28.aug. første offiselle trening. Vel møtt!
Så er sommarens store mål for mange av gubbetrimmarane over. Veteran-NM 2010 i Florø vart ein skikkeleg suksess for oss. Høyr berre her: Gull: 5 stk. Sølv: 2 stk. Bronse: 4 stk. Det er behaldninga våre medlemmer henta heimatt frå Florø.
Den kanskje sterkaste prestasjonen var Gry sine 2 løp – 3000m og 5000m. 11.24 på 3000m og 19:47 på 5000m. Begge er jølsterrekordar med solid margin. Så har vi Kjell N. som tok heile 2 gull. 800m (2.20) og 1500m (4.51). Veldig gode løp. Det kan nemnast at for både Kjell og Gry var dette debut som baneløparar! Jan tok også gull – her på 100m. Tida var 13.11. Siste gullmedaljen var det Ivar Andrè som ordna med sin 5000m. Tida var 18.24.
Vidare kom medaljane slik: Jan: Sølv 200m, Johnny: Bronse 400m og 800m., Sverre: Bronse 100m. Til slutt må vi nemne stafettlaget på 1000m i klasse 60-69år. Her sprang Erling, Rune, Oddvin og Roald. Etter hard duell med spesielt Veldre måtte dei ta til takke med 3.plassen. I same rennet må vi nemne at Oddvin også deltok på 200m og 400m. Her vart det 4.plass på begge løp. Til slutt: Svein Boge var også med – her på 5000m. Dessverre så måtte han bryte grunna ein kranglete akilles.
Som sjefstrenar vil eg takke for kjekke økter på Førde Stadion i sommar. Uvant trening for dei fleste dette, men framgangen for den enkelte var påtageleg. Flott at så mange vart med på NM. Håpar fleire fekk lyst å konkurrere meir på bane. Kanskje kan vi reise ein god gjeng til Drammen på neste års NM?
For 2 år sidan hadde vi gåande ei (hard) øving der vi fekk testa motbakke-formen. Oppgåva er: Kor lang (eller helst kor kort) tid brukar du på denne løypa: Start ved påstigninga til den gamle Bjørkeliheisen. Gå opp trekk-trasèen, kryss over myra og inn på vegen. Følg vegen/koffertløypa opp dit du møter det nye trekket. Mål er rett under kablane på trekket.
Eg tok ut lista over tider frå 2008. Slik ser dei ut:
Kjell Ø 19.51
Vidar H 20.54
Johnny 23.24
Gaute 24.17
Roald 25.50
Turid 34.00
Ver så god her er det berre å sette i gong….
Frå og med kommande veke vert det treningar på Førde Stadion kvar måndag. Første trening vert 7.juni og frammøte er kl. 16:15 – ferdig skifta. Dette er eit tilbud til alle, og spesielt dei som tenker å vere med på Veteran-NM i Florø i august. Her vert det fart og spenning (??), så godt det let seg gjere.
Vel møtt!
Ja, det lakkar mot sommar og ferietid. Tradisjonen tru avsluttar vi sesongen på Juklestad Brygge. I år er datoen 19.juni. Vanleg frammøte med (lett) trening først, deretter grilling m.m. Vi satsar på sol (og at Oddvin badar). Tradisjonen tru snakkar ein om 2 pølser og 2 pils, men her er det ope for variasjonar..??
Som før sagt, så vil dette ta litt lenger tid enn vanleg, så du får melde frå heime at du vert sein!
Ola H – stødig medlem i vår organisasjon – fylte 60år i november. Den gongen hadde vi ikkje tid til å feire han, men no skal dette skje. Dagen vert laurdag 13.mars. Opplegget er omtrent som følgjer: Vi møtest utanfor Skei Hotell kl. 17:00 til treninga. På hotellet leiger vi oss eit rom (base-camp) der vi kan skifte og dusje. Vi tenker å nytte oss av fasilitetane som boblebad og basseng før vi går til middag sånn ca. kl. 20:00.
Det hadde vore greitt å vite kven som tenker å bli med under middagen, slik at vi kan varsle hotellet om det. Det blogges!!!
Etter sterk oppmoding frå mange kjem Erling no til å kalle oss inn til mølletest. Ja, no vart du sikkert glad, og her er det sanneleg berre å glede seg. Som ein hugsar har dei fleste av oss vore igjennom dette 2 gonger før. Øvinga er altså å sjå kor langt du kan springe på 10min.
For å friske oppatt hukommelsen er det masse kjekk lesing frå åra før her på bloggen. Desse finn du ved å bla bakover i gamle saker.
Og hugs at stagnasjon = framgang når det gjeld oss!
Då vil Erling kalle deg inn etterkvart. Lukke til!
Snart er også året 2009 historie. Det er snart juletid og med det juleavslutning i Gubbetrimmen. Dette skjer som vanleg siste laurdagen før jul – det vil seie 19.des. Vi startar med ei lett treningsøkt før vi benkar oss rundt bordet i Roald sin garasje til mat og prat. Det vert premieutdeling til den som har flest frammøte, og kanskje vankar det også andre utmerkingar… Kven veit… Som vanleg er vår gode sponsor, Ivar A, på plass med årets rakfisk. I år går det også rykte om at det vil bli høve til å prøve ein anna variant av rakfisk – denne frå Årdala…. Roald m. gode hjelparar ordnar tilbehør – herunder gløgg. Om du treng noko meir i koppen tek du det med sjølv.
Dermed ynskjer ein alle velkomne. Ta med deg tørre klede å ta på etter treningsøkta og gje som vanleg melding til føresette om at du kan ventast seinare heimatt enn vanleg…