Banetrening 2025
Gubbetrimmen si Førdeavdeling. Torsdag kl. 16:15 startar vi – ferdig oppvarma. På Førde Stadion når det føre til det. Elles i Klettentunnelen eller Hornes-gjelet.
********************************************************************************************************************************************************************
02.01.2025:
Nytt år, og vi er i gang igjen. Det er vinter med snøføre og heller kaldt, så er Kletten-tunnelen god å ha. Det fann desse ut i dag: Atle, Geir, Johnny, KjellØ, Torbjørn og Villy (Våge). Ikkje allverdens frammøte dette, men det er verst for dei som ikkje var her !!???
I dag var det kort-intervallar – dvs i underkant av 200m. Vi sprang 2 seriar med 10 stk. Hardt nok dette og forholdsvis uvant for musklaturen for fleire av karane. Men, det gjekk bra og ingen fekk strekk eller anna…
Ver og føre: Ca. 5 kaldegrader, vindstille og snø.
—————————–
09.01.2025:
Det er full vinter med snøføre og kuldegrader. Då er gangtunnelen god å ha. Frammøtet i dag var heller spinkelt, men 5 stk. møtte. Det var desse: KjellØ, Magne Geir, Odd, Torbjørn og Vegard Ovrid. Flott å sjå sistnemnde igjen som har vore ute med skade i over 1 år.
Det var «lang-intervallar» i dag. Dvs. heile tunnelen frå ende til ende. Det er ca. 400m. Dette vart sprunge 10 gonger, iallefall av Kjell, Magne Geir og Torbjørn. Dei to andre tok det litt «pent» då dei kun tok i på motbakkedelen. Odd og Vegard var først i motbakkedraga, men KjellØ og Torbjørn låg først på resten.
Ver og føre: -10 grader og snøføre ute. Kaldt nok dette.
——————————–
16.01.2025:
Sanneleg er våren kommen, eller??? Uansett så møtte desse på treninga: KjellØ, Magne Geir, Odd, Per Eivind, Tobjørn og Villy.
Tilbake på Førde Stadion og det rekordtidleg. Her var det det gode forhold. Det vart ei solid økt: 8x400m x 2. Pausane var berre 30 sek. PerE var heilt suverèn og var i ein klasse for seg. Tidene var ned mot 80 sek på runda. Så låg KjellØ, Odd og Torbjørn stort sett samla i gruppe2. Tidene var rundt 90 sek.
Ver og føre: Ca. +2 grader og vindstille. Flott altså 
——————————–
23.01.2025:
Etter ei veke uten nedbør og isfrie vegar, var vi tilbake i Gjelet for første gong på lenge. I dag møtte desse: Atle, Geir, Johnny, Magne Geir og Torbjørn.
Det er januar og då skal det vere 5 drag opp til bommen. Første draget var alle unntatt Johnny, som hadde eige opplegg, Men, etterkvart tok Geir over og hadde god avstand. Tidene i tet var frå 3.20 og ned mot 3.00.
Ver og føre: Vindstille ca. 0 grader og fint ver.
———————————–
30.01.2025:
Det lysnar og den tyngste vintermånaden (kanskje ??) er snart bak oss. I dag frammøtet betre enn på lenge. Desse kom: Atle, Geir, Johnny, Jørund, KjellØ, Magne Geir, Odd og Torbjørn. Det skulle bli 8 stk.
Det var såpass kjekt å vere i Gjelet at det vart sånn i dag og. Som venta var Geir sjef og var først på alle Deretter kom dei som perler på ei snor: Odd, Jørund, Kjell, Torbjørn Atle og MG. Geir hadde desse tidene: 3.09-3.02-3.00-2.56-2.50. Det er jo bra av ein «gammal» men sprek kar
Ver og føre: Flotte forhold. Ca. 0 grader og vindtille. Bare vegar og fint.
————————————-
06.02.2025:
Då har vi gjort unna det som normalt er tyngste vintermånaden og runda inn i februar. Fortsatt er det meir vår enn vinter. I dag møtte desse på Førde Stadion: Atle, Geir, Jens-Ole, Jørund, Magne Geir, Odd, Vegard Hegrenes og Vegard Ovrid. Det blir 8 stk. det.
På Førde Stadion var forholda prima og her vart det sprunge 6x1000m med start kvart 5.min. Geir er som vanleg «sjef» og gjennomførte ei solid økt med desse tidene: 3.51-3.46-3.42-3.43-3.39-3.34. På plassane bak fann vi Jørund og Odd, men også VegardH var oppe mellom dei 3 beste på enkelte av drage. Elles var det særs kjekt å sjå Jens-Ole tilbake i gjengen. Han slit med skrale kne, og har måtte trene alternativt. Han køyrde eige opplegg i dag, men vi ser fram til å få han innatt i «intervallgjengen».
Ver og føre: Supert! Ca. 3-4+-grader, vindstille og godt feste
————————————–
13.02.2025:
I flott vinterver møtte 6 stk. til dyst, i dag i Gjelet. Det var Johnny, Jørund, Kjell, Magne Geir, Odd og Torbjørn.
I dag var det 12 drag i den «korte» varianten, dvs frå svingen og opp til busstoppen på Haugum. Det vart ein slags «pardans» i dag. Første par var Jørund og Odd der førstnemnde førte an. Neste par var Kjell og Torbjørn og til slutt paret Magne Geir og Johnny. Med Jørund i tet starta ein med 1.46 for sakte men sikkert å gå nedover til 1.41-1.42. Men Odd var like bak. Kjell og Torbjørn låg ca. 30m bak. På siste draget smelte Odd til med 1.33 (!!) Jørund hadde ca. 1.35.
Ver og føre: Nydelege forhold vindstille og klårt. Ikkje snø eller is, så dette var fint.
—————————————–
20.02.2025:
Sjølv sjefstrenaren, som ikkje var der, haddde antyda Gjelet i dag, tok karane seg til rette og for på stadion (!) Dei som gjorde dette var: Geir, Kjell, Magne Geir, Torbjørn og Villy.
Økta var slik: 5-4-3-2-1 runder. Pausane var får 2,5 – 1min. Geir «the machine» var sjef og hadde teten heile vegen. Og det gjekk bra unna med desse tidene: 8.12-6.21-4.36-2.58-1.21. Vidare var stillingen i feltet slik: Kjell, Torbjørn og til slutt MG og Villy.
Ver og føre: Var supert, med 5-6 + grader og fine forhold. Og det er februar…:-)
—————————————-
27.02.2025:
Våren varer endå, så vart det stadion i dag og. Her sette vi årsrekord med 10 frammøtte. Ein av desse var ny hos oss: Jan Ove Krakhellen. Eigentleg sykkelist, og god form er han i. Her er alle: Atle, Geir, Jan Ove, Johnny, Jørund, Kjell, Magne Geir, Odd, Torbjørn og Villy.
Det vart ei solid økt: 8x400m (1min pause) x 2 (seriepause 2,5 min). I starten såg tetgruppa slik ut: Geir, Jørund, Odd, Jan Ove og Torbjørn. Etterkvart som farten auka var det berre Jørund som delvis følgde Geir. Tidene i tet var frå 89-82 i første serien og 87-80, men på siste draget var Geir heilt nede på 74 (!!!). Som sagt: Dette var ei økt som røska godt opp i systemet, og som vi har godt av.
Ver og føre: Berre supert! Ca. + 3 grader, vindstille og opphaldsver.
—————————————-
06.03.2025:
Litt tynnare i rekkene i dag, då berre 5 stk. møtte. Det var desse: Geir, Kjell, Magne Geir, Per Eivind og Torbjørn.
Førde Stadion er fin for springarar så dermed vart det der. Økta var 8x800m(!) intet mindre. Pause var 1min. Her vart det som venta ein «duell» mellom Geir og Per Eivind. Gruppe2 bestod og Kjell og Torbjørn Der framme i tet kan Geir rapportere om desse tidene: 3.08-3.03-3.02-2.57-2.56-2.54-2.54-2.47. Det må ein seie sterkt for karar som er 55år og eldre.
Ver og føre: Lett regn, vindstille og vårleg. Flott altså.
—————————————-
13.03.2025:
Forholdsvis få på bana i dag og då berre 5 møtte. Ein av desse debuterer i vår gjeng: Emil Knutsen. Tidlegare kollega med Torbjørn og Johnny og som elles er i god form. Her er namna: Emil, Kjell, Magne Geir, Per Eivind og Torbjørn.
På Førde Stadion vart det sprunge pyramide-intervall slik: 1-2-3-4-3-2-1 runder. Pausar 1min på dei kortaste og 1,5 min på resten. I tet heldt Kjell og Torbjørn følgje stort sett heile vegen. Også Emil var med her, men stod over etter 4 runder. Det var ca. desse tidene i tet: 1.35-3.15-4.50-6.25-4.45-3.10-90. Per Eivind køyrde alternativ då han skal på Birken i morgon.
Ver og føre: Opphald, ikkje vind og strålande forhold for løp.
——————————————
20.03.2025:
Ein gamal kjenning, Harald Sletvold, gleda oss med sitt frammøte. Men han var vi 6 stk. her i dag- desse: Atle, Harald, Johnny, Jørund, Kjell og Magne Geir.
Ja, Førde Stadion vart besøkt i dag også og denne økta vart gjennomført: 2x(5x500m). Pausar 1min. Seriepause 3min. Jørund hadde bestemt seg og tok føringa skikkeleg alt i første drag. Harald låg høveleg bak, men nærma seg litt etterkvart. Tidene i tet var solide med 1.46 på første for så å ligge mykje på 1.42-1.43. Siste gjekk på 1.39 (!). Kjell, Torbjørn, Johnny, Atle og Magne Geir var køen bakover, der det var god plass mellom «båtane».
Når alle hadde fått pusta ut var vi einig om at dette hadde vore ei god økt.
Ver og føre: Nydeleg! 5-6 grader, overskya og vindstille.