Gubbe-blogg

Tre gubbar deltok i helga på NM for veteranar i Drammen.  Det var Jan, Kjell N og Johnny.  Etter mange gode baneøkter i Førde i sommar var karane klar til sesongens mål.

Jan var i sving alt fredag, og då på 100m.   Det er heller få som deltek i dei yngste klassane og i Jan sin klasse var det kun tre stk.  Eit greitt løp på 13.36 og dette gav bronse.  Laurdagens 200m (28.15) og søndagens 400m (62.20) gav begge sølv.

Det var Kjell som gjorde det best på stemnet.   To sterke løp gav begge sølv.  800m 2.23.01 og 1500m 4.52.79 var distansar og resultat.    Johnny var med på 800m og 400m og fekk to 5.plassar.  Resultat 62.97 og 2.24.57.

Trass i varierande ver og forholdsvis haltande arrangement, vart det ein kjekk tur til Drammen.  Håpar at vi kan vere fleire som reiser neste år, for dette er ikkje så alvorleg som ein kunne tru…

Her finn du alle resultat:  www.ifhellas.no

Sommarferien er over og det på tide å komme i gang med ein ny sesong.  Nokre har trena veldig godt i sommar, andre ikkje… Alt dette får vi avdekka etterkvart som folket kjem på plass.

I morgon kl. 17:00 er ny avkryssingsliste på plass ved Garasje Grønfur.  Vi håpar at du også er der då.

NB!  Hugs årsmøtevedtaket om at kvar av oss skal verve ein ny gubbetrimmar…!!!

Kjell Steinset – gubbetrimmar så det held – stod for ein stor prestasjon under Nordisk Meisterskap for veteranar i Finland 1.-3. juli.  Han vann både 800m og 1500m!   Ein veldig god prestasjon!  Vi gratulerer så mykje.  Kjell viser veg for oss yngre, og vi er meir enn klar over at vi neppe klarar slike tider når vi er 75 år…   Her er resultata:

M75 800 m

1. Kjell Odd Steinset                      1936 NOR               2.48,57
2. Pauli Ahokas                            1933 FIN               2.52,55
3. Tord Johansson                          1936 SWE               2.52,64
4. Martti Anonen                           1934 FIN               2.55,56
5. Eero Wastimo                            1936 FIN               3.22,33
6. Väinö Skyttä                            1932 FIN               3.37,46

M75 1500 m

1. Kjell Odd Steinset                      1936 NOR               6.06,94
2. Pauli Ahokas                            1933 FIN               6.08,06
3. Tord Johansson                          1936 SWE               6.09,35
4. Eino Manninen                           1935 FIN               6.21,46
5. Väinö Skyttä                            1932 FIN               7.03,75
Martti Anonen                           1934 FIN                   DNS

Ein håpar alle gubbetrimmarar held formen ved like utover sommaren.  Det vi veit er at nokre av oss skal delta på Jølster Maraton, andre er med på fjelltrimmen, nokre trenar for Veteran-NM o.s.v.  Nedanfor kan du formidle kva du gjer – stort eller smått.  Versågod – det blogges!

Ja, no er vi påmelde og skal forsvare organisasjonen si ære i det som no er fylkets desidert største stafett.   Laget er sånn.

1. Jan        1200m kuppert løp.
2. Turid    800m stavgang.
3. Magne    2500m sykkel.
4. Rune        ??  Opp og ned av ein ås.
5. Gry        2500m løp
6. Johnny     1600m løp.

Dersom du elles vil lese meir om stafetten sjå her:   http://www.helse-forde.no/Sider/side.aspx

Tvi-tvi!!!

Eit spennande prosjekt er under oppsegling.  Det skal kårast Gubbenes Mester 2011.  Det er Roald med fleire som er initiativtakar.  Her er øvingane:

Øving 1:  800m løp. Ved start får alle utlevert 3 poteter som ved vending (400m) skal kastast opp i ei bøtte frå 10m, alle potetene må opp i bøtta før de får springe vidare. Bøtta med potetene skal vere med i mål.

Øving 2 :  Vardebygging. Høgast steinvarde på 8min

Øving 3 : 500m temposykling. Enkelstart 30 sek. mellom kvar

Øving 4 : Bogeskyting.

———————————-

Tidskjema:

Oppmøte  kl. 16:00 ved Grønfur Garage.

Øving 1 : Ved Hallvard Flatabø  kl. 16,20.

Øving 2 : Grustaketbak Rune Øvrebø kl. 16,45.

Øving 3. Gjesdalsbrua  kl. 17,15.

Øving 4 : Juklestad Brygge  kl. 17, 40.

Kl. 18:00:  Premieutdeling, grilling (2 pils og 2 pølser)

Ta med sykkel om du har og møt opp!    Dette vert moro!

Tenker du å prøve deg som baneløpar i sommar?  Tenker du til og med på at du skal vere med på NM I Drammen siste helga i august?  Eller har du kanskje ikkje tenkt på noko av det, men berre vil halde deg i form i lag med gode vener?  Uansett er du velkommen på Førde Stadion måndagane kl. 16:15.  Vi startar i morgon 30.mai.  Velkommen!!!

Det er oppretta eigen knapp i menyen til høgre der du kan følgje med på kva som skjer.

Det stundar til vår  og møtetid igjen.  No er det årsmøtet som står for døra.  Dette bør vere unnagjort  før juni.  Kanskje er påska ei høveleg tid?  Kanskje tidleg i mai?  Eg lanserer her eit par alternativ (andre kan også vere aktuelle):    1. Langfredag   2. Laurdag 7.mai.

Sverre har alt antyda at han kan halde lokale – det set vi pris på!

Til alle:  Meld tilbake om når du kan stille…

Jula kjem til oss gubbane også i år.  Og i år er juleavslutninga så  tidleg som det går an – nemleg 18. des.

Vi møtest til trening på vanleg stad til vanleg tid.  Så følgjer ei lett økt på ca. 30min før vi benkar oss rundt bordet i garasjen til Roald.  Nytt av året er kunstutstilling med dei to kunstnarane Leif Berg og Magne Solheimsnes.  Dei stiller her ut verka som vart unnfanga i Astruptunet tidleg i haust under blåturen med dei ferske 50-åringane.

Elles har vi tradisjonelle innslag med kåring av «årets julegris», og som vanleg er sponsoren vår – Ivar A. Sunde – på plass med årets rakfisk.  Det vert truleg allsang av ymse valør og tema.  Nissen har vi ikkje høyrt noko frå, men kven veit???

Set av litt ekstra tid til ei kjekk stund.  Tips:  Ta med deg litt tørre klede å ta på etter treninga.  Vel møtt!!!

Då er det bestemt:  Det vert styremøte i Knutetunet laurdag 20.nov. kl. 20:00.  Det er greitt for dei fleste ser eg, sjølv om Asbjørn dessverre ikkje vert å finne ved møtebordet….  Leif har ordna seg med avløysar «Pèrlen», så han har klar bane….

Saker som ein ynskjer å ta opp vert å poste her.  Nokre er alt på plass som ein ser.

Vel møtt!