For dei som vil spisse formen til deltaking på stemner i sommar – eller som berre vil bli i betre form… Her er eit tilbud til deg:
Måndagar kl. 16:15 på Førde Stadion vert det trena gode baneøkter. Her er det berre møte opp iført treningsdrakt og joggesko. Følg treningane på linken til høgre.
Etter jonsok er det planen å ha ei økt nr. 2. Dette vert torsdagar på Byrkjelo med frammøte kl. 19:00.
4 Jølstringar på plass i Haugesund denne helga. Ein flott første dag er no over og vi kan rapportere om mykje edelt metall. Først av alt: Kjell S har sett ny norsk innendørsrekord på 1500m med tida 6.03.09. Ei forbetring på over 10 sekund! Det er guten sin det! Vidare imponerer Sverre med sin fenomenale spenst. Først sølv i stille høgde (1.21) før han i stille lengde slo til med 2.52 i siste hopp og kapra gullet!
Jan sprang i dag 200m. Eit skikkeleg sterkt felt var det. Av dei 4 som starta vart han nr.4, men så blei ein diska pga at han trakka på streken. Dermed fekk Jan bronsen. Til slutt var det sjefstrenar Johnny på 1500m. Her vart det 3.plass med tida 5.05 ei forbetring frå i fjor på 10 sek. Dermed var iallefall han nøgd. Vi kjem tilbake med meir resultat i morgon – så følg med.
Søndag vart nok ein god dag for Jølster. Kjell S jakta norsk rekord på 800m noko han greidde med god margin. Eit sterkt løp på 2.48 der han forbetra Arne Hammarsland sin rekord med nesten 5 sekund! Fantastisk prestasjon – prøv det den som vil. Elles dokumenterte Johnny at treninga i vinter har hatt sin misjon. På 800m vart tida 2.23 og ei forbetring på 3 sek frå i fjor. Dette gav 2.plass. Ellles så var Jan i sving på 800m (2.26) og Sverre på 60m (9.53) . Begge fekk 4.plass her.
Med dette var ei kjekk helg i Haugesund over. Eit flott arrangment som mange fleire Jølstringar burde vere med på. Oppsummert fekk vi 3 gull – 2 sølv – 2 bronse.
Resultata finn du her: www.nmhaugesund.no
Snart er det jul igjen og tradisjonen tru samlast vi til avslutning for årets sesong i Roald`s Garage siste laurdag før jul. Dvs 22.des. Vi møtest kl. 17:00 som vanleg. Etter ei litt kortare økt enn vanleg benkar vi oss rundt bordet til mat og prat. Det vert prisutdelingar for haust-sesongen, det vert allsong og kanskje kjem nissen??
Eit godt tips: Ta med tørre klede å ta på etter treninga. Gje beskjed heime at du vert litt seinare enn vanleg.
Vel møtt!
Vi held koken på treningane, der frammøtet er mykje betre enn i fjor på same tid. Men, korleis er det med møteformen? Etter tradisjonen skal vi ha styremøte i løpet av hausten. Med erfaring frå fleire slike runder, er det ikkje lett å finne ledig kveldar som ikkje har ein kvardag dagen derpå…
Uansett: Hiv dykk ut på Kva laurdagskveldar er ledig før jul? Kven kan vere husvert for møtet?
Laurdag 25.august startar vi oppatt treningane. Dette er vår 35.sesong, så no er også organisasjonen blitt veteran!!!
Frammøte som vanleg kl. 17:00 ved garsjen til Rune Grønfur. Og som før sagt: Tek du med deg ein ny gubbe til treningane, vert det skryt å få!
Det ser elles ut som vi kjem til å bli internasjonale, då fleire frå Jølster Mottakssenter har meldt sin ankomst!
Vel møtt!
Vi er pengelens og på vegne av kassèraren minner eg om innbetaling av årskontigenten. Den er kr. 100,- og kontonummeret er 3705.12.83423.
Nokre har kanskje ikkje betalt på fleire år??
Gubbetrimmens sommaravdeling startar oppatt måndag 11. juni. Frammøte Førde Stadion kl. 16:15 ferdig skifta. Målet for nokre er Veteran-NM i september – for andre er dette berre ein grei måte å komme i form og få opp farten… Vel møtt!
Helga 17.-18. mars vert Innandørs-NM for veteranar arrangert i den nye friirettshallen på Leikvang nord for Åsane. 5 gubbar stiller. Desse er: Kjell S: 800m og 1500m, Sverre: Lengde u.t. og Høgde u.t. Reidar: 60m og 200m. Kjell N: 800m og 1500m. Johnny: 800m og 1500m.
For dei som vil følgje med korleis det går er her link til heimesida for arrangementet: http://osteroyil.no/index.php?mapping=562
Resultat 1. dag:
Sverre: Lengde u.t. 2.51 nr. 4. Høgde u.t. 1.19 nr.2. Kjell S: 1500m nr.1. Kjell N: 1500m Nr.2 4.58. Johnny: 1500m Nr.2. 5.15. Reidar: 200m Nr.2 30.8
Resultat 2. dag:
Reidar 60m 9.33 (nr.2). Kjell S 800m 2.57 (Nr.1). Johnny 800m 2.26 (Nr.2). Kjell N: 800m 2.27 (nr.3).
Masse gode bilder på Kondis: http://www.kondis.no/veteran-nm-med-mange-gode-tider.5033800-127676.html
Det nærmar seg jul med stormskritt, også for gubbar. Tradisjonen tru vert det arrangert juleavslutning i garasjen til Roald siste laurdagen før jul. I år der dette allereie 17.des. Vi møtest til vanleg tid og vanleg stad, tek så ei kort øk,t før vi benkar oss rundt bordet til mat og prat.
Her vert det som vanleg premieutdelingar og utmerkingar for haustsesongen. Vi reknar også med at sponsoren vår – Ivar A – stiller med årets rakfisk. Roald serverer gløgg, poteter og tilbehør. Treng du anna drikke tek du det med sjølv. Ein reknar også med at det vart allsang av ymse slag og om nissen kjem, veit kun han sjølv..
Set av tid til ei kjekk stund, og gje melding heime at du kan ventast seinare enn vanleg. Eit nyttig tips er å ta med tørt tøy i sekken. Vel møtt!
Det er tradisjon for, på hausten, å halde styremøte i vår organisasjon. Vi hugsar eit triveleg årsmøte hos Magne i slutten av mai. Mange av oss lurer på vi vedtok då – noko skrivaren må ta ansvar for å fortelje oss. Så dermed er Dag sett i arbeid for ei stund vil eg tru…!! Det kan vere på sin plass å repetère innkallinga og oppspelet til årsmøtet: http://www.gubbetrimmen.no/blog/?p=315#comments
Vi må finne dato…. Det må vere før nyttår. Det må vere ein laurdagkveld. Og for mange – bør ein ikkje har for mange plikter dagen etter. Eg ser på min eigen kalendar at det tetnar til med aktivitetar i helgane fram mot jul. Sånn sett er desse laurdagane uaktuelle eller vanskeleg for min del: 29.oktober, 12.november, 26. november, 3.desember. (Ja, det var mange det).
Så folkens: Ta ein kikk i avtaleboka, finn ledig tid og fortel oss andre om det!